மாநகரம் படம் தொடங்கி விக்ரம் படம்வரை லோகேஷ் கனகராஜ் இயக்கிய அத்தனை படங்களும் வெற்றி பெற்றவை. குறிப்பாக கைதி, மாஸ்டர், விக்ரம் படங்கள் பெரும் கவனத்தை ஈர்த்தது. தற்போது லோகேஷ் கனகராஜ் விஜய்யை வைத்து அடுத்த படத்தை இயக்கவிருக்கிறார். அனிருத் இசையமைக்கும் இப்படத்தௌ மாஸ்டர் பட தயாரிப்பாளர் லலித்குமார் தயாரிக்கிறார்.
மாஸ்டர் வெற்றிக்கு பிறகு இருவரும் மீண்டும் இணைவதால் படத்தின் மீதான எதிர்பார்ப்பு ரசிகர்களிடம் பல மடங்கு அதிகரித்துள்ளது. பான் இந்தியா படமாக உருவாகும் என கூறப்படும் இப்படத்தில் கௌதம் வாசுதேவ் உள்ளிட்டோர் நடிப்பதாகவும், ஒவ்வொரு மொழிக்கும் ஒவ்வொரு வில்லன் எனவும் தகவல் வெளியானது. மேலும் கீர்த்தி சுரேஷ், த்ரிஷா உள்ளிட்டோரும் நடிக்கலாம் என கூறப்படுகிறது.
இதற்கிடையே படத்தின் கதை, திரைக்கதை எழுதுவதற்காக சமூக வலைதளங்களிலிருந்து வெளியேறினார் லோகேஷ். மேலும், விக்ரம் படத்திற்கு ப்ரோமோ ஷூட் செய்யப்பட்டதுபோல் இந்தப் படத்திற்கும் ப்ரோமோவுடன் அதிகாரப்பூர்வ தலைப்பை அறிவிக்க லோகேஷ் திட்டமிட்டிருக்கிறார்.
இந்நிலையில் படத்தின் பூஜை, ஷூட்டிங் எங்கு நடக்கப்போகிறது என்பவை குறித்த தகவல்கள் தற்போது வெளியாகியிருக்கின்றன. அதன்படி படத்தின் பூஜை வரும் 5ஆம் தேதி நடக்கவிருப்பதாக கூறப்படுகிறது. அதேபோல் படத்தின் முதல்கட்ட ஷூட்டிங் 15 நாள்கள் சென்னையில் நடக்குமெனவும், அதை முடித்துக்கொண்டு படக்குழு காஷ்மீர் செல்லவிருக்கிறது எனவும் கோலிவுட்டில் பேச்சு எழுந்திருக்கிறது. அதேசமயம் ஷூட்டிங் தொடங்கும் தேதி குறித்த எந்த தகவலும் வெளியாகவில்லை.
விஜ்ய தற்போது வம்சி பைடிபள்ளி இயக்கத்தில் வாரிசு படத்தில் நடித்திருக்கிறார். அந்தப் படமானது பொங்கலுக்கு வெளியாகவிருக்கிறது. அன்றைய தினம் அஜித்தின் துணிவு படமும் வெளியாகவிருப்பது குறிப்பிடத்தக்கது.
மேலும் படிக்க | கிளாமர் லேடியின் கியூட் மகனா இவர்? ரேஷ்மா மகனை பார்த்த நெட்டிசன்களுக்கு வியப்பு
மேலும் படிக்க | வந்துட்டாருய்யா வந்துட்டாரு - பட்டையை கிளப்பும் நாய் சேகர் ரிட்டர்ன்ஸ் ட்ரெய்லர்
மேலும் படிக்க | லோகேஷ் கனகராஜா, விக்ரமா... மாதவன் எடுத்திருக்கும் முடிவு... உண்மை என்ன?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
முகநூலில் @ZEETamilNews, டிவிட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியை பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
