आधी पाकिस्तानच्या गोलंदाजांना धुतलं, नंतर त्याच मैदानावर इंग्लंडच्या खेळाडूने अंडरवेअर सुकवली... PHOTO व्हायरल

(Photo Credit : Social Media)

Pakistan vs England 1st Test :​ मुलतान क्रिकेट स्टेडियमवर पाकिस्तान विरुद्ध इंग्लंड यांच्यात टेस्ट सीरिजमधला पहिला सामना खेळवला जात असून यात फलंदाजीच्या पहिल्या इनिंगमध्ये इंग्लंडच्या टीमने अवघ्या 150 ओव्हरमध्ये 823 धावा केल्या. हॅरी ब्रुकने 317 आणि जो रूटने 262 धावांची खेळी केली. दोघांनी जवळपास 409 धावांची पार्टनरशिप करून अनेक रेकॉर्डस् मोडले. इंग्लंडने जबरदस्त फलंदाजी करून पाकिस्तानवर 267 धावांची मोठी आघाडी घेतली. पण जेव्हा इंग्लंडची इनिंग संपली तेव्हा फलंदाज जो रूटने असं काही केलं जे पाहून सर्वच हैराण झाले. 

जो रूटने मैदानावर सुकवले कपडे :

जो रूटने इनिंग संपल्यावर त्याचे घामाने भिजलेले सर्व कपडे मैदानाच्या बाउंड्री लाईनवर सुकायला ठेवले. त्याने आपली जर्सी, ट्राउजर एवढंच नाही तर  अंडरवियरही मैदानात सुकवायला ठेवली.  जो रूटने बाउंड्रीवर सुकवायला ठेवलेल्या कपड्यांचे फोटो सोशल मीडियावर व्हायरल होत आहेत. 

Joe Root was drying his wet kit in the Multan sun after the heroic innings. The Barmy Army] pic.twitter.com/70ZJijIcWQ

— Johns. (@CricCrazyJohns) October 10, 2024

हेही वाचा : Women's T20 World Cup 2024 चा सर्वात मोठा स्कोअर, श्रीलंकेला पराभूत करत भारताने बदललं सेमी फायनलचं समीकरण

जो रूट आणि हॅरी ब्रूकने रचला इतिहास : 

जो रूट आणि हॅरी ब्रूकने एक टेस्ट इनिंग दरम्यान आपापली द्विशतके पूर्ण करून इतिहास रचला. यापूर्वी अशी कामगिरी टेस्ट क्रिकेटमध्ये 39 वर्षांपूर्वी म्हणजेच 1985 मध्ये झाली होती. जानेवारी 1985 मध्ये, भारताविरुद्ध चेन्नई टेस्ट खेळताना इंग्लंडचे फलंदाज माईक गॅटिंग आणि ग्रॅमी फॉलर यांनी त्याच टेस्ट इनिंगमध्ये आपापली द्विशतके पूर्ण केली होती. माइक गॅटिंगने 207 धावा केल्या होत्या. तर ग्रॅमी फॉलरने 201 धावांची खेळी केली होती. या टेस्ट सामन्यात इंग्लंडने भारताचा 9 विकेट्स राखून पराभव केला होता.1985 नंतर हा पहिलाच प्रसंग होता जिथे इंग्लंडच्या दोन खेळाडूंनी एकाच टेस्ट इनिंगमध्ये त्यांनी आपापली दुहेरी शतक पूर्ण केली. लंच ब्रेक पर्यंत जो रूटने 368 बॉलमध्ये 259 धावा केल्या. तर हॅरी ब्रुकने 257 बॉलमध्ये 218 धावा करून नाबाद खेळी केली. हॅरी ब्रूक आणि जो रूट यांनी चौथ्या विकेटसाठी 409 धावांची पार्टनरशिप केली.