தமிழக அரசு News

நீர் சேமிப்பு திட்டங்களில் தமிழக அரசு கவனம் செலுத்தாதது ஏன் என்று சுப்ரீம் கோர்ட் கேள்வி எழுப்பியுள்ளது. காவிரி நீர்ப்பங்கீடு தொடர்பான வழக்கு விசாரணை சுப்ரீம் கோர்டில் இன்று நடைபெற்றது. அதில் தமிழக அரசு சார்பில் ஆஜரான வழக்கறிஞர், தமிழகத்தில் பருவ மழை பொய்த்ததால், போதிய நீரின்றி விவசாயம் பாதிக்கப்பட்டுள்ளது. நிலத்தடி நீரில் உப்பு கலந்து காணப்படுவதால், அதையும் பயன்படுத்த இயலாத சூழல் நிலவுவதாக குறிப்பிட்டார். மேலும் கர்நாடகா தர வேண்டிய காவிரி நீரும், அவர்கள் செய்யும் தவறான சாகுபடியால் வீணடிக்கப்பட்டு கிடைப்பதில்லை என்று கூறினார்.

தமிழக அரசு துறையில் பணிபுரிவதற்கு, தமிழ்நாடு அரசுப் பணியாளர் தேர்வாணையம் நடத்தும் டிஎன்பிஎஸ்சி தேர்வில் தேர்ச்சி அடைவது அவசியம் ஆகும். அதன்படி குரூப் 2ஏ தேர்வு இன்று தமிழகம் முழுவதும் நடைபெறுகிறது.  தமிழ்நாடு முழுவதும் 2,536 மையங்களில் இந்த தேர்வு நடைபெறுகிறது. மொத்தம் 1,953 காலி பணியிடங்களுக்கு 7.5 லட்சத்திற்கும் மேற்பட்டோர் தேர்வில் பங்கேற்கின்றனர். முன்னதாக கடந்த 5-ம் தேதி அரசு ஊழியர்கள் மற்றும் ஆசிரியர்கள் தேர்வு பணியில் ஈடுபட போவதில்லை என்று பேரணி நடத்தினர். எனினும், தற்போது குரூப் 2ஏ தேர்வுகள் சச்சரவின்றி நடந்துவருவது குறிப்பிடத்தக்கது.

விஜயபாஸ்கர் தனது அமைச்சர் பதவியை ராஜினாமா செய்துவிட்டு,  வழக்குகளை எதிர்கொள்ள வேண்டும் என திமுக செயல் தலைவர் மு.க. ஸ்டாலின் கூறியுள்ளார்/ குட்கா விற்பனை செய்ய அனுமதி தந்ததில் லஞ்சம் பெற்றதாக சுகாதாரத்துறை அமைச்சர் விஜய பாஸ்கர் மீது குற்றம் சாட்டப்பட்டுள்ளது. இந்நிலையில், குட்கா பிரச்சனையை நான் சட்டரீதியாக சந்திப்பேன், நான் எந்த தவறும் செய்யவில்லை என்பதை விரைவில் நிரூபிப்பேன் என்று சுகாதாரத்துறை அமைச்சர் விஜயபாஸ்கர் கூறினார்.

இலங்கை சிறையில் இருந்து விடுதலை செய்யப்பட்ட 77 தமிழக மீனவர்கள் இன்று தாயகம் திரும்புகிறார்கள். இலங்கை சிறையில் அடைக்கப்பட்டிருந்த 77 தமிழக மீனவர்களை நேற்று இலங்கை அரசு விடுதலை செய்தது. விடுதலை செய்யப்பட்ட தமிழக மீனவர்கள் இன்று தாயகம் திரும்புவார்கள் என எதிர் பார்க்கப்படுகிறது.

