ஆதித்யா L1 மிஷன் அப்டேட்: சந்திரயான்-3 மிஷன் வெற்றிக்குப் பிறகு, தற்போது இஸ்ரோ தனது முதல் சூரியப் பயணத்தைத் தொடங்கத் தயாராகி வருகிறது. ஆதித்யா எல்-1 விண்கலம் ஸ்ரீஹரிகோட்டா விண்வெளி மையத்தில் இருந்து வருகிற செப்டம்பர் 2ஆம் தேதி காலை சரியாக 11.50 மணிக்கு விண்ணில் ஏவப்படுகிறது. ஆதித்யா எல்-1 திட்டத்தின் கீழ் சூரியனில் இருந்து வெளிப்படும் கதிர்களை இஸ்ரோ ஆய்வு செய்யும். மேலும் ஆதித்யா எல்-1 பூமிக்கும் சூரியனுக்கும் இடையே எல்-1 புள்ளியில் வைக்கப்படும். எல்-1 புள்ளியில் பூமி மற்றும் சூரியனின் ஈர்ப்பு விசையில் சிக்கிக்கொள்வதன் மூலம், சூரியன் குறைந்த எரிபொருளில் அதிக தகவல்களை சேகரிக்க முடியும். அதேபோல் ஆதித்யா எல்-1 இல் பொருத்தப்பட்டுள்ள 7 பேலோடுகள் சூரியனில் இருந்து வெளிப்படும் கதிர்களை ஆய்வு செய்யும்.
ஆதித்யா எல்-1 சூரியனின் கரோனா என்னும் பகுதி, அதாவது, சூரியனின் மகுடம்( Crown of the Sun) பகுதியில் இருந்து வெளிப்படும் வெப்பம் மற்றும் அனல் காற்றுகளை ஆய்வு செய்யும், மேலும் சூரியனின் கதிர்கள் ஓசோன் படலத்தில் என்ன தாக்கத்தை ஏற்படுத்துகின்றன என்பதையும் கண்டறியும். அதுமட்டுமின்றி ஆதித்யா எல்-1 சூரிய வளிமண்டலத்தைப் புரிந்துகொள்ள முயற்சிக்கும். சூரிய புயல்கள், சூரிய அலைகள் மற்றும் அவை பூமியின் வளிமண்டலத்தில் ஏற்படுவதற்கான காரணத்தையும் கண்டுபிடிக்கும்.
மேலும் படிக்க | Aditya L1: சூரியனின் ரகசியங்களை அறிய ஒரு பயணம்.. தயார் நிலையில் ஆதித்யா-எல்1!!
எந்த நாடுகள் இதுவரை சூரியன் மிஷனை அனுப்பியுள்ளன?
இந்தியா முதல் முறையாக சூரியன் மிஷனைத் தொடங்குகிறது. இந்தியாவிற்கு முன்னதாக 22 பயணங்கள் சூரியனுக்கு அனுப்பப்பட்டுள்ளன. அமெரிக்கா, ஜெர்மனி, ஐரோப்பிய விண்வெளி நிறுவனம் ஆகியவை சூரியனை ஆய்வு செய்வதில் ஈடுபட்டுள்ளன. இதில் சூரியனை ஆய்வு செய்வதற்காக நாசா மட்டும் 14 அதிக பட்ச சூரியப் பயணங்களை அனுப்பியுள்ளது. ஐரோப்பிய விண்வெளி ஏஜென்சியும் 1994 இல் நாசாவுடன் இணைந்து சூரியப் பயணத்தை அனுப்பியது. அதேபோல் நாசா கடந்த 2001 இல் ஜெனிசிஸ் மிஷனை அறிமுகப்படுத்தியது. இந்த பணியின் நோக்கம் சூரியனைச் சுற்றி வரும் போது சூரியக் காற்றின் மாதிரியாக இருந்தது.
L-1 புள்ளி எவ்வளவு தூரம் உள்ளது
பூமிக்கும் சூரியனுக்கும் இடையில் மொத்தம் ஐந்து புள்ளிகள் அடையாளம் காணப்பட்டுள்ளன, அங்கு விண்கலம் வைக்கப்பட்டு சூரியனில் இருந்து வெளிப்படும் கதிர்கள் ஆய்வு செய்யப்படுகின்றன. இந்த L-1 புள்ளியை Larange point என்றும் அழைக்கப்படுகிறது. சூரியனுக்கு மிக அருகில் இருக்கும் எல்-1 புள்ளியில் தான் நமது சூரியன் மிஷன் செல்கிறது. பூமியிலிருந்து L-1 புள்ளியின் தூரம் தோராயமாக 15 லட்சம் கிலோமீட்டர்கள் ஆகும். சூரியனிலிருந்து எல்-1 தொலைவு சுமார் 14 கோடியே 85 லட்சம் கி.மீ. ஆகும். Larange Point 1 என்பது சூரியனுக்கும் பூமிக்கும் இடையே உள்ள மொத்த தூரத்தில் ஒரு சதவீதம் மட்டுமே ஆகும்.
ஆதித்யா எல்1 மிஷனில் மொத்தம் எத்தனை பேலோடுகளை எடுத்துச் செல்கிறது?
ஆதித்யா எல்-1ல் மொத்தம் 7 பேலோடுகள் பொருத்தப்பட்டுள்ளன. ஆதித்யா எல்-1 இல் நிறுவப்பட்ட விசிபிள் எமிஷன் லைன் கரோனாகிராஃப் (VELC) பேலோட், கரோனாவின் ஸ்பெக்ட்ரோஸ்கோபியை இமேஜிங் செய்து செயல்படுத்தும் திறன் கொண்டது. சோலார் அல்ட்ரா வயலட் இமேஜிங் டெலஸ்கோப் (SUITE) பேலோட் போட்டோஸ்பியர் மற்றும் குரோமோஸ்பியரில் இருந்து வெளிப்படும் கதிர்களைப் படிக்கும். ஆதித்ய சோலார் விண்ட் பார்ட்டிகல் எக்ஸ்பெரிமென்ட் பேலோட் சூரிய திசைகளில் சூரிய காற்றை ஆய்வு செய்யும். இந்த பேலோடும் உள்நாட்டிலேயே தயாரிக்கப்பட்டது என்பது குறிப்பிடத்தக்கது.
இஸ்ரோவின் 59வது விண்வெளி திட்டம்
இதனிடையே ஆதித்யா எல்1 விண்கலத்தை ஏவுவதற்கான ஏற்பாடுகள் சுமூகமாக நடைபெற்று வருவதாகவும், சனிக்கிழமையன்று சூரியனை நோக்கிப் புறப்பட அனைத்தும் ஆயத்தமாக உள்ளதாகவும் இந்திய விண்வெளி ஆராய்ச்சி நிறுவனம் (இஸ்ரோ) அறிவித்துள்ளது. நாளை ஏவுவதற்கான ஏவுகணை ஒத்திகை முடிந்திருப்பதாவும் கூறியுள்ள இஸ்ரோ, பிஎஸ்எல்வி-சி57 (PSLV-C57) ராக்கெட்டின் படங்களையும் வெளியிட்டுள்ளது.
ஆதித்யா எல்1 திட்டம் இஸ்ரோவின் 59வது விண்வெளி திட்டம் ஆகும். இதன் மூலம் இந்தியா சூரியனை ஆய்வு செய்யும் முதல் பயணத்தைத் தொடங்குகிறது.
மேலும் படிக்க | சூர்யா மிஷன்: எந்த ராகசித்தை இஸ்ரோ அறிய ADITYA-L1 மிஷன்? இதோ விடை
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
