லீக்கானது விக்ரம் ரிலீஸ் தேதி..! எப்போது ரிலீஸ் தெரியுமா?

விக்ரம் படம் ரிலீஸ் அதிகாரப்பூர்வ அறிவிப்பு முன்னரே, படம் எப்போது ரிலீஸாகும் என்ற தகவல் லீக்காகியுள்ளது.

இளைய தளபதி விஜயை வைத்து ‘மாஸ்டர்’ படத்தை இயக்கிய லோகேஷ் கனகராஜ், அடுத்தாக திரையுலகின் ’மாஸ்டர்’  உலக நாயகன் கமல்ஹாசனை இயக்கும் வாய்ப்பு கிடைத்தது. லோகேஷ் கனகராஜ் மற்றும் கமல்ஹாசன் கூட்டணியில் உருவாகியிருக்கும் விக்ரம் திரைப்படத்தில் மக்கள் செல்வன் விஜய் சேதுபதி மற்றும் மலையாள பிரபலம் ஃபகத் பாசில் ஆகியோர் முக்கிய கதாப்பாத்திரங்களில் நடித்துள்ளனர்.

மூன்று பேரின் முகத்தோடு வெளியான படத்தின் ஃபர்ஸ்ட் லுக் போஸ்டரே படத்தின் மீதான எதிர்பார்ப்பை எகிற வைத்துள்ளது. விறுவிறுப்பாக நடைபெற்ற படத்தின் சூட்டிங் 110 நாட்களுக்குப் பிறகு அண்மையில் நிறைவடைந்தது. இந்தப் படத்தின் இறுதிக் கட்ட சூட்டிங்கில் பங்கேற்பதற்காக கமல்ஹாசன் பிக்பாஸ் அல்டிமேட் நிகழ்ச்சியை தொகுத்து வழங்குவதில் இருந்து கூட விலகியிருந்தார். பின்னர், முழு மூச்சாக சூட்டிங்கில் கமல்ஹாசன் இறங்கியவுடன், அவர் தொடர்பான காட்சிகள் படமாக்கப்பட்டன.

வெற்றிகரமாக சூட்டிங் நிறைவடைந்ததையடுத்து கமல் தலைமையில் படக்குழுவினர் கேக் வெட்டி கொண்டாடினர். அதே மகிழ்ச்சியுடன் படத்தின் தேதியை மார்ச் 14 ஆம் தேதி அதிகாரப்பூர்வமாக அறிவிக்க உள்ளதாகவும் தெரிவித்துள்ளனர். அந்த அறிவிப்பால் விக்ரம் ரிலீஸ் எப்போது? என ரசிகர்கள் எதிர்பார்த்திருக்கும் நிலையில், படக்குழு அதிகாரப்பூர்வமாக அறிவிப்பதற்கு முன்பே விக்ரம் ரிலீஸ் தொடர்பான தகவல் கசிந்துள்ளது. அதன்படி, விக்ரம் படம் மே மாதம் இறுதியில் தியேட்டர்களில் ரிலீஸ் செய்ய படக்குழு திட்டமிட்டுள்ளது. 

ஏற்கனவே சாட்டிலைட் மற்றும் டிஜிட்டல் உரிமைகளை விற்பனை செய்துள்ளதால் விக்ரம் படக்குழு மகிழ்ச்சியில் உள்ளது. ஏனென்றால் பட்ஜெட்டின் பெரும்பாலான தொகை டிஜிட்டல் விற்பனையில் கிடைத்துள்ளதால், தியேட்டர் மூலம் ரிலீஸாகும்போது படத்துக்கான லாபம் அதிகரிக்கும் என்ற நம்பிக்கையில் உள்ளனர். இந்தப் படத்தில் காளிதாஸ் ஜெயராம், ஆடுகளம் நரேன், செம்பன் வினோத் உள்ளிட்டோரும் நடித்துள்ளனர். விஜய் சேதுபதி வில்லனாக நடித்துள்ளார். ஃபகத் பாசில் கதாப்பாத்திரம் மற்றும் கதாநாயகி குறித்த தகவல் இன்னும் சீக்ரெட்டாக உள்ளது. 

உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.

முகநூலில் @ZEETamilNews, டிவிட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!

Android Link - https://bit.ly/3hDyh4G

Apple Link - https://apple.co/3loQYeR