Cholesterol Control Tips: இன்றைய நவீன காலத்தில் மக்களை பாதிக்கும் வாழ்க்கை முறை நோய்களில் அதிக கொலஸ்ட்ராலும் ஒரு முக்கிய பிரச்சனையாக உள்ளது. ஆரோக்கியமற்ற வாழ்க்கை முறை மற்றும் உணவுமுறை காரணமாக உடலில் கொலஸ்ட்ரால் அளவு வேகமாக அதிகரிக்கின்றது.
நமது நரம்புகளில் படியும் கெட்ட கொலஸ்ட்ரால் பல வித நோய்களுக்கு மூலகாரணமாக கருதப்படுகிறது. இரத்தத்தில் பிளேக் அதிகரிக்கும் போது, அது நமது நரம்புகளில் குவிந்து, அதன் காரணமாக அடைப்பு ஏற்படுகிறது. இதன் காரணமாக, இரத்தம் இதயத்தை அடைய கடினமாக உழைக்க வேண்டிய நிலை ஏற்படுகின்றது. இந்த நிலை உயர் இரத்த அழுத்தம் என்று அழைக்கப்படுகிறது. இது கரோனரி தமனி நோய், மூன்று நாள நோய், மாரடைப்பு, இதய செயலிழப்பு, மூளை பக்கவாதம் மற்றும் நீரிழிவு நோய் ஆகியவற்றின் அபாயத்தை அதிகரிக்கிறது.
கெட்ட கொலஸ்ட்ராலை கட்டுப்படுத்த பல எளிய, இயற்கையான வழிகள் உள்ளன. இவற்றின் மூலம் எந்த வித பக்க விளைவுகளும் இல்லாமல் கெட்ட கொழுப்பின் அளவை குறைக்க முடியும். தமனிகளில் இருந்து கெட்ட கொலஸ்ட்ராலை அகற்ற உதவும் சில இயற்கையான வழிகள் பற்றி இந்த பதிவில் காணலாம்.
கொலஸ்ட்ராலை குறைக்க உதவும் உணவுகள்
சோம்பு (Fennel)
சோம்பு இயற்கையான வழியில் நம் உடலுக்கு புத்துணர்ச்சி அளிக்கின்றது. ஆனால் அது கொலஸ்ட்ராலையும் குறைக்கும் என்பது மிகச் சிலருக்குத்தான் தெரியும். இதற்கு சோம்பை இரவில் ஒரு கிளாஸ் தண்ணீரில் ஊறவைத்து, காலையில் வடிகட்டி அந்த தண்ணீரை குடிக்கலாம்.
மேலும் படிக்க | தினம் இரண்டு ஏலக்காய் போதும்... பல நோய்கள் தலை தெறித்து ஓடும்
இஞ்சி (Ginger)
இஞ்சி நமது உடலில் செரிமானத்தை ஆரோக்கியமாக வைத்திருக்கிறது. நீங்கள் அதை பச்சையாகவோ அல்லது மூலிகை தேநீர் வடிவிலோ உட்கொள்ளலாம். அழற்சி எதிர்ப்பு பண்புகள் இதில் அதிகமாக உள்ளன. இது நரம்புகளில் படிந்துள்ள கெட்ட கொலஸ்ட்ராலைக் குறைக்கும்.
பூண்டு (Garlic)
பலருக்கு பூண்டின் வாசனை பிடிக்காது. ஆனால் இது கொலஸ்ட்ராலைக் குறைப்பதில் மிகவும் பயனுள்ளதாக கருதப்படுகிறது. தினமும் 2-3 பூண்டு பற்களை உட்கொள்வது ஒட்டுமொத்த உடல் ஆரோக்கியத்திற்கு நல்லது. இது தவிர இதை பல்வேறு உணவுகளில் சேர்த்தும் உட்கொள்ளலாம்.
மஞ்சள் (Turmeric)
நாம் உணவின் சுவையை மேம்படுத்த மஞ்சளைப் பயன்படுத்துகிறோம். ஆனால் அது கொலஸ்ட்ராலைக் குறைக்கவும் உதவுகிறது என்பது பலருக்குத் தெரிவதில்லை. கொலஸ்ட்ராலை குறைக்க வெதுவெதுப்பான பாலில் மஞ்சள் கலந்து குடிக்கவும். சில நாட்களில் வித்தியாசம் தெரியும்.
நெல்லிக்காய் (Amla)
நெல்லிக்காயில் அதிக அளவில் வைட்டமின் சி மற்றும் ஆன்டி-ஆக்ஸிடன்ட்டுகள் உள்ளன. இவற்றின் உதவியுடன் கொலஸ்ட்ரால் அளவை பெருமளவு குறைக்கலாம். இதற்கு தினமும் 2 நெல்லிக்காயை உட்கொண்டால் போதும்.
(பொறுப்பு துறப்பு: இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)
மேலும் படிக்க | இரவு சாப்பிட்ட பின் இந்த 5 செயல்களை செய்தால்... உடல் எடை சட்டுனு சரியும்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
