३ कुख्यात दहशतवाद्यांना बांगलादेशने दिली फाशी

नवी दिल्ली : बांगलादेशने हरकत उल जिहाद अल इस्लामी (हूजी) चा दहशतवादी मुफ्ती अब्दुल हन्नान आणि त्यांच्या दोन साथिदारांना फाशी दिली आहे. २००४ मध्ये एका दरग्यावर हल्ल्याचा आरोप त्यांच्यावर होता. या हल्ल्यात ३ लोकांचा मृत्यू झाला होता आणि ब्रिटेनचे हायकमिश्नर जखमी झाले होते.

बांगलादेशचे गृहमंत्री असदुज्जमन खान यांनी सांगितलं की, हन्नानला गाजीपूरच्या कशिमपूर जेलमध्ये त्याच्या साथिदारांसह फाशी देण्यात आली. रात्री 10:01 मिनिटांनी ही फाशी देण्यात आली. हन्नानचा दुसरा साथिदार देलवार हुसैन रिपोनला सिलहट जेलमध्ये फासी दिली गेली.

गाजीपूरचे एसपी हारुन उर-राशिद यांनी सांगितलं की, हन्नान आणि बिपुनचं पोस्टमार्टम केलं गेलं आणि त्यांचा मृतदेह त्यांच्या गावी पाठवण्यात आला आहे.