 "விடாமுயற்சி படத்தின் புதிய ரிலீஸ் தேதி என்ன? ‘இந்த’ மாதத்தில் வெளியாக வாய்ப்பு!")
Vidaamuyarchi Movie New Release Date : பிரபல நடிகர் அஜித், விடாமுயற்சி திரைப்படத்தில் நடித்திருக்கிறார். இந்த படம், ஆரம்பம் முதலே பிரச்சனையாகி வரும் நிலையில், தற்போது ரிலீஸ் தேதியிலும் பிரச்சனை ஏற்பட்டிருக்கிறது. இந்த நிலையில், புது ரிலீஸ் தேதி குறித்த தகவல் வெளியாகி இருக்கிறது.
தள்ளிப்பாேன ரிலீஸ் தேதி:
நடிகர் அஜித் நடிப்பில் கடைசியாக வெளியான படம், துணிவு. இந்த படம ரிலீஸான போது, அதனுடன் சேர்ந்து வெளிவந்தது விடாமுயற்சி படத்தின் அப்டேட். மகிழ் திருமேனி இயக்கத்தில் உருவான இந்த படம், ஆரம்பம் முதலே அனைத்திலும் தாமதமான படமாகும். முதல் போஸ்டர் வெளியாகி பல மாதங்களுக்கு பிறகுதான், படத்தின் ஷூட்டிங்கே ஆரம்பமானது.
அஜித் பைக் டுர் பாேனதால் ஷூட்டிங் தாமதமானதாக படக்குழுவினர் கூற, படம் எடுக்க தாமதமானதால் பைக் டூர் சென்றதாக அஜித் தரப்பில் கூறப்பட்டது. ஒரு வழியாக அஜர் பைஜானில் அனைத்து வேலைகளும் முடிய, அஜித் இடையிடையே சென்னைக்கும் வெளிநாட்டிற்கும் பறந்து கொண்டிருந்தார். இன்னும் சில ப்ரீ-்ப்ரொடக்ஷன் பணிகள் மீதமிருக்கும் நிலையில், விடாமுயற்சி படம் வரும் பொங்கலுக்கு வெளியாகும் என டைட்டில் டீசரிலேயே அறிவிக்கப்பட்டது. ஆனால், அதற்கும் ஆப்பு வைக்கும் வகையில் புத்தாண்டு பரிசாக ஒரு அறிவிப்பு வெளியானது.
Wishing everyone a Happy New Year 2025!
— Lyca Productions (@LycaProductions) December 31, 2024
Due to unavoidable circumstances, the release of VIDAAMUYARCHI is postponed from PONGAL! Kindly stay tuned for further updates! The wait will be worth it! #Vidaamuyarchi #HappyNewYear pic.twitter.com/Xxt7sx1AMY
சில தவிர்க்க முடியாத காரணங்களால், சொன்ன தேதிக்கு படத்தை ரிலீஸ் செய்ய முடியாது என அந்த அறிவிப்பில் குறிப்பிடப்பட்டிருந்தது. இதனால், அஜித் ரசிகர்கள் மட்டுமல்ல, பொதுவான சினிமா ரசிகர்களுமே கடுப்பாகினர்.
புது ரிலீஸ் தேதி என்ன?
விடாமுயற்சி படத்தின் ரிலீஸ், பொங்கலுக்கு ரிலீஸ் ஆகாததை அடுத்து, வேறு எப்பாேது வெளியாகும் என்பது குறித்த தகவல் வெளியாகி இருக்கிறது. பட வேலைகள் முழுமையாக முடிந்தவுடன், ஜனவரியின் இறுதி மாதத்தில் அல்லது பிப்ரவரி முதல் வாரத்தில் படம் வெளியாகலாம் என கூறப்படுகிறது. காரணம், ஏப்ரல் மாதத்தில் அஜித்தின் குட் பேட் அக்லி படத்தை வெளியிட இருப்பதால் அதற்கு 2 மாதத்திற்கு முன்பாவது அவரது இன்னொரு படம் வெளியிடப்படலாம் என கூறப்படுகிறது. ஆனால், இது குறித்த அதிகாரப்பூர்வ தகவல்கள் எதுவும் இன்னும் வெளியாகவில்லை. எனவே, படக்குழு தரப்பில் இருந்து அறிவிப்பு வெளியில் வந்தால்தான் உறுதியாக கூற முடியும்.
காரணம் என்ன?
விடாமுயற்சி படத்தின் ரிலீஸ் தள்ளிப்போக என்ன காரணமாக இருக்கும் என்பது குறித்து பலர் ஆராய்ந்து வருகின்றனர். ஒரு பக்கம் லைகா நிறுவனம் நிதி நெருக்கடியில் சிக்கிக்கொண்டிருப்பதால் ப்ரொடக்ஷன் பணிகளில் தாமதம் ஏற்படுவதாக கூறப்படுகிறது. அதே போல, அனிருத்திடம் பின்னணி இசை அமைத்து தர படம் தரப்பட்டதே தாமதமாகத்தான் என கூறப்படுகிறது. சமீபத்தில் ஒரு நேர்காணலில் கலந்து கொண்ட விடாமுயற்சி படத்தின் தாயரிப்பாளர் சுரேஷ் காமாட்சி, அப்படத்தின் ரிலீஸ் குறித்து தனக்கு எதுவுமே தெளிவான அப்டேட் தரப்படவில்லை என்று கூறியிருக்கிறார். லைகா நிறுவனம், இருப்பதிலேயே மோசமான தயாரிப்பு நிறுவனமாக இருப்பதாக கூறப்படுகிறது.
ஏற்கனவே, அஜித்தை திரையில் பார்ப்பது அறிதாக இருக்கும் நிலையில், இப்படி ஒழுங்காக வர இருக்கும் படங்களின் ரிலீஸையும் தள்ளிப்போடுவது கொஞ்சம் கூட நல்லாயில்லை என ரசிகர்கள் தெரிவித்து வருகின்றனர்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)