खिलाडी अक्षयची बिग बॉसमध्ये एंट्री

मुंबई : कलर्स वाहिनीवरील 'बिग बॉस' या रिअॅलिटी शोमध्ये लवकरच खिलाडी अभिनेता अक्षय कुमार एंट्री करणार आहे. या शोदरम्यान अक्षय त्याच्या आगामी 'एअरलिफ्ट' या सिनेमाचे प्रमोशन करताना पाहायला मिळणार आहे. रिपोर्टनुसार, जानेवारीमध्ये 'बिग बॉस'मध्ये सलमान खानसह अक्षय कुमार कार्यक्रमाचे निवेदन करताना दिसेल. 

अक्षय एका एपिसोडसाठी सलमानसह निवेदन कऱणार आहे. केवळ तो निवेदनच करणार नाही तर ज्या प्रमाणे वीकेंडला सलमान घरातल्यांचा क्लास घेतो त्याप्रमाणे अक्षयही घरातल्या स्पर्धकांशी संवाद साधणार आहे. यावेळी अक्षय स्पर्धकांकडून काही टास्कही करुन घेणार आहे. 

अक्षयचा 'एअरलिफ्ट' हा आगामी सिनेमा लवकरच प्रेक्षकांच्या भेटीला येतोय. अक्षयसह या सिनेमात निमरत कौर मुख्य भूमिकेत पाहायला मिळणार आहे. 

* इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.