OnePlus 10T 5G च्या कॅमेरा फीचर्सने मोबाईलप्रेमींचं मन जिंकलं! किंमत आणि लाँच तारीख जाणून घ्या

OnePlus 10T 5G Camera, Specifications, Price and Launch Date: जर तुम्ही नवीन 5G स्मार्टफोन घेण्याचा विचार करत असाल तर ही बातमी तुमच्यासाठी आहे. स्मार्टफोन ब्रँड वनप्लस एक नवीन  OnePlus 10T 5G स्मार्टफोन लाँच करणार आहे. हा फोन येत्या काही दिवसांत लाँच होणार असून या फोनच्या फीचर्सची माहिती समोर येत आहे. अलीकडेच, कंपनीने स्मार्टफोनच्या कॅमेरा फीचर्सची पुष्टी केली आहे. चला जाणून घेऊया OnePlus 10T 5G चे स्पेसिफिकेशन्स, लाँच तारीख आणि त्याची किंमत किती असू शकते.

वनप्लस 10T 5G ची लाँच तारीख

वनप्लसचा नवीन स्मार्टफोन OnePlus 10T 5G येत्या काही दिवसात लाँच होणार आहे. या स्मार्टफोनचा लाँच प्रीमियर 3 ऑगस्ट 2022 रोजी आयोजित केला आहे. याच दिवसापासून त्याची प्री-ऑर्डर देखील केली जाऊ शकतो.  6 ऑगस्ट 2022 रोजी Amazon च्या वेबसाइटवर आणि OnePlus च्या ऑनलाइन आणि ऑफलाइन स्टोअर्सवर त्याची विक्री सुरू होईल.

वनप्लस 10T 5G कॅमेरा

लाँचिंगपूर्वी OnePlus 10T 5G मध्ये कॅमेऱ्याबाबत अधिकृत माहिती समोर आली आहे. या स्मार्टफोनमध्ये ट्रिपल रियर कॅमेरा सेटअप दिला आहे. यात 50MP Sony IMX766 सेंसर प्राथमिक सेन्सर असेल. ही लेन्स ऑप्टिकल आणि इलेक्ट्रॉनिक इमेज स्टॅबिलायझेशन फीचर्ससह सुसज्ज आहे. या मुख्य सेन्सरसह 119-डिग्री फील्ड ऑफ व्ह्यूसह अल्ट्रा-वाइड कॅमेरा आणि मॅक्रो कॅमेरा दिला आहे. कंपनीचे नवीन इमेज क्लॅरिटी इंजिन (ICE) तंत्रज्ञान देखील या फोनमध्ये उपलब्ध असेल. जे कॅमेरा डिटेल्स आणि फोटो कॅप्चर स्पीड देखील सुधारेल.

वनप्लस 10T 5G किंमत

वनप्लस 10T 5G भारतात तीन स्टोरेज प्रकारांमध्ये लाँच केला जाऊ शकतो. 8GB RAM + 128GB स्टोरेज असलेल्या या 5G स्मार्टफोनचे बेस मॉडेल 49,999 रुपयांना मिळू शकते, त्याच्या 12GB RAM + 256GB स्टोरेज मॉडेलची किंमत 54,999 रुपये असू शकते आणि OnePlus 10T 5G चे टॉप मॉडेल 16GB रॅम आणि 256GB इंटरनल स्टोरेजसह असून 55,999 रुपये असू शकते.

वनप्लस 10T 5G वैशिष्ट्ये

या स्मार्टफोनमध्ये  तुम्हाला Snapdragon 8+ Gen 1 SoC प्रोसेसर, 32MP फ्रंट कॅमेरा, 6.7-इंच फुल HD+ AMOLED डिस्प्ले, 120Hz रिफ्रेश रेट आहे. या फोनमध्ये तुम्हाला 4800mAh बॅटरी आणि 150W फास्ट चार्जिंग सपोर्ट मिळू शकतो. तसेच 16GB पर्यंत रॅम आणि 256GB पर्यंत स्टोरेजने सुसज्ज असू शकतो.