குடும்ப அட்டைதாரர்களுக்கு பொதுவினியோகத் திட்ட சலுகைகள் தொடர்ந்து கிடைப்பதை தமிழக அரசு உறுதி செய்ய வேண்டும் என பா.ம.க நிறுவனர் டாக்டர் ராமதாஸ் கூறியுள்ளார். இதைக்குறித்து அவர் வெளியிட்டுள்ள அறிக்கையில் கூறியதாவது:-

சென்னை மாநகர மக்களின் குடிநீர் பிரச்னையைப் போக்க, கிருஷ்ணா நதி நீர் விவகாரத்தில் ஆந்திர முதல்வரை சந்தித்து உடனடியாக நடவடிக்கை எடுக்க வேண்டும் என திமுக செயல் தலைவர் மு.க.ஸ்டாலின் கூறியுள்ளார். அதைக்குறித்து சமூக வலைத்தளத்தில் அவர் வெளியிட்டுள்ள அறிக்கையில் கூறியதாவது:-

தமிழ்நாட்டை முற்றிலுமாக அழித்து நாசப்படுத்தும் பெட்ரோலிய முதலீட்டு மண்டலம் ஒப்பந்தத்தை உடனடியாக திரும்பப் பெறவேண்டும் என மதிமுக பொதுச்செயலாளர் வைகோ கூறியுள்ளார். அதைக்குறித்து அவர் இன்று வெளியிட்டுள்ள அறிக்கையில் கூறியதாவது:-

தமிழகத்துக்கு நீட் தேர்வில் விலக்கு அளிக்க கோரி தமிழக அமைச்சர்கள் இன்று பிரதமர் மற்றும் மத்திய அமைச்சர்களை சந்தித்து பேசினார்கள்.  பிறகு செய்தியாளர்களை சந்தித்த நாடாளுமன்ற துணை சபாநாயகர் தம்பிதுரை கூறியது,  நீட் தேர்வில் இருந்து தமிழகத்துக்கு விலக்கு அளிக்கப்படுமா? என்பது குறித்து தற்போது உறுதியாக கூறமுடியாது. தமிழக சட்டப் பேரவையில் நிறைவேற்றப்பட்ட நீட் தேர்வு விலக்கு சட்ட மசோதாவுக்கு ஜனாதிபதியின் ஒப்புதலை பெற்றுத்தர பிதரமரிடம் வலியுறுத்தப்பட்டது. அவர் சம்பந்தப்பட்ட அதிகாரிகளிடம் ஆலோசனை நடத்துவதாக கூறினார்.

பகுதி நேர ஆசிரியர்களுக்கு ஊதிய உயர்வு வழங்காத தமிழக அரசை கண்டித்து தேமுதிக தலைவர் விஜயகாந்த் நேற்று அறிக்கை ஒன்றை வெளியிட்டார்.  அதில் கூறியதாவது:-  தமிழகம் முழுவதும் கடந்த 2012ம் ஆண்டு 16,549 பகுதி நேர ஆசிரியர்கள் நியமனம் செய்யப்பட்டனர். தற்போது 15,169 பகுதி நேர ஆசிரியர்கள் மட்டுமே பணியாற்றி வருகின்றனர். இவர்களுக்கு மத்திய அரசு 65 சதவிதமும், மாநில அரசு 35 சதவிகிதமும் ஊதியம் வழங்கவேண்டும். 

தமிழக மீனவர்களுக்கு எதிராக இலங்கை அரசு கொண்டு வர இருக்கும் அநீதியான சட்டத்தை திரும்பப் பெற அழுத்தம் தர வேண்டும் என்று மத்திய அரசை மதிமுக பொதுச்செயலாளர் வைகோ வலியுறுத்தி உள்ளார். அதைக்குறித்து அவர் வெளியிட்டுள்ள அறிக்கையில் கூறியதாவது:-

சென்னை உயர் நீதிமன்றத்தில், மாநில தேர்தல் கமிஷன் சார்பில் உள்ளாட்சித் தேர்தல் குறித்து பதில் மனு தாக்கல் செய்யப்பட்டது.  கடந்த ஆண்டு அக்டோபர் மாதம் நடக்க இருந்த உள்ளாட்சி தேர்தலை சென்னை உயர்நீதிமன்றம் ரத்து செய்தது. இதனால் உள்ளாட்சி அமைப்புகளுக்கு தனி அதிகாரிகளை தமிழக அரசு ஜூன் 30-ம் வரை நியமித்தது. இவர்களின் பதவிகாலம் முடிவடைந்த நிலையில், மேலும் இவர்களின் பதவி காலத்தை தமிழக அரசு நீட்டித்தது. 

