வைரல் வீடியோ: இணைய உலகம் பல வித அற்புதங்களை தன்னுள்ளே கொண்டுள்ள ஒரு வித்தியாசமான உலகமாகும். இங்கு பல வித விஷயங்களை பற்றி நாம் தெரிந்துகொள்கிறோம். இங்கு பகிரப்படும் செய்திகளும், புகைப்படங்களும், வீடியோக்களும் நமக்கு பல செய்திகளை வழங்குகின்றன. பயனுள்ள பல தகவல்களுடன் கேளிக்கைக்கான ஒரு வழியாகவும் இது உள்ளது. நாம் நமது அன்றாட வாழ்வில் ஏற்படும் இறுக்கங்களை சற்று தளர்த்திக்கொள்ள இணையத்தில் பகிரப்படும் வீடியோக்கள் நமக்கு உதவுகின்றன. இவற்றில் விலங்குகளின் வீடியோக்களுக்கென தனி ரசிகர் பட்டாளமே உள்ளது. விலங்குகளின் உலகில் நாம் நம்ப முடியாத, அருகில் சென்று பார்க்க முடியாத பல நிகழ்வுகளை நாம் இணையத்தில் காண்கிறோம்.
மனிதர்களின் நண்பன் நாய்
நாய்கள் மிகவும் விரும்பப்படும் செல்லப்பிராணிகள். நாய்கள் மனிதனின் சிறந்த நண்பர்களாக பார்க்கப்படுகின்றன. வீட்டில் நாய் உள்ளவர்கள் அவற்றையும் வீட்டின் உறுப்பினர்களாகவே பார்க்கிறார்கள். நாய்களும் வீட்டில் உள்ள நபர்களுடன் அளவு கடந்த பாசத்துடன் நடந்துகொள்கின்றன. சமூக ஊடகங்களில் நாய்களின் பல வீடியோக்கள் தினம் தினம் பகிரப்படுகின்றன. இவற்றுக்கு இணையவாசிகளிடம் அதிக வரவேற்பும் கிடைக்கின்றன. இது தவிர நாய்கள் மிகவும் புத்திசாலித்தனமான விலங்குகளாகவும் இருக்கின்றன. இவை மனிதர்கள் செய்யும் செயல்களை நன்றாக கவனித்து தேவைப்படும் போது அப்படியே செய்கின்றன.
மும்பை லோக்கல்
மும்பை லோக்கல் ரயில்கள் மிகவும் பிரபலமானவை. இவற்றில் பயணிக்கும் மக்கள் கூட்டமும் மிகவும் பிரபலமே. ரயில் நிலையத்தில் ரயில் வந்து நிற்கும் முன்னர் மக்கள் தாவி குதித்து ரயிலில் ஏறி சீட் பிடிக்கும் காட்சிகளும், ரயில் நிலையத்தில் ரயில் நின்றவுடன் ரன்னிங்கிலேயே ரயிலில் இருந்து மக்கள் இறங்கி அவசர அவசரமாக ஓடுவதும் தினமும் காணப்படும் காட்சிகள்தான்.
ஆனால் மும்பை லோக்கல் ரயிலுக்கும் நாய்க்கும் என்ன சம்பந்தம்? சமீபத்தில் வெளியாகியுள்ள வீடியோ ஒன்று இதை விளக்கியுள்ளது. இந்த வீடியோ இணையத்தில் வைரலாக பரவி வருகின்றது.
மும்பை லோக்கலில் பயணிக்கும் நாய்
இந்த வீடியோ -வில் ஒரு நாய் மும்பை லோக்கல் ரயிலில் பயணம் செய்வதை காண முடிகின்றது. தினமும் ரயிலில் பயணிக்கும் பயணியை போல அது படு கூலாக பயணிப்பது பார்ப்பதற்கு மிக ஆச்சரியமாக உள்ளது. இந்த வீடியோ வைரலாக பரவி வருகின்றது. ஆனால், வீடியோவில் இதற்கு பிறகு வருவதுதான் ஹைலைட். அதை பற்றி தொடர்ந்து காணலாம்.
மேலும் படிக்க | எருமைகள் மீது நாயின் சூப்பர் சவாரி.. சொக்கிப்போன நெட்டிசன்ஸ்: வேற லெவல் வைரல் விடியோ
ரன்னிங்கில் இறங்கி அசத்தும் நாய்
ரயிலில் பயணிக்கும் நாய் ரயில் நிலையம் வருவதை கண்டு இறங்க தயாராகிறது. ஸ்டேஷன் வந்தவுடன் நாய் எப்படி இறங்கும் என்பதை காண காத்திருக்கும் நமக்கு ஒரு பெரிய ஆச்சரியம் காத்திருக்கின்றது. ரயில் நிலையம் வந்து ரயில் நிற்பதற்கு முன்னரே அந்த நாய் ரன்னிங்கில் இறங்குகிறது.
ரயில் நிலையத்தை அடைந்தவுடன் ஓடும் ரயிலில் இருந்து நாய் குதித்தது
வைரலாகி வரும் இந்த வீடியோ மும்பை லோக்கல் ரயிலில் எடுக்கப்பட்ட வீடியோ ஆகும். ரயிலில் பயணிகள் சிலரே உள்ளனர். இதனால் நாய் மிக வசதியாக ரயிலில் இரு புறமும் சென்று வெளிப்புற காட்சிகளை வேடிக்கை பார்த்து அனுபவிக்கிறது. சிறிது நேரம் கழித்து, ரயில் நிலையம் வந்தவுடன், ரயில் நிற்பதற்கு முன்னதாகவே இந்த நாய் ரயிலில் இருந்து குதிக்கிறது. ஆனால், இங்கு நாய் பிசிக்ஸ் தத்துவத்தை பயன்படுத்தி அடிபடாமல் கீழே குதிக்கிறது. அதாவது அது கீழே குதித்தவுடன் அப்படியே நின்றுவிடாமல், ரயிலின் திசையிலேயே சிறிது நேரம் ஓடுகிறது. பின்னர் அது சாதாரணமாக நடக்கத் தொடங்குகிறது. இந்த வழியில் அது பாதுகாப்பாக ரன்னிங்கில் இறங்கி விடுகிறது.
ரன்னிங்கில் இறங்கும் நாயின் வீடியோவை இங்கே காணலாம்:
A pro -Mumbai- Lad- local train commuter - pic.twitter.com/J750FnqD0M
— Mother Earth (@yashonearth) July 26, 2023
வீடியோ இணையத்தில் வைரல் ஆனது
இதற்கு முன், மும்பை லோக்கல் ரயில்களில் நடக்கும் சண்டை வீடியோக்களையும், ரயிலில் இருந்து குதித்து சிலருக்கு விபத்து ஏற்பட்ட வீடியோக்களையும் நாம் பார்த்திருப்போம். ஆனால் இந்த வீடியோ மிக வித்தியாசமாகவும் அழகாகவும் உள்ளது. இருப்பினும் ஓடும் ரயிலில் இருந்து இறங்குவது ஆபத்தானது என்பதையும், ரயில் நின்ற பிறகுதான் இறங்க வேண்டும் என்பதையும் தெரிவித்துக்கொள்கிறோம். இந்த வீடியோ சமூக ஊடக தளமான ட்வுட்டரில் @yashonearth என்ற பக்கத்தில் பகிரப்பட்டுள்ளது. இதற்கு ஏகப்பட்ட வியூஸ்களும் லைக்குகளும் கிடைத்துள்ளன. இணையவாசிகள் இதற்கு பல வித கமெண்டுகளை அளித்து வருகிறார்கள்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
