முடி வளர தேங்காய் எண்ணெய் எப்படி பயன்படுத்துவது: முடி உதிர்தல் என்பது பலரையும் தொந்தரவு செய்யும் ஒரு பிரச்சனை ஆகும். முதலில் ஒரு சில முடிகள் மட்டும் உதிர ஆரம்பித்து பின்னர் படிப்படியாக தலை முழுவதும் காலியாகி விடுவது போல் தோன்றும். இத்தகைய சூழ்நிலையில் உங்கள் முடி உதிர்வதால் மிகவும் மெல்லியதாக இருந்தால், தேங்காய் எண்ணெயை (Coconut Oil) சரியாகப் பயன்படுத்துவதன் மூலம் உங்கள் தலைமுடியை வலுப்படுத்தலாம், இதனால் முடி உதிர்வு தானாகவே நின்றுவிடும். தேங்காய் எண்ணெய் உச்சந்தலையில் ஈரப்பதத்தை அளிக்கிறது, இந்த எண்ணெய் முடியை பலப்படுத்துகிறது, முடி வளர்ச்சிக்கு உதவுகிறது மற்றும் பொடுகை போக்குகிறது. இப்போது தேங்காய் எண்ணெயை எவ்வாறு தடவ வேண்டும் என்பதை அறிந்து கொள்ளுங்கள், இதனால் முடி உதிர்வதை நிறுத்தி எப்படி வலுப்படுத்த உதவுகிறது என்பதை விரிவாக பார்போம்.
தேங்காய் எண்ணெய் முடி உதிர்வை தடுக்கும் | Coconut Oil To Stop Hair Fall:
தேங்காய் எண்ணெயை முடியில் பல வழிகளில் தடவலாம். முடி உதிர்வதைத் தடுக்கவும் இந்த எண்ணெயை எளிதாகப் பயன்படுத்தலாம். ஒரு கிண்ணம் தேங்காய் எண்ணெயை லேசாக சூடாக்கவும். சற்று சூடான இந்த தேங்காய் எண்ணெயைக் கொண்டு உங்கள் தலையை மசாஜ் செய்து, ஒன்றரை மணி நேரம் கழித்து தலையை அலசவும். இந்த எண்ணெயை ஒரே இரவில் முடியில் தடவலாம். இப்படி வாரத்திற்கு இரண்டு முதல் மூன்று முறை தேங்காய் எண்ணெயைத் தடவினால், கூந்தலுக்கு முழு ஊட்டச்சத்து கிடைத்து, முடி உதிர்வது குறையும்.
தேங்காய் எண்ணெய் மற்றும் கறிவேப்பிலை:
தேங்காய் எண்ணெய் மற்றும் கறிவேப்பிலை (Curry Leaves) இரண்டையும் கலந்து தடவினால் முடி உதிர்வது தடுக்கப்படும். ஒரு கிண்ணத்தில் தேங்காய் எண்ணெயை எடுத்து அதனுடன் ஒரு கைப்பிடி கறிவேப்பிலை சேர்க்கவும். கறிவேப்பிலை வெந்ததும் எண்ணெயை அடுப்பிலிருந்து இறக்கவும். இந்த எண்ணெயை சாதாரணமாக முடியில் தடவலாம். அதன் விளைவை அதிகரிக்க, நெல்லிக்காயையும் அதில் சேர்க்கலாம். இது முடி உதிர்வதைத் தடுக்க உதவும் பல வைட்டமின்கள் மற்றும் தாதுக்களை முடிக்கு வழங்குகிறது.
மேலும் படிக்க | கல்லீரல் முதல் நுரையீரல் வரை... வியக்க வைக்கும் வெல்லத்தின் மருத்துவ குணங்கள்!
தேங்காய் எண்ணெய் மற்றும் வெந்தய விதைகள்:
அரை கப் தேங்காய் எண்ணெயை தீயில் வைத்து சூடாக்கவும். அதில் 2 ஸ்பூன் வெந்தயத்தை (Fenugreek Seeds) சேர்த்து, விதைகள் பழுப்பு நிறமாக தோன்றும் வரை சூடாக்கவும். எண்ணெய் சூடானதும் அடுப்பிலிருந்து இறக்கி தனியாக வைக்கவும். முடியைக் கழுவுவதற்கு ஒன்றரை மணி நேரத்திற்கு முன் இந்த எண்ணெயை முடியில் தடவலாம். இந்த எண்ணெயின் நன்மைகள் முடியை வளரச் செய்வதிலும் நீளமாக்குவதிலும் காணப்படுகின்றன. வெந்தய விதைகள் வைட்டமின் ஏ, சி, கே மற்றும் ஃபோலிக் அமிலம் மற்றும் புரதத்தின் நல்ல மூலமாகும். இது தவிர, அவை ஆன்டி-ஆக்ஸிடன்ட்கள் மற்றும் அழற்சி எதிர்ப்பு பண்புகளையும் கொண்டிருக்கின்றன. எனவே, வெந்தய விதையையும் தேங்காய் எண்ணெயையும் ஒன்றாகச் சேர்த்து, கூந்தலில் தடவினால், ஒல்லியான கூந்தல் அடர்த்தியாகி, முடி வளர்ச்சியை அதிகரித்து, முடி உதிர்வது தடுக்கப்படும்.
(பொறுப்பு துறப்பு: வீட்டு வைத்தியம் மற்றும் பொதுவான தகவல்களின் உதவியுடன் எழுதப்பட்ட கட்டுரை இது. இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)
மேலும் படிக்க | குறைவாக சாப்பிடணும்... வயிறு நிறைவாகவும் இருக்கணுமா... ‘இந்த’ டிப்ஸ் உதவும்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