பிரதம மந்திரியின் அனைவருக்கும் வீட்டு வசதித் திட்டத்திற்கு, மாநில அரசின் சார்பில் ரூ 2,007 கோடியே 53 லட்சம் மானியமாக வழங்கப்படும் என தமிழக முதல்-அமைச்சர் எடப்பாடி பழனிசாமி இன்று சட்டப்பேரவையில் விதி எண் 110-ன் கீழ் அறிவித்தார். இதைக்குறித்து அவர் கூறியதாவது:- தமிழ்நாட்டை குடிசைகளற்ற மாநிலமாக உருவாக்க முன்னாள் முதல்வர் ஜெயலலிதா கடந்த 6 ஆண்டுகளாக பல்வேறு வீட்டுவசதி திட்டங்களை தமிழ்நாட்டு மக்களுக்கு வழங்கியுள்ளார். அந்த வழியில் பின்வரும் புதிய திட்டங்களை மாநில அரசு செயல்படுத்தும் என்பதை தெரிவித்துக் கொள்கிறேன்.

தமிழகத்தில் அனைத்து விவசாயிகளின் வேளாண் கடன்களை தள்ளுபடி செய்து உயர் நீதிமன்றம் விதித்த உத்தரவுக்கு உச்ச நீதிமன்றம் இடைக்கால தடை விதித்துள்ளது. கடந்த 2016-ம் ஆண்டு ஜூன் மாதம் 28-ம் தேதி, தமிழகம் முழுவதும் வேளாண்மை கூட்டுறவு வங்கிகளில் 5 ஏக்கர் வரை நிலம் வைத்திருக்கும் சிறு, குறு மற்றும் நடுத்தர விவசாயிகள் பெற்ற பயிர்க் கடன்களை தள்ளுபடி செய்து தமிழக அரசு அரசாணை வெளியிட்டது.

வருமான வரித்துறை, சிபிஐ, அமலாக்கத்துறை ஆகியவற்றுக்கு அஞ்சி, மத்திய அரசின் காலில் விழுந்து லாலி பாடும் நிலையில் தமிழக அரசு செயல் படுகிறது என திமுக செயல் தலைவர் மு.க ஸ்டாலின் கூறியுள்ளார். அவர் கூறியதாவது:- மத்திய அரசு கொண்டு வந்துள்ள மாட்டிறைச்சி தடைச் சட்டத்தை ரத்து செய்ய வேண்டும், அதற்கு தமிழக சட்டமன்றத்தில் தனித்தீர்மானம் ஒன்றை நிறைவேற்ற வேண்டும் என்று சட்டசபை தொடங்கிய நாளன்றே, நான் சபாநாயகர் அவர்களின் கடிதம் கொடுத்திருந்தேன். 

ஆர்.கே.நகர் பணப்பட்டுவாடா விவகாரம் தொடர்பாக கவன ஈர்ப்பு தீர்மானம் கொண்டுவர அனுமதி மறுக்கப்பட்டதால் திமுக உறுப்பினர்கள் வெளிநடப்பு செய்தனர்.

