हनुमान जयंतीला शनिचा दुर्मिळ संयोग! 'या' राशींवरील साडेसातीचा प्रभाव होणार कमी? करा हे खास उपाय

Hanuman Jayanti 2024 : चैत्र महिन्यातील शुक्ल पक्षाच्या पौर्णिमेला हनुमान जयंती साजरी करण्यात येते. हनुमान जयंतीला दुर्मिळ योग असून मंगळ आणि शनिदोष मुक्तीसाठी हा दिवस चांगला आहे. 

नेहा चौधरी | Updated: Apr 23, 2024, 12:05 PM IST
हनुमान जयंतीला शनिचा दुर्मिळ संयोग! 'या' राशींवरील साडेसातीचा प्रभाव होणार कमी? करा हे खास उपाय
hanuman jayanti 2024 saturn Shash Rajyog Sadesati on these zodiac signs be less and shani mangal dosh astrological remedies

Hanuman Jayanti 2024 :  वैदिक ज्योतिषशास्त्रानुसार हनुमान जयंतीला कर्माचा दाता शनिदेवाचा दुर्मिळ योग निर्माण होणार आहे. तब्बल 10 वर्षांनी हा योगायोग जुळून आला असून षष्ठ रायजोग काही राशींसाठी चांगला ठरणार आहे. संकटमोचन हनुमानजीची पूजा केल्यास आपल्या आयुष्यातील सर्व संकट दूर होतात असा विश्वास आहे. त्याशिवाय या षष्ठ राजयोगामुळे साडेसातीचा प्रभाव कमी होतो, वैदिक ज्योतिषशास्त्रात सांगण्यात आलंय. शिवाय यादिवशी शनि प्रकोप आणि मंगळ दोष मुक्तीसाठी उपाय सांगण्यात आलंय. (hanuman jayanti 2024 saturn Shash Rajyog Sadesati on these zodiac signs be less and shani mangal dosh astrological remedies)

Add Zee News as a Preferred Source

'या' राशींना षष्ठ राजयोगामुळे होणार फायदा!

मकर रास (Capricorn Zodiac)   

हनुमान जयंती आणि शनिचा राजयोग या राशीच्या लोकांसाठी खूप चांगला सिद्ध होणार आहे. या लोकांना साडेसातीपासून आराम मिळणार आहे. पुढील एक महिन्या या लोकांची प्रगती होणार आहे. व्यावसायिकांना फायदा होणार आहे. तर अकडलेले पैसे तुम्हाला परत मिळणार आहे. नवीन लोकांशी ओळख होणार आहे.

कुंभ रास (Aquarius Zodiac) 

हनुमान जयंती आणि शनिदेवाच्या कृपेने या लोकांचे अच्छे दिन सुरु होणार आहे. या लोकांना भाग्याची साथ मिळणार आहे. तुम्हाला चांगली बातमी मिळणार आहे. आर्थिक स्थितीही सुधारणार आहे. कार्यक्षेत्रात सहकारी सहकार्य करणार आहे. 

मीन रास (Pisces Zodiac)  

हनुमान जयंती आणि शनिदेवमुळे या लोकांचे सर्व काम वेळेत होणार असून त्यात त्यांना यश मिळणार आहे. मेहनतीचं फळ तुम्हाला मिळणार आहे. नोकरीत नवीन संधी उपलब्ध होणार आहे. कुटुंबातही आनंद असणार आहे. 

शनीची साडेसाती, धैय्या आणि मंगलदोष दूर करण्यासाठी उपाय!

मेष रास राशीचा स्वामी मंगळ असून मंगळवार हा हनुमानजींना समर्पित करण्यात आलाय. मंगळ दोष दूर करण्यासाठी हनुमान जयंती आणि मंगळवारी, शनिवारी हनुमानची आराधना करा. 

सिंह राशीचा स्वामी सूर्यदेव आहे. भगवान हनुमानाचे गुरु हे सूर्य देव असल्याने हनुमानजींचा आशीर्वाद त्यांच्या गुरूंच्या राशीवर कायम असतो. जीवनात सुख-समृद्धी मिळवण्यासाठी सूर्यदेवाची पूजा करणे तुम्हाला लाभदायक ठरते. 

तर कुंभ राशीचा स्वामी शनिदेव आहे. त्यामुळे कुंभ राशीच्या लोकांना देखील भगवान हनुमानाचा आशीर्वाद कायम असतो. पौराणिक आख्यायिकेनुसार शनिदेवाने सांगितले होते की, हनुमानजींची पूजा केल्याने लोकांना शनीच्या प्रभावापासून मुक्ती मिळेल. तेव्हापासून हनुमानजी आणि शनिदेव यांना तिळाच तेल अर्पण केलं जातं. 

वृश्चिक राशीचा स्वामीही मंगळ असून हनुमानाचा आशीर्वाद मिळवण्यासाठी हनुमान जयंतीला बजरंगबलीला लाडू अर्पण केल्यास फायदा मिळतो.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. झी 24 तास या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)

 

About the Author

Neha Choudhary

नेहा चौधरी या 'झी 24 तास डिजीटल'मध्ये सिनियर सब एडिटर (वरिष्ठ उपसंपादक) पदावर कार्यरत आहे. त्यांना पत्रकारिता क्षेत्रातील 20 वर्षांचा अनुभव आहे. इलेक्ट्रॉनिक आणि ऑनलाइन मीडियामध्ये प्रदीर्घ अनुभव आहे. त्यांनी पत्रकाराची सुरुवात रिपोर्टर म्हणून देशोन्नती वृत्तपत्रातून केली. राजकारणापासून मनोरंजनापर्यंत बातम्यांचा आढावा त्यांनी घेतला. 2006 मधील मुंबई लोकल ट्रेन बॉम्बस्फोट हल्ला,  26/11 मुंबई हल्ला, प्रमोद महाजन हत्या अशा अनेक घटनांचे कव्हरेज त्यांनी केलं आहे. त्यानंतर ई टीव्ही मराठीमध्येही रिपोर्टर म्हणून काम केलं. त्यानंतर मी मराठी, साम मराठी, जय महाराष्ट्र, न्यूज 18 लोकमतमध्ये अनेक वर्ष त्यांनी आऊटपूटमध्ये रनडाउन प्रोड्यूसर म्हणून काम केलं. आता त्या 'झी 24 तास डिजीटल'मध्ये कार्यरत आहेत. इथे त्या राजकारण, गुन्हेगारीपासून मनोरंजनापर्यंत ग्रामीण भागातील बातम्यांमध्ये आपलं योगदान देतात. त्यासोबत सोशल मीडियावरील व्हायरल आणि ट्रेंडिंगवरही त्या लिखाण करतात. तर आरोग्य, लाइफस्टाइल या बातम्यांमध्ये विशेष रुची आहे. तर गेल्या 2 वर्षांपासून त्यांनी ज्योतिष आणि धर्म यावर काम करत आहेत. त्यांनी हस्तरेषाशास्त्र, वास्तु आणि फेंगशुईसह वैदिक ज्योतिष, अंकशास्त्र आणि टॅरोचाही पुस्तकाच वाचन आणि तज्ज्ञांनी बोलून लोकांना माहितीपूर्ण बातम्या देतात. सण, उत्सवाचे धार्मिक आणि वैज्ञानिक महत्त्व याची त्या त्यांचा बातम्यांमधून समतोल राखतात. त्यांच्या मोकळ्या वेळेत त्यांना धार्मिक ग्रंथांच वाचन तसंच प्रवास, संगीताची आवड आहे. 

...Read More