महादेव जानकर म्हणाले, 'पवार साहेब, नो उल्लू बनाविंग'

बारामती : शरद पवारांनी आरक्षणाच्या मुद्दय़ावरून मराठा, धनगर, लिंगायत आणि मुस्लिम समाजाला उल्लू बनवू नये, असं आवाहन रासप नेते महादेव जानकर यांनी केलं आहे

शरद पवार 4 वेळा राज्याचे मुख्यमंत्री होते, असे असतानाही त्यांनी धनगर आणि मराठा समाजाच्या आरक्षणाच्या मुद्दय़ावरून आतापर्यंत उल्लू बनवले, असं जानकर यांनी म्हटलं आहे.

राज्य सरकारला मराठा समाजाला आरक्षण द्यायचे असले तर कायद्याच्या कसोटीत टिकणारे आरक्षण द्यावे. कोणी न्यायालयात गेले तर मराठा आरक्षणाला स्थगिती मिळू शकते. 

मी आरक्षण दिले, आता प्रकरण न्यायालयात आहे. मी काय करू, अशी भूमिका पवार विधानसभा निवडणुकीच्या तोंडावर घेतील, अशी शक्यताही जानकर यांनी व्यक्त केलीय.

तसेच ताटात भाकरी वाढायची, मात्र भाजी द्यायची नाही. ही पवारांची जुनीच राजकीय चाल आहे, असे जानकर म्हणाले.

* इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.