அண்டை மாநிலங்களில் ஆற்று நீர் தடுக்கப்படுவதை கண்காணிக்க “நதி நீர் பாதுகாப்பு கமிட்டி” ஒன்றை தமிழக அரசு அமைக்க வேண்டும் என திமுக கழக செயல் தலைவர் மு.க.ஸ்டாலின் கூறியுள்ளார். அதைக்குறித்து அவர் வெளியிட்டுள்ள அறிக்கை கூறியிருப்பதாவது:-

சென்னை தலைமைச் செயலகத்தில் தமிழக சட்டப்பேரவை கூட்டத் தொடர் இரண்டாவது நாளாக இன்று கூடியது. பள்ளிக் கல்வி, உயர் கல்வி, இளைஞர் நலன், விளையாட்டு மேம்பாட்டுத்துறை குறித்த மானியக் கோரிக்கைகள் மீதான விவாதம் நடைபெறுகிறது. தமிழக சட்டப்பேரவையில் இன்று திமுக உறுப்பினர் தங்கம் தென்னரசு, நீட் தேர்வில் அரசின் கொள்கை என்ன என்று கேள்வி எழுப்பினார். இதற்கு பதில் அளித்த சுகாதாரத்துறை அமைச்சர் விஜயபாஸ்கர், ஜெயலலிதாவின் கொள்கையில் எந்த மாற்றமும் இல்லை. 

தனியார் பால் கலப்படம் தொடர்பாக அமைச்சர் ராஜேந்திர பாலாஜி தெரிவித்த தகவலின் அடிப்படையில், சென்னை ஐகோர்ட்டில் பொதுநல மனு தாக்கல் செய்யப்பட்டது. இந்த மனுவை விசாரித்த சென்னை ஐகோர்ட் பால் கலப்பட விவகாரம் தொடர்பாக, தமிழக அரசு 2 வாரத்திற்குள் பதிலளிக்க வேண்டும் என உத்தரவிட்டுள்ளது.  இந்த பதிலை அறிக்கையாக தாக்கல் செய்யவும் உத்தரவிடப்பட்டுள்ளது. மேலும் பால் கலப்படத்தை தடுக்க இதுவரை எடுக்கப்பட்ட நடவடிக்கைகள் என்னென்ன எனவும் தமிழக அரசு கேள்வி எழுப்பி உள்ளது. இவ்வழக்கில் அடுத்த விசாரணை வாரும் ஜூன் 19-ம் தேதிக்கு ஒத்திவைக்கப்பட்டுள்ளது.

மாற்றுத்திறனாளிகளுக்கான அரசு பணியிடங்களின் இடஒதுக்கீட்டை 3 சதவீதத்திலிருந்து 4 சதவீதமாக உயர்த்தி தமிழக முதல்வர் எடப்பாடி பழனிசாமி உத்தரவிட்டுள்ளார். இதைக்குறித்து தமிழக அரசு சார்பில் வெளியிட்டுள்ள அறிவிப்பில் கூறி இருப்பதாவது:- மாற்றுத் திறனாளிகளை அரசு பணியிடங்களில் பணி அமர்த்துவதில் இந்தியாவிலேயே தமிழ்நாடு முன்னோடி மாநிலமாக திகழ்ந்து வருகிறது.

போக்குவரத்து ஊழியர்களின் வேலைநிறுத்தப் போராட்டம் வாபஸ் பெறப்பட்டதை அடுத்து தமிழகம் முழுவதும் பேருந்துகள் வழக்கம் போல் இயக்கப்படு வருவதால் இயல்பு நிலை திரும்பி வருகிறது.  13_வது ஓய்வூதிய ஒப்பந்தத்தை ஏற்படுத்த வேண்டும், ஓய்வு பெற்ற போக்குவரத்து தொழிலாளர்களுக்கு அவர்களின் நிலுவைத் தொகையை கணக்கிட்டு வழங்கிட வேண்டும், போக்குவரத்து துறையில் ஏற்பட்டு இருக்கும் நஷ்டத்துக்கு அரசே பொறுப்பேற்று அதனை ஈடுசெய்ய வேண்டும் உள்பட 7 அம்ச கோரிக்கைகளை வலியுறுத்தி போக்குவரத்து துறை நிர்வாக பிரதிநிதிகளுடன், தொழிற்சங்க பிரதிநிதிகள் 4 கட்டங்களாக பேச்சுவார்த்தை நடத்தினர்.