ரஜினிகாந்த் டிஸ்சார்ஜ்: சமீபத்தில் காவேரி மருத்துவமனையில் அனுமதிக்கப்பட்ட சூப்பர் ஸ்டார் ரஜினிகாந்த் வெற்றிகரமாக சிகிச்சை முடிந்து பெற்றார் வீடு திரும்பினார் (Rajini Returned home). நேற்று (ஞாயிற்றுக்கிழமை) காவேரி மருத்துவமனையில் இருந்து சூப்பர் ஸ்டார் டிஸ்சார்ஜ் செய்யப்பட்டார்.
தென்னிந்திய சூப்பர் ஸ்டார் ரஜினிகாந்த், வழக்கமான பரிசோதனைக்காக காவேரி மருத்துவமனையில் கடந்த வியாழக்கிழமை மாலை அனுமதிக்கப்பட்டார். இதனையடுத்து ரசிகர்கள் மத்தியில் பெரும் பரபரப்பு ஏற்பட்டது. தலைவரின் உடல்நிலை (Rajinikanth Health) குறித்து அறிந்துக்கொள்ள சமூக வலைத்தளங்களில் ரசிகர்கள் கேள்வி எழுப்பினர். அதன்பிறகு அவரது மனைவி லதா ரஜினிகாந்த் தரப்பில் இருந்து, "முழு உடல் பரிசோதனைக்காக ரஜினிகாந்த் மருத்துவமனைக்கு சென்றுள்ளார். ஒரு நாள் மருத்துவமனையில் இருந்து பரிசோதனை மேற்கொள்வார். ரஜினிகாந்த் நலமுடன் இருப்பதாக விளக்கம் அளிக்கப்பட்டது.
நாடு முழுவதும் உள்ள ரசிகர்கள் அவர் குணமடைய பிரார்த்தனை செய்தனர். இந்நிலையில், ரஜினிகாந்த் அவர்களுக்கு மூளைக்குச் செல்லும் ரத்தக் குழாயில் அடைப்பு ஏற்பட்டிருந்ததாகவும், அறுவை சிகிச்சை மூலம் அந்த அடைப்பு அகற்றப்பட்டதாகவும், தற்போது அவர் உடல்நலத்துடன் உள்ளார் என்று காவேரி மருத்துவமனை (Kauvery Hospital) தரப்பில் இருந்து விளக்கம் அளிக்கப்பட்டது.
ALSO READ | பேரன்களுடன் அண்ணாத்த திரைப்படத்தை பார்த்த ரஜினிகாந்த்
PTI இன் அறிக்கையின்படி, மூளைக்கு செல்லும் இரத்த குழாய் அடைப்பு அறுவை சிகிச்சையைத் தொடர்ந்து சூப்பர் ஸ்டார் ஞாயிற்றுக்கிழமை இரவு மருத்துவமனையில் இருந்து டிஸ்சார்ஜ் செய்யப்பட்டார். இது தொடர்பாக Hoote தளத்தில் நடிகர் ரஜினிகாந்த் வெளியிட்டுள்ள ஆடியோ பதிவில், "சிகிச்சை முடிந்தது. நலமாக உள்ளான். இன்று இரவு தான் நான் வீடு திரும்பினேன். எனக்காக பிரார்த்தனை செய்த அனைத்து ரசிகர் பெருமக்களுக்கும் நன்றியைத் தெரிவித்துக் கொள்கிறேன். அதேபோல எனது நண்பர்களுக்கும் நன்றியைத் தெரிவித்துக் கொள்கிறேன்" என்று ஆடியோ கூறியுள்ளார்.
தர்பார் படத்திற்கு பிறகு சிறுத்தை சிவா இயக்கத்தில் ரஜினிகாந்த், நயன்தாரா, கீர்த்தி சுரேஷ், குஷ்பு, மீனா என நடிகர் பட்டாளமே நடித்திருக்கும் திரைப்படமான "அண்ணாத்த" (Annaatthe) தீபாவளி பண்டிகை முன்னிட்டு நவம்பர் 4 ஆம் தேதி உலகம் முழுவதும் திரைக்கு வருகிறது. டிக்கெட் முன்பதிவு தொடங்கியுள்ளது. இந்த தீபாவளி "தலைவர் தீபாவளி" என்று அவரது ரசிகர்கள் கொண்டாடி வருகின்றனர்.
ALSO READ | ரஜினிகாந்த் மருத்துவமனையில் அனுமதி! விளக்கம் அளித்த லதா ரஜினிகாந்த்!
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக ஊடகங்களில் எங்களை பின்தொடருங்கள்.
முகநூலில் @ZeeHindustanTamil மற்றும் டிவிட்டரில் @ZHindustanTamil என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூகம், வேலைவாய்ப்பு என உள்ளூர் முதல் உலகம் முழுவதும் அனைத்து வகையான செய்திகளையும் தமிழில் வாசிக்க, ஜீ இந்துஸ்தான் செயலியை பதிவிறக்குங்கள்.
Android Link: https://bit.ly/3hDyh4G
Apple Link: https://apple.co/3loQYeR
