सुषमा स्वराज यांच्यावर किडनी प्रत्यारोपणाची यशस्वी शस्त्रक्रिया

नवी दिल्ली : परराष्ट्र मंत्री सुषमा स्वराज यांच्यावर एम्समध्ये किडनी प्रत्यारोपणाची यशस्वी शस्त्रक्रिया करण्यात आली आहे. या प्रत्यारोपणासाठी डॉक्टरांच्या विशेष टीमला पाचारण करण्यात आलं होते.

किडनी फेल झाल्याने स्वराज यांना 7 नोव्हेंबरला एम्समध्ये दाखल करण्यात आलं होते. 16 नोव्हेंबरला त्यांनी स्वतः ट्विट करुन याबाबतची माहिती दिली होती. त्यानंतर अनेकांनी स्वराज यांना किडनी दान करण्याची तयारी दर्शवली होती.