காங்கிரஸ் தலைவர் பதவிக்கு காந்தி குடும்பத்தில் அல்லாத ஒருவரை நியமியுங்கள்: ராகுல்

காங்கிரஸ் தலைவர் பொறுப்பில் இருந்து ராகுல் காந்தி விலகுவதாகவும், காந்தி குடும்பத்தில் அல்லாத ஒருவரை தலைவர் பதவிக்கு நியமியுங்கள் என ராகுல் கூறியதாக காங்கிரஸ் வட்டாரம் தெரிவித்துள்ளது.

Written by - Shiva Murugesan | Last Updated : May 27, 2019, 06:51 PM IST
காங்கிரஸ் தலைவர் பதவிக்கு காந்தி குடும்பத்தில் அல்லாத ஒருவரை நியமியுங்கள்: ராகுல்

புது டெல்லி: 17-ஆம் மக்களவை தேர்தலில் பாஜக தனி பெரும்பான்மையுடன் வெற்றி பெற்று ஆட்சியை பிடித்துள்ளது. வரும் 30 ஆம் தேதி மோடி அமைச்சரவை பதவியேற்க உள்ளது. அதே வேளையில் காங்கிரஸ் கட்சி எதிர்கட்சிக்கான அந்தஸ்து கூட இல்லாமல் பெரும் தோல்வியை கண்டுள்ளது. 

இந்த சூழ்நிலையில், கடந்த சனிக்கிழமை (மே 25) அன்று காங்கிரஸ் கட்சியின் காரிய கமிட்டி கூட்டம் டெல்லியில் நடைபெற்றது. இந்த கூட்டத்தில் காங்கிரஸ் கட்சியின் முக்கிய தலைவர்கள் பங்கேற்றுள்ளனர். 

காங்கிரஸ் கட்சியின் ஆலோசனை கூட்டத்தில் கட்சியின் தோல்விக்கு பொறுப்பேற்று காங்கிரஸ் தலைவர் பொறுப்பில் இருந்து ராகுல் காந்தி விலகுவதாகவும், அதற்க்கான கடிதத்தை கட்சியின் மேலிடத்தில் அளித்ததாகவும் தகவல்கள் வெளியாகின. ஆனால் காங்கிரஸ் கட்சியின் காரிய கமிட்டி கூட்டத்தில் ராகுல் காந்தி ராஜினாமா கடிதத்தை அளித்ததாக ஊடங்களிலும், பத்திரிக்கைகளிலும் வெளியான தகவல் உண்மை இல்லை என காங்கிரஸின் தகவல் தொடர்பு அலுவலர் ரந்தீப் சிங் சுர்ஜேவலா விளக்கம் அளித்தார். 

தற்போது நமக்கு கிடைத்த தகவலின் படி, காங்கிரஸ் தலைவர் பொறுப்பில் இருந்து விலகுவதில் ராகுல் காந்தி தெளிவாக உள்ளதாகவும், அதில் இருந்து பின்வாங்க மாட்டேன். யாரும் எனது ராஜினாமாவை திரும்பப் பெற வேண்டும் என்று அழுத்தம் கொடுக்க வேண்டாம் என ராகுல் கூறியதாக காங்கிரஸ் கட்சியின் சில முக்கிய தலைவர்கள தெரிவித்துள்ளார். 

காங்கிரஸ் ஆதாரங்களின் படி, ராகுல் காந்தி கட்சியின் மூத்த தலைவர்களான கேசி வேணுகோபால் மற்றும் அகமது படேலை திங்களன்று (மே 27) சந்தித்துப் பேசினர். அவர் கட்சி தலைவராக இருக்க விரும்பவில்லை என்று தெளிவுபடுத்தியதாகவும், ராகுல் காந்திக்கு பதிலாக வேறு யாராவது தேர்ந்த்தெடுக்கப்பட வேண்டும் என்றும், அப்படி தேர்வு செய்யப்படுபவர் காந்தி குடும்பத்தை சேர்ந்த்தவராக இருக்கக் கூடாது என்றும் கூறியதாக தகவல் கிடைத்துள்ளது.

ராகுல் காந்தி காங்கிரஸ் கட்சியின் மூத்த தலைவர்களிடம் பிரியங்கா காந்தியின் பெயரைக் கூட காங்கிரஸ் தலைவர் பதவிக்கு பரிந்துரைக்கு வேண்டாம் என்று கேட்டுள்ளார் எனவும் கூறப்படுகிறது.

More Stories

Trending News