நான்கு ஆண்டுகளுக்குப் பிறகு இந்திய அணி சுழற்பந்துவீச்சாளர் அஸ்வின் டி20 உலகக் கோப்பைக்கான அணியில் சேர்க்கப்பட்டுள்ளார். 34 வயதாகும் அஸ்வின் கடைசியாக 2017ஆம் ஆண்டு நடைபெற்ற மேற்கிந்திய தீவுகளுக்கு எதிரான போட்டியில் விளையாடினார். அதன் பிறகு இந்திய அணி இடம் பெறாமல் இருந்து வந்தார். ஐபிஎல் போட்டிகளில் தனது திறமையை வெளிப்படுத்திய அஸ்வின் இந்திய டெஸ்ட் அணியில் தொடர்ந்து விளையாடி வந்தார்.
இந்திய அணியில் அஸ்வின் சேர்க்கப்பட்டது குறித்து தலைமை தேர்வாளர் சேத்தன் சர்மா கூறுகையில், " தற்போது இந்திய அணிக்கு அஸ்வின் ஒரு முக்கியமான வீரர். ஐபிஎல் இல் சிறப்பாக விளையாடி வரும் அஸ்வினின் தேவை தற்போது இந்திய அணிக்கு உள்ளது. தற்போது இந்திய அணியில் இருக்கும் ஒரே ஆப் ஸ்பின்னர் அஸ்வின் தான்" என்று கூறினார்.
2018 மற்றும் 19 ஆம் ஆண்டு ஐபிஎல் போட்டியில் பஞ்சாப் அணியின் கேப்டனாக அஸ்வின் செயல்பட்டார். 2018 ஆம் ஆண்டு 10 விக்கெட்டுகள், 2019ஆம் ஆண்டு 15 விக்கெட்டுகள், 2020ஆம் ஆண்டு டெல்லி அணிக்காக 13 விக்கெட்டுகள் என தொடர்ந்து தனது திறமையை வெளிப்படுத்தி வருகிறார் அஸ்வின்.
இந்திய உலக கோப்பை அணியில் தேர்வான பின் அஸ்வின் உருக்கமான பதிவை தனது சமூக வலைதளத்தில் பகிர்ந்துள்ளார். " ஒவ்வொரு குகையின் இறுதியிலும் ஒரு வெளிச்சம் உண்டு. ஆனால், வெளிச்சத்தை நம்புவர்கள் மட்டுமே அதனைப் பார்க்க முடியும்" என்று தன் வீட்டு சுவரில் தான் எழுதி வைத்திருப்பதை பகிர்ந்து இந்திய அணியில் தேர்வானது மிகவும் மகிழ்ச்சியாக உள்ளதாக தெரிவித்தார். தற்போது இங்கிலாந்தில் இருக்கும் அஸ்வின் இங்கிலாந்துக்கு எதிரான இந்திய அணியில் சேர்க்கப்பட்டார். 5 போட்டிகள் கொண்ட டெஸ்ட் தொடரில் நான்கு போட்டிகளில் அஸ்வின் அணியில் இடம்பெறவில்லை. அதனால் கடைசி டெஸ்ட் போட்டியில் அஸ்வின் சேர்க்கப்படுவார் என்று அதிகம் எதிர்ப்பார்க்கப்படுகிறது.
ALSO READ உலக கோப்பை கிரிக்கெட்: 15 வீரர்களுக்கு மட்டுமே அனுமதி
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
முகநூலில் @ZeeHindustanTamil மற்றும் டிவிட்டரில் @ZHindustanTamil என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
