வங்கிகளில் 10 ஆண்டுகளுக்கும் மேல் உரிமம் கோராமல் கிடக்கும் பணம் ஏராளமாக இருக்கிறது. இந்தப் பணத்தை உரியவர்களிடம் திருப்பிக் கொடுக்க ரிசர்வ் வங்கி பல நடவடிக்கைகளை எடுத்து வருகிறது. அதன் ஒரு பகுதியாக ‘100 days 100 pays’ திட்டத்தினை தொடங்கியுள்ளது. ரிசர்வ் வங்கி (RBI) நாட்டின் அனைத்து மாவட்டங்களிலும் உள்ள ஒவ்வொரு வங்கியிலும் உரிமை கோரப்படாத முதல் 100 டெபாசிட்களை மீட்டெடுப்பதற்கும் தீர்வு காண்பதற்கும் வசதியாக, ‘100 Days 100 Pays’ என்ற புதிய முயற்சியைத் தொடங்கியுள்ளது. எனவே, குறைந்தபட்சம் 10 ஆண்டுகளாக உங்கள் பயன்படுத்தாத வங்கிக் கணக்கில், சேமிப்பு மற்றும் நடப்புக் கணக்கில் பணம் டெபாசிட் செய்ப்பட்டு எடுக்கப்படாமல் இருந்தால், ஜூன் 1, 2023 முதல் வங்கிகள் மேற்கொள்ளும் இந்த நடவடிக்கை உங்களுக்கு மிகவும் பயனுள்ளதாக இருக்கும்.
ரிசர்வ் வங்கியின் 100 days 100 pays நடவடிக்கை, வங்கியில் உரிமை கோரப்படாத டெபாசிட்களின் அளவைக் குறைப்பதற்கும், அந்த வைப்புத்தொகையை அவற்றின் உண்மையான உரிமையாளர்கள் அல்லது நாமினிகளுக்கு திருப்பித் தருவதற்கும் ஆன ரிசர்வ் வங்கியின் தொடர்ச்சியான முயற்சிகளின் ஒரு பகுதியாகும். இந்த முயற்சியில், 100 நாட்களுக்குள் ஒவ்வொரு மாவட்டத்திலும் உரிமை கோரப்படாத 100 டெபாசிட்களை உரியவர்களிடம் சேர்ப்பத்தை இலக்காகக் கொண்டுள்ளது.
கோரப்படாத வைப்புத்தொகைகள் என்றால் என்ன?
இந்திய ரிசர்வ் வங்கியின் கூற்றுப்படி, உரிமை கோரப்படாத வைப்புகளில் செயலற்ற சேமிப்புகள் மற்றும் பத்தாண்டுகளுக்குச் செயலற்ற நடப்புக் கணக்குகள் மற்றும் முதிர்ச்சியடைந்த பத்து ஆண்டுகளுக்குள் உரிமை கோரப்படாத கால வைப்புகளும் அடங்கும். வங்கிகள் இந்த நிதியை ரிசர்வ் வங்கியால் பராமரிக்கப்படும் முதலீட்டாளர் கல்வி மற்றும் விழிப்புணர்வு (DEA) நிதியில் முதலீடு செய்யப்படுகின்றன.
உரிமை கோரப்படாத டெபாசிட் பணத்தை எவ்வாறு பெறுவது?
கணக்கு வைத்திருப்பவர்கள் தங்கள் வைப்புத்தொகை பராமரிக்கப்படும் கிளைக்குச் சென்று, உரிமைகோரப்படாத டெபாசிட் தொடர்பான தகவல்களுடன், உரிமைகோரல் படிவத்தை சமர்ப்பிக்க வேண்டும். சமீபத்திய புகைப்படங்கள், செல்லுபடியாகும் அடையாளச் சான்று, முகவரிச் சான்று, பாஸ்புக், டெர்ம் டெபாசிட்/சிறப்பு கால வைப்பு ரசீதுகள் மற்றும் வங்கிக்குத் தேவையான பிற ஆவணங்களையும் சமர்ப்பிக்க வேண்டும். ஆவணங்கள் ஒழுங்காக இருந்தால், கடன் வழங்குபவர் கோரப்படாத வைப்புத்தொகையிலிருந்து நிதியை உரிமையாலரிடம் சேர்ப்பிக்கும் செயல்முறையைத் வங்கி தொடங்கும்.
