`स्पाईस`चा स्वस्त ड्युएल सिम थ्रीजी स्मार्टफोन

www.24taas.com, झी मीडिया, मुंबई
`स्पाईस` मोबाइल कंपनीनं आपला एक नवा ड्युएल सिम स्मार्टफोन बाजारात उतरवलाय... `स्टेलर ग्लाईड` या मोबाईलचा मॉडल नंबर आहे `एमआय-४३८`.
थ्रीजी सपोर्टीव्ह असा हा ड्युएल कोर प्रोसेसर आहे. स्पाईस स्टेलर ग्लाईडमध्ये १.३ जीएचझेड ड्युएल कोर प्रोसेसर उपलब्ध आहे. हा फोन अॅन्ड्रॉईड ४.२ वर आधारित आहे. यामध्ये ४१२ रॅम आहे. तसचं ४ जीबी बिल्टइन स्टोरेज या फोनमध्ये उपलब्ध आहे. यामध्ये एक वेगळं मायक्रो एसडी कार्डही देण्यात आलंय, या कार्डमध्ये ३२ जीबी स्पेस उपलब्ध आहे.
स्पाईस स्टेलर ग्लाईडमध्ये ४ इंचाचा ओजीएस स्क्रीन आहे. याचं रिझोल्युशन आहे ८०० X ४८० पिक्सल... या फोनच्या मागच्या भागावर २ मेगापिक्सलचा फिक्स्ड फोकस कॅमरा आहे. तसंच समोर १.३ मेगापिक्सलचा कॅमेराही दिला गेलाय. यामध्ये एलईडी फ्लॅशही उपलब्ध आहे.
याशिवाय, या फोनमध्ये थ्रीजी, टूजी, वाय-फाय, जीपीएस, स्पाईस क्लाऊड २ जीबी स्टोअरेज, एफएम रेडिओ आणि ब्लूटूथही आहे. याची बॅटरी १३५० एमएएच आहे त्यामुळे ४ ते ५ तासांचा टॉकटाईम मिळतो.
महत्त्वाचं म्हणजे हा फोन तुमच्या खिशाला सहज परवडणाराही आहे. या फोनची सध्याची किंमत आहे ५,१९९ रुपये.