न्यूझीलंडमध्ये नववर्षाचं जल्लोषात स्वागत
नववर्ष २०१८ च्या स्वागताचे वेध अख्ख्या जगाला लागले आहेत. जगभरात सगळीकडेच २०१८ वर्षाच्या स्वागताची जय्यत तयारी सुरु आहे. मात्र, पूर्वेकडच्या न्यूझीलंडमध्ये नववर्षाचं जल्लोषात आणि उत्साहात स्वागत करण्यात आलं.
)
नवी दिल्ली : नववर्ष २०१८ च्या स्वागताचे वेध अख्ख्या जगाला लागले आहेत. जगभरात सगळीकडेच २०१८ वर्षाच्या स्वागताची जय्यत तयारी सुरु आहे. मात्र, पूर्वेकडच्या न्यूझीलंडमध्ये नववर्षाचं जल्लोषात आणि उत्साहात स्वागत करण्यात आलं.
(व्हिडिओ पाहण्यासाठी खाली स्क्रोल करा)
नव्या आशा, आकांक्षा घेऊन येत असलेल्या नववर्षाच्या स्वागतासाठी पश्चिमेकडच्या देशांना आणखी थोडी वाट पाहावी लागणार आहे. त्यापूर्वी न्यूझीलंडमध्ये नववर्षाचं जल्लोषात आणि उत्साहात स्वागत करण्यात आलं.
न्यूझीलंडमधल्या ऑकलंड शहरातल्या स्काय टॉवरवर नववर्षाचं स्वागत फटाक्यांच्या आतषबाजीनं करण्यात आलं.
आधी काऊंटडाऊन आणि त्यानंतर न्यूझीलंडमध्ये बरोबर रात्री बारा वाजताच्या ठोक्याला डोळ्यांचं पारणं फेडणारी रंगीबेरंगी आतशबाजी केली गेली.
सोबतच सर्वांनीच एकमेकांना नववर्षाच्या शुभेच्छा दिल्या. भारतीय वेळेनुसार संध्याकाळी साडे चार वाजण्याच्या सुमारालाच न्यूझीलंडमध्ये नववर्षाचं स्वागत केलं गेलं.
न्यूझीलंडमध्ये नववर्षाचं जल्लोषात स्वागत