IND vs SA Final live Score: T20 वर्ल्डकप 2024 चा अंतिम सामना 29 जून रोजी भारत आणि दक्षिण आफ्रिका यांच्यात केन्सिंग्टन ओव्हल, ब्रिजटाऊन, बार्बाडोसमध्ये रात्री 8:00 वाजता खेळवला जाणार आहे. या वर्ल्डकपमध्ये भारत आणि दक्षिण आफ्रिका यांनी एकही सामना गमावला नाही आणि आता टी-20 वर्ल्डकप स्पर्धेच्या भव्य अंतिम फेरीत दोघेही आमनेसामने येणार आहेत.
29 Jun 2024, 20:11 वाजता
रोहितपाठोपाठ आता ऋषभ पंत देखील तंबूत परतला आहे. केशव महाराजच्या बॉलवर ऋषभचा कॅच उडाला. दुसऱ्या ओव्हरमध्ये आफ्रिकेला दोन विकेट्स मिळाल्या आहेत.
29 Jun 2024, 20:10 वाजता
टीम इंडियाला पहिला धक्का बसलाय. कॅप्टन रोहित शर्मा 5 बॉलमध्ये 9 धावा करून बाद झाला.
29 Jun 2024, 19:37 वाजता
दक्षिण आफ्रिका (प्लेइंग इलेव्हन): क्विंटन डी कॉक (WK), रीझा हेंड्रिक्स, एडन मार्कराम (C), ट्रिस्टन स्टब्स, हेनरिक क्लासेन, डेव्हिड मिलर, मार्को जॅनसेन, केशव महाराज, कागिसो रबाडा, ॲनरिक नॉर्टजे, तबरेझ शाम्सी.
टीम इंडिया (प्लेइंग इलेव्हन) : रोहित शर्मा (C), विराट कोहली, ऋषभ पंत (WK), सूर्यकुमार यादव, हार्दिक पंड्या, रवींद्र जडेजा, शिवम दुबे, अक्षर पटेल, अर्शदीप सिंग, कुलदीप यादव, जसप्रीत बुमराह.
29 Jun 2024, 19:35 वाजता
टीम इंडियाने टॉस जिंकून प्रथम फलंदाजीचा निर्णय घेतला आहे. संघात कोणतेही बदल केले नाहीत, असं रोहित शर्माने सांगितलं.
29 Jun 2024, 13:58 वाजता
IND vs SA Final live Score: विराटवर असणार चाहत्यांचं लक्ष
दक्षिण आफ्रिकेविरुद्धच्या अंतिम सामन्यात भारताला चांगली सुरुवात हवी आहे. या सामन्यात फक्त रोहित शर्मा आणि विराट कोहली डावाची सुरुवात करताना दिसणार आहेत. हिटमॅन सध्या फॉर्मात आहे. इंग्लंडविरुद्ध झालेल्या उपांत्य फेरीच्या सामन्यात त्याने 57 रन्सची तुफान इनिंग खेळली होती. तर कोहली पुन्हा एकदा फ्लॉप ठरला. त्याला केवळ नऊ रन्स करता आले. मात्र, कोहलीची बॅट आज तळपेल आणि तो मोठी खेळी खेळू शकेल, असा विश्वास इंग्लंडविरुद्धच्या सामन्यानंतर कर्णधार आणि प्रशिक्षकाने व्यक्त केला.
29 Jun 2024, 13:19 वाजता
IND vs SA Final live Score: भारत-दक्षिण आफ्रिका हेड-टू-हेड
टी-20 क्रिकेटमध्ये भारताचा दक्षिण आफ्रिकेवर वरचष्मा आहे. या दोघांमध्ये एकूण 26 सामने खेळले गेले आहेत. यापैकी भारताने 14 आणि दक्षिण आफ्रिकेने 11 जिंकले आहेत. त्याचवेळी एक सामना अनिर्णित राहिला. T20 विश्वचषकातही भारताचे दक्षिण आफ्रिकेवर वर्चस्व आहे. दोन्ही संघ सहा वेळा आमनेसामने आले आहेत ज्यात भारताने चार सामने जिंकले आहेत तर दक्षिण आफ्रिकेने दोन सामने जिंकले आहेत.
29 Jun 2024, 12:56 वाजता
IND vs SA Final live Score: फायनलसाठी कशी असेल टीम इंडियाची संभाव्य प्लेईंग 11
रोहित शर्मा (कर्णधार), यशस्वी जैयस्वाल, विराट कोहली, ऋषभ पंत (विकेटकीपर), सूर्यकुमार यादव, हार्दिक पंड्या, रवींद्र जड़ेजा, अक्षर पटेल, कुलदीप यादव, अर्शदीप सिंह, जसप्रीत बुमराह.
29 Jun 2024, 12:32 वाजता
IND vs SA Final live Score: शिवम दुबेचा पत्ता होणार कट?
या T20 वर्ल्डकपमध्ये शिवम दुबेची आतापर्यंतची कामगिरी काही खास नाही. अशा स्थितीत त्याचे अंतिम फेरीतील स्थान धोक्यात आले आहे. आयपीएलमध्ये जबरदस्त फॉर्मात असलेल्या संजू सॅमसनचा भारताकडे चांगला पर्याय आहे. आता रोहित हा कठोर निर्णय घेणार का की कोणताही बदल न करता अंतिम फेरीत प्रवेश करणार हे पाहावं लागणार आहे
29 Jun 2024, 11:48 वाजता
IND vs SA Final live Score: भारत विरुद्ध दक्षिण आफ्रिकेचा गोलंदाजी अटॅक
गोलंदाजीच्या बाबतीत भारत आणि दक्षिण आफ्रिका यांच्यात फारसा फरक नाही. भारताने स्पर्धेत 15.21 च्या सरासरीने आणि 6.42 च्या इकॉनॉमी रेटने 56 विकेट्स घेतले आहेत, तर दक्षिण आफ्रिकेने या कालावधीत 15.23 च्या सरासरीने आणि इकॉनॉमी रेटने 59 विकेट्स घेतले आहेत.
29 Jun 2024, 11:17 वाजता
IND vs SA Final live Score: सामना खेळपट्टी क्रमांक 4 वर होणार
भारत विरुद्ध दक्षिण आफ्रिका अंतिम सामना बार्बाडोसच्या खेळपट्टी क्रमांक 4 वर होणार आहे. या खेळपट्टीवर दोन सामने खेळले गेले, ज्यामध्ये एका सामन्याचा निकाल सुपर ओव्हरमध्ये लागला, तर दुसरा सामना पावसामुळे पूर्ण होऊ शकला नाही.
