இனி இந்தி தெரியாவிட்டாலும் பிரச்னை இல்லை... போன் காலிலேயே உடனடியாக மொழிமாற்றம்!

Samsung Galaxy AI: இனி நீங்கள் மொழி தெரியாதவர்களுடனும் எளிதாக பேசும் வகையில், உங்கள் மொபைல் கால்களை உடனடியாக மொழிமாற்றம் செய்து எதிரில் இருப்பவர்களுக்கும் புரிய வைக்க AI தொழில்நுட்பம் வர உள்ளது.

Samsung Galaxy AI: செயற்கை நுண்ணறிவு என்ற AI தொழில்நுட்பம்தான் அறிவியல் யுகத்தில் அடுத்த பாய்ச்சலாக பார்க்கப்படுகிறது. தற்போது AI பல்வேறு துறைகளில் தனது காலை ஆழமாக பதித்து வரும் நிலையில், இதை நோக்கிய செயல்பாடுகளே உலகெங்கும் உள்ளது. இதன் மூலம் பல சமூக தீங்கான செயல்பாடுகளும் நடைபெறுகிறது என்றாலும் தகவல் தொழில்நுட்பம், மருத்துவம் போன்ற மக்களுக்கு பெரும் பலன்களையும் அளிக்கிறது. 

அந்த வகையில், சாம்சங் சமீபத்தில் அதன் Galaxy AI தொழில்நுட்பத்தை அறிவித்தது. மைக்ரோசாப்ட் மற்றும் கூகுள் போன்ற தொழில் பங்குதாரர்களுடன் இணைந்து இந்த AI தளம் உருவாக்கப்பட்டுள்ளது என்று சாம்சங் நிறுவனம் கூறியுள்ளது. Galaxy AI ஆனது அன்றாட வாழ்வில் ஸ்மார்ட்போன்களின் பயன்பாட்டை மேம்படுத்த வடிவமைக்கப்பட்டுள்ளது. அதே நேரத்தில் வாடிக்கையாளரின் தனியுரிமை மற்றும் பாதுகாப்பிற்கு முன்னுரிமை அளிக்கிறது.

Galaxy AI உடன் கிடைக்கும் சில புதிய அம்சங்களையும் சாம்சங் அறிவித்துள்ளது. இவற்றில் ஒன்று AI லைவ் டிரான்ஸ்லேட் கால் (AI Live Translate Call) அம்சமாகும். இது சமீபத்திய சாம்சங் போன்களின் ஒரு பகுதியாக இருக்கும் என்றும் தெரிவிக்கப்பட்டுள்ளது. இந்த அம்சம் நீங்கள் ஆடியோ அழைப்புகளின் பேசும்போது, உங்களுக்கு வேற்று மொழியில் அதை மொழிபெயர்ப்பு செய்யும் வசதியை வழங்குகிறது. அதாவது, நீங்கள் இனி ஹிந்தி தெரியாவிட்டாலும் ஹிந்தி பேசும் மக்களுடன் மகிழ்ச்சியாக எந்த இடையூறுமின்றி போன் பேசலாம். இந்த அம்சத்தின் வெளியீட்டு தேதியை சாம்சங் இன்னும் அறிவிக்கவில்லை, ஆனால் இந்த அம்சம் Galaxy S24 தொடருடன் அறிமுகப்படுத்தப்படலாம். 

அடுத்தாண்டு முதல்...

சாம்சங் அதன் Galaxy AI இயங்குதளத்தை 2024ஆம் ஆண்டின் தொடக்கத்தில் அறிமுகப்படுத்தும் என்பதை உறுதிப்படுத்தியுள்ளது. இதன் காரணமாக, Galaxy S24 தொடர் இந்த தளத்துடன் வரும் முதல் தொடராக இருக்க வாய்ப்பு உள்ளதாக தெரிகிறது. வரும் ஜனவரி 17ஆம் தேதி சாம்சங் Galaxy S24 தொடரை அறிமுகப்படுத்தலாம் என்றும் சமீபத்தில் தகவல்கள் வெளியாகின. Snapdragon 8 Generation 3 அல்லது Exynos 2400 பிராஸஸர் S24 சீரிஸில் இணைக்கப்படலாம். 

மற்ற நிறுவனங்களின் முயற்சி

AI மூலம் இயங்கும் ஸ்மார்ட்போன் நிறுவனங்களில் சாம்சங் மட்டுமில்லாமல் பல நிறுவனங்கள் செயல்படுகின்றன. மற்ற பெரிய தொழில்நுட்ப பிராண்டுகளைத் தேர்ந்தெடுக்கவும், அவற்றின் சொந்த AI மாடல்களை உருவாக்குகின்றன. 2024ஆம் ஆண்டில், பல பிராண்டுகள் AI தொழில்நுட்பம் மற்றும் அதன் உருவாக்கும் கருவிகளை பெரிய அளவில் தங்கள் மொபைல்களில் இணைக்க வாய்ப்புள்ளது. பயனர்களுக்கு ஏற்கனவே பல கருவிகளைப் பயன்படுத்த விருப்பம் உள்ளது, மேலும் கேமராக்களிலும் பல AI முறைகள் உள்ளன.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!