T20 World Cup: पाकिस्‍तानात हा भारतीय खेळाडू लोकांना अधिक आवडतो? शोएबने दिले उत्तर
भारत आणि पाकिस्तान जवळजवळ 2 वर्षांनंतर आंतरराष्ट्रीय क्रिकेटमध्ये समोरासमोर असतील.
)
मुंबई : आयसीसी टी-20 विश्वचषक 2021 (ICC T20 world cup) मध्ये, प्रत्येक क्रिकेट चाहता 24 ऑक्टोबरची आतुरतेने वाट पाहत आह. कारण या दिवशी भारत आणि पाकिस्तान जवळजवळ 2 वर्षांनंतर आंतरराष्ट्रीय क्रिकेटमध्ये समोरासमोर असतील.
शोएब अख्तर झी न्यूजवर
या हाय व्होल्टेज सामन्याआधी, टीम इंडियाचा माजी क्रिकेटपटू मोहम्मद कैफ (Mohammad kaif) आणि पाकिस्तान क्रिकेट संघाचा माजी गोलंदाज शोएब अख्तर (Shoaib akhter) यांनी झी न्यूजचे मुख्य संपादक सुधीर चौधरी यांच्यासोबत खेळाच्या रणनीतीबरोबरच काही रोचक गोष्टीवर चर्चा केली.
शोएबचा आवडता क्रिकेटपटू कोण?
शोएब अख्तरला टी-20 विश्वचषकाशी संबंधित अनेक प्रश्न विचारण्यात आले, ज्याची त्याने दिलखुलास उत्तरे दिली. सर्वात आवडत्या खेळाडूबद्दल विचारले असता त्याने टीम इंडियाच्या सलामीवीराचे नाव घेतले. शोएब म्हणाला, 'भारतीय क्रिकेटपटूंमध्ये मला रोहित शर्मा सर्वात जास्त आवडतो. रोहितचे नाव 'ग्रेट रोहित शर्मा' असावे.
शोएब देखील या भारतीय क्रिकेटपटूंचा चाहता
शोएब अख्तरने टीम इंडियाच्या उर्वरित खेळाडूंचेही कौतुक केले. तो म्हणाला की ऋषभ पंतचे (Rishabh pant) नाव रोहित शर्मा (Rohit Sharma) नंतर येते. विराट कोहलीबद्दल म्हणाला की त्याला स्वतःला सिद्ध करण्याची ही संधी आहे.
यावेळी कोण जिंकेल?
भारतीय संघ टी-20 विश्वचषक खेळण्यासाठी सज्ज आहे, त्याआधी झी न्यूजच्या विशेष कार्यक्रमात झी न्यूजचे मुख्य संपादक सुधीर चौधरी यांनी दोघांना प्रश्न विचारला की, 'यावेळी कोण जिंकेल?' याला उत्तर देताना मोहम्मद कैफ म्हणाला की, भारतीय संघ दोन महिन्यांपूर्वीपासून दुबईमध्ये आहे, याचा फायदा होईल. भारतीय संघ यापूर्वीच मैदानावर खेळला आहे जिथे पाकिस्तान विरुद्ध सामना खेळला जाणार आहे. भारताचा संघ यावेळी मजबूत आहे. सर्व खेळाडू फॉर्मात आहेत, त्यामुळे भारतीय संघाचा वरचष्मा आहे.
टीम इंडिया मजबूत आहे: शोएब
शोएब म्हणाला की, 'मोठे सामने धैर्याने जिंकले जातात. त्याचबरोबर त्याचा असा विश्वास होता की यावेळी भारतीय संघ खूप मजबूत आहे पण खेळ कधीही बदलू शकतो. हा एक अतिशय अवघड खेळ आहे. पाकिस्तानचा संघ सध्या रेटेड आहे पण पाकिस्तानचा संघ आक्रमक खेळेल. पाकिस्तानविरुद्धच्या सामन्यादरम्यान भारतीय संघ नेहमीच वर्चस्व राखतो. भारतीय संघ अधिक चांगला खेळत आहे हे पाकिस्तानने स्वीकारले पाहिजे.'