இளஞ்சிவப்பு அல்லது வெள்ளை கொய்யா எது சிறந்தது: தற்போது கொய்யா சீசன் என்பதால் நமக்கு சந்தையில் கொய்யா மிக எளிதாக கிடைக்கும். சத்துக்கள் நிறைந்த கொய்யா பல வழிகளில் நமது ஆரோக்கியத்திற்கு நன்மை பயக்கும். இதில் வைட்டமின் சி, லைகோபீன் மற்றும் ஆன்டிஆக்ஸிடன்ட்கள் நிறைந்துள்ளன. கொய்யாவில் காணப்படும் மாங்கனீசு உணவில் உள்ள அத்தியாவசிய ஊட்டச்சத்துக்களை உறிஞ்சுவதற்கு உதவுகிறது. இதில் காணப்படும் ஃபோலேட் கருவுறுதலை அதிகரிக்க உதவுகிறது. கொய்யா நம் உடலுக்கு நன்மை பயக்கும், ஆனால் இப்போது கேள்வி என்னவென்றால் இளஞ்சிவப்பு மற்றும் வெள்ளை கொய்யாவில் எது நம் உடலுக்கு அதிக நன்மை பயக்கும்? வாருங்கள் இந்த கட்டுரை மூலம் இளஞ்சிவப்பு மற்றும் வெள்ளை கொய்யாவை ஒப்பிட்டு எது நன்மை பயக்கும் என்பதை அறிந்து கொள்வோம்.
கொய்யா சாப்பிடுவதால் கிடைக்கும் எண்ணற்ற நன்மைகள்
இரத்தத்தில் உள்ள குளுக்கோஸ் அளவை சரிசெய்ய கொய்யா உதவுகிறது என்று உணவு நிபுணர்கள் நம்புகிறார்கள். கொய்யாவில் கால்சியம் நிறைந்துள்ளது, இது எலும்புகளுக்கு நன்மை பயக்கும் என்று கருதப்படுகிறது. இதை உட்கொள்வதால் செரிமான அமைப்பு நன்றாக இருக்கும். இதனுடன், எடை இழப்புக்கு இது மிகவும் உதவுகிறது. அத்துடன் இது இதய நோய் அபாயத்தைக் குறைக்க உதவுகிறது.
மேலும் படிக்க | நீரிழிவு நோயை ஓட விரட்டும் பிரியாணி இலை; பயன்படுத்தும் முறை!
வெள்ளை மற்றும் இளஞ்சிவப்பு கொய்யாவில் எது அதிக நன்மை பயக்கும்?
இளஞ்சிவப்பு கொய்யாவில் வெள்ளை கொய்யாவை விட குறைந்த அளவு சர்க்கரை மற்றும் மாவுச்சத்து உள்ளது. இளஞ்சிவப்பு நிறத்தை விட வெள்ளை கொய்யாவில் ஆக்ஸிஜனேற்ற பண்புகள் அதிகம் காணப்படுகின்றன, ஆனால் உணவியல் நிபுணர்களின் கூற்றுப்படி, இளஞ்சிவப்பு கொய்யா உடலுக்கு சிறந்தது என்கின்றனர். இளஞ்சிவப்பு கொய்யாவில் வைட்டமின் ஏ மற்றும் சி அதிகளவில் உள்ளது. இதனுடன், ஒமேகா 3 மற்றும் ஒமேகா 6 பாலிஅன்சாச்சுரேட்டட் கொழுப்பு அமிலங்களும் இதில் காணப்படுகின்றன. ஒமேகா 3 மற்றும் ஒமேகா 6 நோய் எதிர்ப்பு சக்தியை அதிகரிக்கிறது மற்றும் பல தீவிர நோய்களுக்கு எதிராக பாதுகாக்க உதவுகிறது. இதில் உள்ள நார்ச்சத்து நீரிழிவு நோயாளிகளுக்கு நல்லது என்பதை நிரூபிக்கிறது. மேலும் நார்ச்சத்து செரிமானத்தை மேம்படுத்துகிறது, மலச்சிக்கலை தடுக்கிறது மற்றும் வயிற்றை சுத்தப்படுத்த உதவுகிறது. எனவே வெள்ளை மற்றும் இளஞ்சிவப்பு கொய்யாவில் அதிக நன்மை இளஞ்சிவப்பு கொய்யாவில் தான் இருக்கிறது.
கொய்யா பழத்தை எப்போது சாப்பிட வேண்டும்
சாப்பிடுவதற்கு முன் இப்பழத்தை சாப்பிடுவது நல்லதல்ல. சாப்பிட்ட பின்போ, அல்லது சாப்பிடுவதற்கு நீண்ட நேரத்திற்கு முன்போ சாப்பிட்டால் நல்லது. கொய்யா பழத்தை இரவில் சாப்பிடக்கூடாது.
(பொறுப்புத் துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன்னர் கண்டிப்பாக மருத்துவ ஆலோசனையைப் பெறவும். ஜீ மீடியா இந்த தகவல்களை உறுதிப்படுத்தவில்லை.)
மேலும் படிக்க | உங்களுக்கு Low Blood Pressure இருந்தால் இந்த 4 பொருட்களை உடனடியாக சாப்பிடுங்கள்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
