பாஜக-வை முஹம்மது கோரியுடன் ஒப்பிடும் சிவசேனா...

பாரதீய ஜனதாவை, தனது ஊதுகுழலான சமனாவில் குறிவைத்து சிவசேனா செவ்வாயன்று, தங்களை NDA கூட்டணியில் இருந்து வெளியேற்ற அவர்கள் யார் என கேள்வி எழுப்பியுள்ளது!

Mukesh M முகேஷ் | Updated: Nov 19, 2019, 10:31 AM IST
பாஜக-வை முஹம்மது கோரியுடன் ஒப்பிடும் சிவசேனா...

பாரதீய ஜனதாவை, தனது ஊதுகுழலான சமனாவில் குறிவைத்து சிவசேனா செவ்வாயன்று, தங்களை NDA கூட்டணியில் இருந்து வெளியேற்ற அவர்கள் யார் என கேள்வி எழுப்பியுள்ளது!

பாஜகவுடன் கூட்டணி அமைத்து, அரசியலில் இந்துத்துவா மற்றும் தேசியவாதம் பற்றி யாரும் பேச விரும்பாத நேரத்தில், சிவசேனா ஜனசங்கத்திற்கு ஆதரவாக நின்று அதை நேர்மையுடன் ஆதரித்ததாக சமனா தலையங்கம் குறிப்பிட்டுள்ளது. "சிவசேனா எந்த அடிப்படையில் தேசிய ஜனநாயகக் கூட்டணியிலிருந்து வெளியேற்றப்பட்டது, இது அகங்கார மற்றும் தன்னிச்சையான அரசியலின் முடிவின் ஆரம்பம்" என்றும் தனது தலையங்கத்தில் சிவசேனா குறிப்பிட்டுள்ளது.

மேலும் பாஜக-வை முகலாய பேரரசர் முஹம்மது கோரியுடன் ஒப்பிட்டு, முதுகின் பின்னால் குத்திக் கொள்பவர்களுக்கு மகாராஷ்டிராவிலிருந்து பொருத்தமான பதில் வழங்கப்படும் என்றும் தனது தலையங்கதில் குறிப்பிட்டுள்ளது.

பவருடனான சந்திப்புக்குப் பின்னர் ஊடகங்களுடன் பேசிய ரவுத் திங்களன்று பாஜக மீது மறைமுகத் தாக்குதலைத் தொடங்கினார், மகாராஷ்டிராவில் அரசாங்கத்தை அமைப்பது சிவசேனாவின் பொறுப்பு அல்ல என்றும், அரசாங்கத்தை அமைப்பதற்கான ஆணையைப் பெற்றவர்கள் அவ்வாறு செய்வதிலிருந்து ஓடிவிட்டதாகவும் தெரிவித்துள்ளார்.

முன்னதாக திங்களன்று, சோனியா காந்தியை சந்திப்பதில் மகாராஷ்டிராவில் அரசாங்கம் அமைப்பது குறித்து எந்த விவாதமும் நடைபெறவில்லை என்று பவார் தெரிவித்திருந்தார். இதுகுறித்து அவர் தெரிவிக்கையில்., "நான் காங்கிரஸ் தலைவருடன் ஒரு சந்திப்பை நடத்தினேன், அவருடன் ஏ.கே. ஆண்டனி அங்கு இருந்தார். மகாராஷ்டிராவின் அரசியல் நிலைமை குறித்து நாங்கள் விரிவாக விவாதித்தோம். நிலைமை குறித்து நான் அவளுக்கு விளக்கமளித்தேன்" என்று ஷரத் பவார் குறிப்பிட்டிருந்தார்.

காங்கிரஸ் மற்றும் தேசியவாத காங்கிரஸ் கட்சி மூத்த தலைவர்கள் இந்த விவகாரம் குறித்து மேலும் பேச்சுவார்த்தை நடத்தி அவர்களின் எதிர்கால நடவடிக்கை குறித்து முடிவு செய்வார்கள் என்றும் பவார் தெரிவித்திருந்தார். 

இதனிடையே காங்கிரஸ் செய்தித் தொடர்பாளர் ரன்தீப் சுர்ஜேவாலா ட்வீட் செய்துள்ளதாவது, ஓரிரு நாட்களில் தேசியவாத காங்கிரஸ் மற்றும் காங்கிரஸின் பிரதிநிதிகள் டெல்லியில் சந்தித்து முன்னோக்கி செல்லும் வழி குறித்து விவாதிக்க முடிவு செய்யப்பட்டுள்ளது என குறிப்பிட்டிருந்தார்.

இது தொடர்பான வளர்ச்சியில், மத்திய அமைச்சர் ராம்தாஸ் அதாவலே திங்களன்று (நவம்பர் 18), மாநிலத்தில் அரசாங்கத்தை அமைப்பதற்காக பாஜகவுடன் சமரசம் செய்து கொள்வது குறித்து ரவுத்துடன் பேசினேன் என்று கூறினார். இந்த சந்திப்பின் போது இந்திய குடியரசுக் கட்சியின் தலைவரான அதாவலே, ரவுத்துக்கு 3: 2 சூத்திரத்தை பரிந்துரைத்ததாகவும், புதிய சூத்திரத்தைப் பற்றி தனது கட்சி சிந்திக்கலாம் என்று சேனா தலைவர் கூறியதாகவும் கூறப்படுகிறது.

அதாவலே பரிந்துரைத்த புதிய 3: 2 சூத்திரத்தின்படி, முதலமைச்சர் பதவி மூன்று ஆண்டுகளுக்கு பாஜகவுக்கு வழங்கப்படும், மேலும் சிவசேனாவுக்கு இரண்டு ஆண்டுகள் (முதலில் பதவி வகிக்க வாய்ப்பு) கிடைக்கும் என கூறப்படுகிறது. மாநிலத்தில் நடந்து வரும் அரசியல் முட்டுக்கட்டைகளை முடிவுக்குக் கொண்டுவருவதற்காக இந்த சூத்திரத்தை அவர்களுடன் விவாதிக்க விரைவில் பாஜக தலைவர்களை சந்திப்பதாக அத்வாலே தெரிவித்திருந்தார்.

என்றபோதிலும், முதல்வர் பதவி தொடர்பாக பாஜகவுக்கும் சிவசேனாவுக்கும் இடையிலான உறவுகளை முறித்துக் கொண்ட பின்னர் மகாராஷ்டிராவில் கூட்டணி அரசாங்கத்தை அமைப்பது தொடர்பாக தேசியவாத காங்கிரஸ், காங்கிரஸ் மற்றும் சிவசேனா தலைவர்கள் ஒருவருக்கொருவர் தொடர்பில் உள்ளனர் என்பது குறிப்பிடத்தக்கது.