உடல் எடையை குறைப்பது எளிதான காரியம் அல்ல, அதற்கு அதிக உழைப்பும் அர்ப்பணிப்பும் தேவை. எடை இழப்பு என்பது மிகவும் மெதுவான செயல்முறையாகும். இதற்லு நீடித்த நிலையான முயற்சி தேவைப்படுகிறது. எனினும், உங்கள் வாழ்க்கையில் சில எளிய மாற்றங்களைச் செய்வதன் மூலம், உங்கள் எடை இழப்பு செயல்முறையை விரைவுபடுத்தலாம் என்பது பலருக்கும் தெரிவதில்லை. தவறான உணவுப் பழக்கம், வாழ்க்கை முறை போன்ற பல காரணங்களால் உடல் பருமன் என்பது பெரும்பாலானோரின் பொதுவான பிரச்சனையாக உள்ளது என்றால் மிகையில்லை. அதிக எடையுடன் இருப்பது நீரிழிவு, மூட்டு வலி, உயர் இரத்த அழுத்தம் மற்றும் இதய பிரச்சினைகள் போன்ற பல உடல் நலப் பிரச்சினைகளுக்கு வழிவகுக்கிறது. சரியாக சாப்பிடுவது முதல் தவறாமல் உடற்பயிற்சி செய்வது வரை அனைத்தையும் நீங்கள் முயற்சித்தும் பலன் இல்லை என்றால், கவலைப் படாதீர்கள். உங்கள் அன்றாட வழக்கத்தில் நீங்கள் சேர்த்துக்கொள்ளக்கூடிய சில சிறிய மாற்றங்கள் மூலம் எடை இழப்பு என்பது சாத்தியமே. இந்த கூடுதல் நோய்களைத் தடுக்கலாம்.
இந்த கட்டுரையில், 3 நாட்களில் 1 கிலோ வரை குறைக்க உதவும் ஐந்து எளிய உதவிக்குறிப்புகளை நாங்கள் உங்களுக்கு விளக்குகிறோம். குறிப்பிட்ட உதவிக்குறிப்புகளைப் பற்றி தெரிந்து கொள்வதன் மூலம், விரைவாக உடல் எடையை குறைத்து பயனடையலாம்
உங்கள் உணவில் புரதத்தை அதிகம் சேர்க்கவும்
புரோட்டீன் உங்களை வயிறு நிறைந்த திருப்தியை கொடுக்கிறது. இதனால் நீங்கள் அதிகப்படியான உணவை எடுத்துக் கொள்வதை தடுக்கிறது. நீண்ட நேரம் பசி எடுக்கமால் இருக்கும். இது இறுதியில் எடையைக் குறைக்க உதவுகிறது. புரோட்டீன் நிறைந்த உணவை உண்பது பசியை கட்டுப்படுத்த உதவுகிறது. நீங்கள் சைவ உணவு உண்பவராக இருந்தால், உங்கள் உணவில் ராஜ்மா பீன்ஸ், பருப்பு வகைகள், தயிர் மற்றும் பனீர் போன்ற உணவுகளைச் சேர்ப்பதன் மூலம் உங்கள் உணவில் புரதத்தை சேர்க்கலாம்.
சூடான தண்ணீர் குடிக்கவும்
சூடான அல்லது வெதுவெதுப்பான நீரைக் குடிப்பது உடல் எடையைக் குறைக்க நீங்கள் செய்யக்கூடிய எளிதான விஷயங்களில் ஒன்றாகும். வெந்நீர் உடலில் தேங்கியுள்ள கொழுப்பைக் குறைக்க உதவுகிறது, மேலும் இது மெட்டபாலிஸத்தை அதிகரித்து எடையைக் குறைக்க உதவுகிறது. வெதுவெதுப்பான நீரைக் குடிப்பதும் உடலில் தேங்கியுள்ள நச்சுக்களை நீக்கவும் உதவுகிறது. காலையில் முதலில் ஒரு கிளாஸ் வெதுவெதுப்பான நீரைக் குடிப்பது உங்கள் வளர்சிதை மாற்றத்தை அதிகரிக்கும். இது உடல் எடையை குறைப்பதற்கான அடிப்படைத் தேவைகளில் ஒன்றாகும்.
மேலும் படிக்க | Weight Loss Tips: மெட்டபாலிஸத்தை அதிகரிக்கணுமா... நல்லா காரசாரமா சாப்பிடுங்க...!
இனிப்புக்கு கண்டிப்பாக நோ சொல்லுங்கள்
உங்கள் உணவில் இருந்து சர்க்கரையை மிகவும் குறைப்பது அல்லது முற்றிலும் நீக்குவது உடல் எடையை குறைக்க விரைவான வழிகளில் ஒன்றாகும். எனவே உங்கள் தொப்பை விரைவில் குறைவதைக் காண விரும்பினால், உங்கள் சர்க்கரை உட்கொள்ளலைக் குறைக்க வேண்டும். உண்மையில், சர்க்கரை வளர்சிதை மாற்ற விகிதத்தை குறைக்கிறது, இது உடல் எடையை குறைக்கும் முயற்சியை கடினமாக்குகிறது. சர்க்கரை உள்ள உணவுகளை தவிர்க்கவும். இனிப்பான ஒன்றைச் சாப்பிட வேண்டும் என நீங்கள் உணர்ந்தால், உங்கள் பசியைப் போக்க வெல்லம் மற்றும் தேன் போன்ற மாற்று வழிகளுக்குச் செல்லுங்கள்.
கிரீன் டீ குடிக்கவும்
தினமும் மூன்று கப் க்ரீன் டீ குடிப்பது உங்கள் வளர்சிதை மாற்றத்தை அதிகரிக்கும். கிரீன் டீ உடல் கொழுப்பை எரிக்க உதவுகிறது. இதில் ஆன்டிஆக்ஸிடன்ட்கள் நிறைந்துள்ளன, இது உங்களை ஆரோக்கியமாக வைத்து, மீண்டும் உங்கள் அழகிய வடிவத்தை பெற உதவுகிறது.
உடற்பயிற்சி
இறுதியான மிக முக்கியமான விஷயம் உடற்பயிற்சி. சரியான உணவைப் பின்பற்றுவதன் மூலம் மட்டும் எடையைக் குறைக்க முடியாது. தொடர்ந்து உடற்பயிற்சி செய்வது உங்களை ஆரோக்கியமாகவும் பிட் ஆகவும் வைத்திருப்பதில் முக்கிய பங்கு வகிக்கிறது. அதற்காக நீங்கள் ஜிம்மிற்கு செல்ல வேண்டிய அவசியமில்லை, நீங்கள் ஜாகிங், நடைபயிற்சி அல்லது வேறு ஏதாவது எளிய உடற்பயிற்சி செய்யலாம்.
மேலும் படிக்க | கோதுமை வேண்டாம்... ‘இந்த’ சப்பாத்திகளுக்கு மாறுங்க... வெயிட் தானா குறையும்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
