काँग्रेसचं मोदींवर टीकास्त्र

www.24taas.com, झी मीडिया, नवी दिल्ली
सरदार वल्लभभाई पटेलांच्या जन्मभूमी गुजरातमध्ये त्यांचं एक भव्य स्मारक स्टॅच्यू ऑफ युनिटीच्या नावाने उभारण्याचा निर्धार मोदींनी केलाय. स्टॅच्यू ऑफ लिबर्टीपेक्षा दुप्पट मोठा असा हा पुतळा असणार आहे.
मोदींच्या या घोषणेवर काँग्रेसने जोरदार टीका केलीय. स्टॅच्यू ऑफ लिबर्टीपेक्षा मोठा पुतळा करण्याच्या गोष्टी करणा-या मोदींनी आजपर्यंत पटेलांचा ५ फुटांचा पुतळाही उभारलेला नाही अशी टीका राजीव शुक्ला यांनी केलीय.
गुजरातमध्ये सध्या बनत असलेला सरदार वल्लभभाई पटेलांचा एकमेव पुतळाही काँग्रेस सरकार बनवत असल्याचं राजीव शुक्ला म्हणाले आहेत. नरेंद्र मोदींच्या पहिल्याच भाषणाने जोरदार वादळ निर्माण केलं आहे.