'बाहुबली २'मधून प्रभासला नाही तर यांना मिळाली सर्वाधिक फी

मुंबई : बाहुबली-२ सिनेमाने भारतातच नाही तर संपूर्ण जगभरात आपली जादू कायम ठेवली आहे. सिनेमाने आतापर्यंत बॉलिवूडचे अनेक रेकॉर्ड तोडले आहेत. सिनेमाने कमाई मध्ये ११०० कोटींचा टप्पा गाठला आहे. रिलीजच्या १० दिवसानंतर या सिनेमाने अनेक सिनेमांचे रेकॉर्ड तोडले आहेत. जगभरात या सिनेमाला पसंती मिळाली आहे.

अभिनेता प्रभासने या सिनेमातून २५ कोटी रुपये कमवले आहेत. तर राणा दग्गुबतीला १५ कोटी मिळाले आहेत. पण तुम्हाला जाणून आश्चर्य वाटेल की, या सिनेमाशी संबंधित एका व्यक्तीने प्रभास पेक्षाही अधिकची कमाई केली आहे. 

एका रिपोर्टनुसार सिनेमाचे दिग्दर्शनक एस राजमौली यांनी 'बाहुबली 2'मधून २८ कोटींची कमाई केली आहे. ऐवढंच नाही तर सिनेमामधून होणाऱ्या एकूण फायद्याचा देखील काही भाग त्यांना मिळणार आहे.

सिनेमामधील इतर कलाकार कटप्पा म्हणजे सत्यराजला २ कोटी, शिवगमीला म्हणजे रम्या कृष्णनला 2.5 कोटी तर तमन्ना भाटिया आणि अनुष्का शेट्टीला ५ कोटी रुपये मिळाले आहेत.