Asian Games मध्ये भारताचा आणखी एक 'Goal'; हॉकी संघाने जिकलं सुवर्णपदक; पॅरिस ऑलिम्पकसाठी पात्र
भारतीय पुरुष हॉकी संघाने एशियन गेम्समध्ये सुवर्णपदक जिंकलं आहे. अंतिम सामन्यात भारताने जपानचा 5-1 ने पराभव केला. या विजयासह भारतीय हॉकी संघ पॅरिस ऑलिम्पिकसाठी पात्र झाला आहे.
 "Asian Games मध्ये भारताचा आणखी एक 'Goal'; हॉकी संघाने जिकलं सुवर्णपदक; पॅरिस ऑलिम्पकसाठी पात्र")
भारतीय पुरुष हॉकी संघाने हांगझोऊ एशियन गेम्समध्ये जबरदस्त कामगिरी करत सुवर्णपदक जिंकलं आहे. अंतिम सामन्यात भारताने जपानचा 5-1 ने पराभव केला. भारताकडून कर्णधार हरमनप्रीत सिंगने सर्वाधिक दोन गोल केले. तर मनप्रीत सिंग, अभिषेख आणि अमित रोहिदास यांनी प्रत्येकी एक गोल केला. जपानकडून एकच गोल करण्यात आला. या गोल सेरेन तनाकाने केला आहे. या विजयासह भारतीय हॉकी संघ पॅरिस ऑलिम्पिकसाठी पात्र झाला आहे.
What a remarkable victory by the Indian hockey team.
Gold Medal with 5-1 victory over Japan. pic.twitter.com/ipEJSIw1My
— Mufaddal Vohra (@mufaddal_vohra) October 6, 2023
पहिल्या क्वार्टरमध्ये दोन्हीही संघ गोल करण्यात अपयशी ठरले होते. अखेर 25 व्या मिनिटाला भारताला गोल करण्यात यश मिळालं. मनप्रीत सिंगने भारताकडून हा पहिला गोल केला. हाफटाइम झाला तेव्हा भारत 1-0 ने पुढे होता. यानंतर तिसऱ्या क्वार्टरमध्ये भारताने दणादण गोल केले. 32 व्या मिनिटाला कर्णधार हरमनप्रीत सिंगने पेनाल्टी कॉर्नरला गोल केला. यानंतर चार मिनिटांनी म्हणजेच 36 व्या मिनिटाला अमित रोहिदासनेही पेनाल्टी कॉर्नरवर गोल केला.
यानंतर भारताने चौथ्या क्वार्टरमध्येही दोन गोल केले. आधी 48 व्या मिनिटाला अभिषेकने जबरदस्त फिल्ड गोल केला. दरम्यान जपानच्या सेरेन तनाकाने 51 व्या मिनिटाला पेनाल्टी कॉर्नरचं रुपांतर गोलमध्ये करत स्कोअर 4-1 केला. यानंतर हरमनप्रीतने पेनाल्टी कॉर्नरवर जबरदस्त गोल करत 5-1 असा जबरदस्त विजय मिळवून दिला.
भारताने चौथ्यांदा जिंकलं सुवर्णपदक
भारतीय संघाने एशियन गेम्समध्ये चौथ्यांदा सुवर्णपदक जिंकलं आहे. याआधी भारताने 1699, 1998 आणि 2014 मध्ये सुवर्णपदक जिंकलं आहे. याशिवाय भारतीय हॉकी संघाने 9 रौप्य आणि 3 कांस्यपदक जिंकली आहेत. विशेष म्हणजे या एशियन गेम्समध्ये भारत अपराजित राहिला.
भारताने सेमी-फायनल सामन्यात दक्षिण कोरियाला 5-3 ने हरवलं. पण यावेळी संघ लयीत दिसत नव्हता. भारताने साखळी फेरीत जपानचा 4-2 ने पराभव केला होता. 2013 पासून दोन्ही संघ 28 वेळा आमनेसामने आले आहेत, त्यापैकी 23 सामने भारताने जिंकले आहेत. तर जपानने तीन सामने जिंकले आणि दोन सामने अनिर्णित राहिले.
पदकवीर भारतीय हॉकी संघ : हरमनप्रीत सिंग (कर्णधार), पीआर श्रीजेश (गोलकीपर), कृष्णा पाठक (गोलकीपर), वरुण कुमार, अमित रोहिदास, जर्मनप्रीत सिंग, संजय, सुमित, नीलकांत शर्मा, हार्दिक सिंग (उपकर्णधार), मनप्रीत सिंग, विवेक सागर प्रसाद, समशेर सिंग, अभिषेक, गुरजंत सिंग, मनदीप सिंग, सुखजित सिंग, ललित कुमार उपाध्याय
Shivraj Yadav
शिवराज यादव, झी 24 तासमध्ये डेप्युटी न्यूज एडिटर पदावर कार्यरत आहेत. 2009 मध्ये न्यूज फोटोकॉर्प या न्यूज फोटो एजन्सीतून त्यांनी आपल्या पत्रकारितेला सुरुवात केली. 16 वर्षांच्या दीर्घ काराकिर्दीत त्यांनी टीव्ही 9, जय महाराष्ट्र, मी मराठी या टीव्ही चॅनेल्समध्ये इनपुट विभागात काम केलं. याशिवाय त्यांनी अनेक प्रसंगी रिपोर्टिंगही केलं आहे. इलेक्ट्रॉनिक मीडियानंतर त्यांनी ऑनलाइन मीडियामध्ये काम करण्यास सुरुवात केली. लोकमत, लोकसत्ता या आघाडीच्या वृत्तपत्रांच्या डिजिटल विभागात केल्यानंतर सध्या झी 24 तासमध्ये कार्यरत आहेत. चालू घडामोडी, राजकारण, क्राइम, स्पोर्ट्स आणि तंत्रज्ञान विषयांवर वाचण्याची आणि लिहिण्याची आवड आहे. याशिवाय सिनेमा, वेब सीरिज यांच्याकडे विश्लेषणात्मक दृष्टीकोनाकडे पाहत त्यावर चर्चेची आणि लिखाणाची आवड आहे.
...Read More