இந்திய அணியில் உம்ரான் மாலிக்? பிசிசிஐ யோசனை!

தென்னாப்பிரிக்கா, அயர்லாந்து மற்றும் இங்கிலாந்து தொடர்களுக்கு உம்ரான் மாலிக்கை தேர்வு செய்ய பிசிசிஐ ஆலோசித்து வருகிறது.

இந்திய கிரிக்கெட் கட்டுப்பாட்டு வாரியத்தின் (பிசிசிஐ) தேர்வாளர்கள், தென்னாப்பிரிக்கா, அயர்லாந்து மற்றும் இங்கிலாந்துக்கு எதிரான இந்தியாவின் வரவிருக்கும் தொடருக்கான அணிகளைத் தேர்ந்தெடுப்பதற்காக ஆலோசனை கூட்டம் நடைபெற்று வருகிறது.  இந்தியன் பிரீமியர் லீக்கில் (ஐபிஎல்) சன்ரைசர்ஸ் ஹைதராபாத் (SRH) அணிக்காக விளையாடும் ஜம்மு மற்றும் காஷ்மீர் எக்ஸ்பிரஸ் வேகப்பந்து வீச்சாளர் உம்ரான் மாலிக், தனது முதல் சீசனிலேயே அனைவரையும் கவர்ந்தார்.  வலது கை வேகப்பந்து வீச்சாளர் உம்ரான் மாலிக் 150 கிமீ வேகத்தில் தொடர்ந்து பந்து வீசும் திறனைக் கொண்டுள்ளார். 

மே 5 அன்று பிரபோர்ன் ஸ்டேடியத்தில் சன்ரைசர்ஸ் ஹைதராபாத் மற்றும் டெல்லி கேப்பிட்டல்ஸ் இடையே நடந்த போட்டியில் 157 கிமீ வேகத்தில் பந்து வீசினார்.  இதுவே இந்த சீசனில் அதிவேக பந்து ஆகும்.  உம்ரான் மாலிக் ஐபிஎல் 2022-ல் தொடர்ச்சியாக 13 முறை வேகமாக பந்து வீசியதற்கான செய்ததற்கான விருதை வென்றுள்ளார், மேலும் அவர் தனது 14வது விருதை கடைசி லீக் நிலை ஆட்டத்தில் வெல்வார் என்று எதிர்பார்க்கப்படுகிறது.  தற்போது, ​​உம்ரான் மாலிக் 13 ஆட்டங்களில் 21 விக்கெட்டுகளுடன் ஐபிஎல் 2022-ல் 5 வது அதிக விக்கெட் எடுத்தவர் ஆவார்.  உம்ரான் மாலிக்கை ஒருநாள் மற்றும் டி20 அணியில் சேர்ப்பதா அல்லது டெஸ்ட் கிரிக்கெட்டில் சேர்ப்பதா அல்லது அனைத்திலும் சேர்ப்பதா என்று சேத்தன் சர்மா தலைமையிலான தேர்வுக் குழு முடிவு செய்ய வேண்டும்.  

உம்ரானை இந்திய கிரிக்கெட்டின் அடுத்த பெரிய விஷயம் என்று பலர் நம்புவதால், இங்கிலாந்துக்கு எதிரான ஒரே ஒரு டெஸ்ட் போட்டியில் அவர் துருப்புச் சீட்டாக இருக்க வேண்டும் என்றும் விரும்புகின்றனர்.  இந்தியா மற்றும் தென்னாப்பிரிக்கா இடையிலான ஐந்து போட்டிகள் கொண்ட டி20 தொடர் ஜூன் 9 ஆம் தேதி டெல்லியில் தொடங்குகிறது, மீதமுள்ள ஆட்டங்கள் முறையே கட்டாக், விசாகப்பட்டினம், ராஜ்கோட் மற்றும் பெங்களூரில் நடைபெறும்.  இதற்கிடையில், கிரிக்கெட் தென்னாப்பிரிக்கா (CSA) இந்தியாவுக்கு எதிரான தொடருக்கான வலுவான அணியைத் தேர்ந்தெடுத்துள்ளது, இப்போது BCCI தேர்வாளர்கள் வலுவான அணியை களமிறக்க வேண்டும். இருப்பினும், இந்த ஆண்டு இறுதியில் ஆஸ்திரேலியாவில் நடைபெறும் ஐசிசி ஆண்கள் டி20 உலகக் கோப்பை தொடருக்காக பிசிசிஐ அணியை வலுப்படுத்த திட்டமிட்டுள்ளது.   

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.

முகநூலில் @ZEETamilNews, டிவிட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியை பதிவிறக்குங்கள்!!

Android Link - https://bit.ly/3hDyh4G

Apple Link - https://apple.co/3loQYeR