தனிநபர் அல்லாத கணக்குகளுக்கு உரிமை கோரப்படாத டெபாசிட் பணத்தை எவ்வாறு பெறுவது?
தனிநபர் அல்லாத கணக்குகளுக்கு, அதாவது (நிறுவனம்/ கூட்டாண்மை நிறுவனம்/ LLP/நிறுவனம்) போன்றவற்றுக்கு உரிமை கோரப்பட்டால், உரிமைகோரல் தொடர்பாக, அங்கீகரிக்கப்பட்ட நபரால், கையொப்பமிட்டவர்களால் முறையாக கையொப்பமிடப்பட்ட அதிகாரப்பூர்வ லெட்டர்ஹெட்டில் அனைத்து கடிதங்களும்,அவர்களின் செல்லுபடியாகும் அடையாளம் மற்றும் முகவரி சான்றுகளுடன் சம்பர்பிக்க வேண்டும். .
கோரப்படாத வைப்புப் பணத்தை நாமினி/வாரிசு எவ்வாறு கோரலாம்?
ஒரு நாமினி அல்லது வாரிசு, டெபாசிட் செய்பவரின் மரணத்திற்குப் பிறகு, வங்கிக் கிளைக்குச் சென்று, கோரப்படாத வைப்புத்தொகை உரிமைகோரல் படிவத்தைப் பூர்த்தி செய்து கையொப்பமிட்டதன் மூலம் பெறலாம். நாமினி/வாரிசுக்கு செல்லுபடியாகும் அடையாளச் சான்று, டெபாசிட்டரின் இறப்புச் சான்றிதழின் நகல் மற்றும் பாஸ்புக்/சிறப்பு கால வைப்பு/கால வைப்பு ரசீதுகள் ஆகியவையும் தேவை.
சில வங்கிகள் வாரிசுச் சான்றிதழை (சிறிய தொகையாக இருந்தால்) அல்லது வாரிசுச் சான்றிதழ் அல்லது நிர்வாகக் கடிதம் (பெரிய தொகைகளுக்கு) அல்லது தகுதிகாண் சான்று ஆவணம் (சட்ட பூர்வ உயில்) ஆகியவற்றை கொண்டு கோரலாம். சில வங்கிகள் உறுதிமொழி மற்றும் இழப்பீடு மற்றும்/அல்லது அனைத்து குடும்ப உறுப்பினர்களிடமிருந்தும் ஆட்சேபனை சான்றிதழின் அடிப்படையில் கோரிக்கைகளை செயல்படுத்துகின்றன, இருப்பினும் இது தனிப்பட்ட வங்கிகளின் விதிகளின் படி செயல் படுத்தப்படுகின்றன.
மேலும் படிக்க | செப்டம்பர் 30க்கு பிறகு ரூ.2000 நோட்டு செல்லுமா? RBI சொன்ன முக்கிய தகவல்!
உரிமைகோரல்களை தாக்கல் செய்ய கால வரம்பு உள்ளதா?
உரிமைகோரல்களை தாக்கல் செய்வதற்கான காலக்கெடு எதுவும் இல்லை. உரிமைகோருபவர்கள் (கணக்கு வைத்திருப்பவர்கள் அல்லது அவர்களின் நாமினி அல்லது அவர்களின் சட்டப்பூர்வ வாரிசுகள்/ பயனாளிகள்) எந்த நேரத்திலும் கணக்கு இருக்கும் வங்கியில் தங்கள் கோரிக்கைகளை பதிவு செய்யலாம். ரிசர்வ் வங்கியின் அறிவிப்பின்படி, க்ளெய்ம் தாக்கல் செய்யப்பட்ட 15 நாட்களுக்குள், உரிமை கோருபவர், சட்டப்பூர்வமாக தேவையான அனைத்து ஆதாரங்களையும் ஆவணங்களையும் வைத்திருந்தால், வங்கி உரிமையாளருக்கு முதலீட்டு தொகையை வழங்கும்.
மேலும் படிக்க | ₹ 2000: சட்டப்பூர்வமான பணத்தாள்! ஆனால் பரிவர்த்தனைகளுக்கு பயன்படுத்த முடியாது?!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
