சாம்சங் கேலக்ஸி ஏ14 5ஜி: இந்தியாவின் முன்னணி 5ஜி ஸ்மார்ட்போன் இப்போது ரூ.13,499 முதல்

Samsung Galaxy A14 5G pricing; விற்பனையில் கோலோச்சிக் கொண்டிருக்கும் சாம்சங் நிறுவனத்தின் கேலக்ஸி ஏ14 5ஜி ஸ்மார்ட்போன் ரூ.1000 கேஷ்பேக் சலுகையுடன்13,499 ரூபாய் முதல் விற்பனைக்கு கிடைக்கிறது.

சாம்சங் கேலக்ஸி ஏ14 5ஜி ஸ்மார்ட்போன்

சாம்சங் நிறுவனத்தின் கேலக்ஸி ஏ14 5ஜி (Samsung Galaxy A14 5G) ஸ்மார்ட்போன் இந்தியாவில் அதிகம் விற்பனையாகும் 5ஜி ஸ்மார்ட்போனாக உள்ளது. இந்த ஸ்மார்ட்போன் அதன் சிறந்த விலை, 5ஜி இணைப்பிற்கும் பெயர் பெற்றது. இந்த நிலையில், சாம்சங் நிறுவனம் அதன் கேலக்ஸி ஏ14 5ஜி ஸ்மார்ட்போனின் மீது ரூ.1,000 கேஷ்பேக் சலுகையை அறிவித்துள்ளது. இந்த சலுகை மூலம், சாம்சங் கேலக்ஸி ஏ14 5ஜி ஸ்மார்ட்போனின் 4ஜிபி ரேம் + 64ஜிபி ஸ்டோரேஜ் ஆப்ஷன் ரூ.16,499க்கு பதிலாக ரூ.13,499க்கு கிடைக்கும்.

சாம்சங் கேலக்ஸி ஏ14 5ஜி: சலுகை எப்போது வரை?

இதேபோல, 6ஜிபி ரேம் + 128ஜிபி ஸ்டோரேஜ் ஆப்ஷன் ரூ.17,499க்கு பதிலாக ரூ.15,499க்கு கிடைக்கும். மேலும், 8ஜிபி ரேம் + 256ஜிபி ஸ்டோரேஜ் ஆப்ஷன் ரூ.18,499க்கு பதிலாக ரூ.16,499க்கு கிடைக்கும். இந்த சலுகை ஆக்சிஸ் பேங்க் கிரெடிட் கார்டு மூலம் பெற முடியும். இந்த சலுகை டிசம்பர் 31, 2023 வரை மட்டுமே செல்லுபடியாகும்.

சாம்சங் கேலக்ஸி ஏ14 5ஜி ஸ்மார்ட்போனின் அம்சங்கள்

சாம்சங் கேலக்ஸி ஏ14 5ஜி ஸ்மார்ட்போன் (Samsung Galaxy) ஆண்ட்ராய்டு 13 ஓஎஸ் அடிப்படையிலான ஒன் யுஐ 5.0 இயங்குதளத்தில் இயங்குகிறது. இந்த ஸ்மார்ட்போனில் 6.6-இன்ச் எல்சிடி டிஸ்பிளே உள்ளது. இந்த டிஸ்பிளே 90Hz ரெஃப்ரெஷ் ரேட்டை கொண்டுள்ளது. இந்த ஸ்மார்ட்போனில் ஆக்டா கோர் மீடியாடெக் டைமன்சிட்டி 700 சிப்செட் உள்ளது. இந்த சிப்செட்டுடன் 4ஜிபி/6ஜிபி/8ஜிபி ரேம் மற்றும் 64ஜிபி/128ஜிபி/256ஜிபி இன்டர்னல் ஸ்டோரேஜ் இணைக்கப்பட்டுள்ளது.

சாம்சங் கேலக்ஸி கேமரா

கேமராக்களை பொறுத்தவரை, சாம்சங் கேலக்ஸி ஏ14 5ஜி ஸ்மார்ட்போனில் ட்ரிபிள் ரியர் கேமரா செட்டப் உள்ளது. இந்த கேமரா செட்டப்பில் 50 மெகாபிக்சல் மெயின் கேமரா, 2 மெகாபிக்சல் மேக்ரோ கேமரா மற்றும் 2 மெகாபிக்சல் டெப்த் கேமரா உள்ளன. முன்பக்கத்தில் 13 மெகாபிக்சல் செல்பி கேமரா உள்ளது. இந்த ஸ்மார்ட்போனில் 5000mAh பேட்டரி உள்ளது. இந்த பேட்டரி 15W ஃபாஸ்ட் சார்ஜிங்கை ஆதரிக்கிறது.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!