கேரளாவைச் சேர்ந்த பின்னணி பாடகரான எடவா பஷீர் (Edava Basheer) மலையாளத்தில் பல்வேறு சூப்பர் ஹிட் பாடல்களை பாடி உள்ளார். கேரளாவின் வர்கலை பகுதியருகே எடவா என்ற இடத்தில் பிறந்த இவர், ஜேசுதாஸ் மற்றும் ரபி ஆகியோரின் பாடல்களை கேட்டு தொடக்க காலத்தில் பயிற்சி பெற்றுள்ளார். பள்ளிக் கல்லூரி நிகழ்ச்சிகளிலும் பாடி பரிசுகளை பெற்றுள்ளார். அதன்பின் பல இசைக் கச்சேரிகளில் பாடி இருக்கிறார். ஜே.ஜாய் இசையமைத்த ரகுவம்சம் என்ற திரைப்படத்தின் மூலம் திரையுலகுகிற்கு அறிமுகமானார்.
மேலும் படிக்க | திரையுலகம் அதிர்ச்சி: மேடையில் பாடிக்கொண்டே உயிரை விட்ட பிரபல பாடகர்- வீடியோ!
அவருக்கு மலையாள திரை உலகில் அடுத்தடுத்து வாய்ப்புகள் கிடைத்தது. குறிப்பாக, பிரபல பின்னணி பாடகி வாணி ஜெயராம் உடன் சேர்ந்து முக்குவனே சினேகிச்ச பூதம் என்ற படத்தில், ஆழித்திர மலகள் அழகின்டே மலகள் என்று பாடலை பாடி கவனம் பெற்றார். 78 வயதான எடவா பஷீர், ஆழப்புழை அருகே உள்ள பத்திரபள்ளியில் ப்ளூ டைமண்ட்ஸ் என்கிற இசைக்குழுவின் பொன்விழா ஆண்டு கொண்டாட்டத்துக்கான இசை நிகழ்ச்சியில் கலந்து கொண்டார்.
பல்வேறு பாடல்களை பாடிய எடவா பஷீர், கே.ஜே.யேசுதாஸ் பாடிய இந்திப் பாடல் ஒன்றை அவர் பாடிக் கொண்டிருந்தார். அப்போது திடீரென மயங்கி கீழே விழுந்தார். அவர் மயங்கி கீழே வீழுந்ததும் நிகழ்ச்சி நடைபெற்ற திடலில் சலசலப்பு ஏற்பட்டது. உடனடியாக நிகழ்ச்சி ஏற்பாட்டாளர்கள் முதலுதவி கொடுத்து அருகில் உள்ள மருத்துமனைக்கு கொண்டு சென்றனர். அங்கு அவரை பரிசோதித்த மருத்துவர்கள், அவர் ஏற்கனவே உயிரிழந்துவிட்டதாக தெரிவித்தனர்.
திடீர் மாரடைப்பு காரணமாக உயிரிழந்துள்ளார் எடவா பஷீர். கேரள இசைக் கலைஞர்கள் மற்றும் தொழில்நுட்ப சங்கத்தின் தலைவராகவும் பணியாற்றி இருக்கும் அவரின் மறைவு, மலையாள திரையுலகினரை சோகத்தில் ஆழ்த்தியுள்ளது. எடவா பஷீரின் மறைவுக்கு மலையாள திரையுலகினர் அஞ்சலி செலுத்தினர். இதனைத் தொடர்ந்து இறுதிச் சடங்கு நடைபெற்றது.
ഗാനമേളയിൽ പാടവേ കുഴഞ്ഞ് വീണ് ഇടവ ബഷീർ അന്തരിച്ചു | Edava Basheer #KeralaNews #EdavaBasheer #ZeeMalayalamNews pic.twitter.com/ZoIGj4Iwg6
— Zee Malayalam News (@ZeeMalayalam) May 29, 2022
மேலும் படிக்க | கேஜிஎஃப் -3 படத்தில் ஹ்ரித்திக் ரோஷன்?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
