டொயோட்டா கிர்லோஸ்கர் கார் தனது புதிய காம்பாக்ட் SUV Toyota Urban Cruiser HyRyder-ஐ அறிமுகப்படுத்தியுள்ளது. மற்ற எஸ்யூவிகளை ஓட்டுவதற்கு ஒரு மாதத்தில் பெட்ரோலுக்கு 4,000 ரூபாய் செலவழித்தால், இந்த காரில் இந்த செலவு சுமார் 2,500 ரூபாய் மட்டுமே ஆகும் என நிறுவனம் கூறுகிறது. அந்த நிறுவனத்தின் 5 ஸ்பெஷலான விஷயங்களை தெரிந்து கொள்ளுங்கள்.
ஹைப்ரிட் கார்
புதிய டொயோட்டா அர்பன் குரூஸர் ஹைரைடர் ஒரு ஹைபிரிட் கார் ஆகும். இதில் 1.5 லிட்டர் பெட்ரோல் எஞ்சின் உள்ளது. மேலும், டொயோட்டாவின் ஹைப்ரிட் தொழில்நுட்பம் இதில் சேர்க்கப்பட்டுள்ளது. அதாவது சுயமாக சார்ஜ் செய்யும் மோட்டாரும் இதனுடன் இணைக்கப்பட்டுள்ளது. இவ்வாறு, இந்த கார் இயங்கும் போது, அதில் உள்ள மின் மோட்டார் காருக்கு உடனடி முறுக்குவிசையை அளிக்கிறது. மறுபுறம், ஆக்சிலேட்டரை மிதித்தவுடன் பெட்ரோல் இன்ஜின் கூடுதல் ஆற்றலைத் தருகிறது. எனவே இவை இரண்டும் இணைந்து இந்த காருக்கு அதி வேகத்தை கொடுக்கிறது.
மேலும் படிக்க | மாருதி பிரெஸ்ஸாவுக்கு டஃப் கொடுக்கும் ஹூண்டாய், கியா! விலை மற்றும் முழு விவரம் இதோ
காரின் மின்சார பேட்டரி
பெட்ரோல் எஞ்சின் மற்றும் மின்சார மோட்டார் ஆகியவற்றின் காரணமாக இந்த சிறிய SUV, பயணத்தின் 60%-க்கும் அதிகமான நேரத்திற்கு மட்டுமே மின்சார பேட்டரியில் இருந்து சக்தியைப் பெறுகிறது. இது கார்பன் வெளியேற்றத்தை குறைத்து காருக்கு அதிக மைலேஜ் தருகிறது. அதே நேரத்தில், இந்த தொழில்நுட்பத்துடன் கூடிய காரின் பராமரிப்பு மற்ற சாதாரண கார்களைப் போலவே உள்ளது.
பிரேக்கிங் மூலம் பேட்டரி சார்ஜ்
பெரும்பாலான கார்களில் உள்ள மின்சார பேட்டரி பெட்ரோல் எஞ்சின் மூலம் சார்ஜ் செய்யப்படுகிறது. அதேசமயம் எலக்ட்ரிக் கார்களில் பேட்டரியை தனியாக சார்ஜ் செய்ய வேண்டும். டொயோட்டா ஹைரைடரில் நீங்கள் சுயமாக சார்ஜ் செய்யும் பேட்டரியைப் பெறுவீர்கள். இந்த காரில் ரீஜெனரேட்டிவ் பிரேக்கிங் உள்ளது. இதுபோன்ற சூழ்நிலையில், இந்த காரின் பிரேக் போடும் போதெல்லாம், காரில் பொருத்தப்பட்டுள்ள ஜெனரேட்டர் அதன் பேட்டரியை சார்ஜ் செய்கிறது.
சத்தம் இல்லாத இந்த கார்
புதிய டொயோட்டா ஹைரைடர் பயணத்தின் போது பெரும்பாலான நேரங்களில் மின்சார பயன்முறையில் மட்டுமே இயங்குகிறது. அத்தகைய சூழ்நிலையில், இந்த கார் எஞ்சினிலிருந்து வரும் சத்தத்தையும் வெகுவாகக் குறைக்கிறது. அதாவது, டிரைவர் நீண்ட நேரம் அமைதியாக வாகனம் ஓட்டலாம்.
குறைந்த பெட்ரோல் செலவு
புதிய Toyota Urban Cruiser HyRyder வழக்கமான கார்களுடன் ஒப்பிடும்போது பெட்ரோல் பயன்பாட்டை 40% குறைக்கிறது என்று நிறுவனம் கூறுகிறது. அதாவது இந்த கார் உங்கள் பெட்ரோல் விலையை 40% வரை குறைக்கிறது. இப்படிப்பட்ட சூழ்நிலையில், ஒரு மாதத்தில் பெட்ரோலுக்கு மற்ற கார்கள் 4,000 ரூபாய் செலவழித்தால், இந்த காரில் இந்த செலவு வெறும் 2,400 ரூபாயாக இருக்கும்.
குறைந்த விலையில் முன்பதிவு
டொயோட்டா அர்பன் க்ரூஸர் ஹைரைடரின் விலையை நிறுவனம் இன்னும் வெளியிடவில்லை. ஆனால் முன்பதிவு தொடங்கியுள்ளது. முன்பதிவுக்காக 25,000 ரூபாய் மட்டுமே செலுத்தினால் போதும். சந்தையில் இந்த கார், கியா செல்டோஸ், ஸ்கோடா குஷாக் மற்றும் ஹூண்டாய் க்ரெட்டாவுக்கு கடும் போட்டியை ஏற்படுத்தும்.
மேலும் படிக்க | நம்ப முடியுதா? 7.99 லட்சத்தில் SUV கார். மாருதி சுசுகி நிறுவனம் அசத்தல் ரிலீஸ்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
