Devi Sri Prasad Removed From Good Bad Ugly : கோலிவுட்டின் முன்னணி நட்சத்திரமாக வலம் வரும் நடிகர், அஜித். இவர் நடிப்பில் அடுத்த ஆண்டு வெளியாக இருக்கும் படம், குட் பேட் அக்லி. இந்த திரைப்படத்திற்கு தேவி ஸ்ரீ பிரசாத் இசையமைக்க இருந்தார். தற்போது இவரை இந்த படத்தில் இருந்து படக்குழு நீக்கியிருப்பதாக கூறப்படுகிறது.
குட் பேட் அக்லி:
அஜித் நடிப்பில் கடைசியாக நடித்து வெளியான படம், துணிவு. இதையடுத்து, இந்த ஆண்டு விடாமுயற்சி திரைப்படம் வெளியாகும் என எதிர்பார்க்கப்பட்டது. ஆனால், ஷூட்டிங் தள்ளிக்கொண்டே போனதால், நினைத்த தேதிக்குள் படத்தை வெளியிட முடியவில்லை. அதனால், அடுத்த ஆண்டு பொங்கலுக்கு இப்படம் வெளியாக இருக்கிறது. இதையடுத்து அஜித் சைன் செய்த படம், குட் பேட் அக்லி.
தமிழ் திரைப்பட இயக்குநரும், தீவிர அஜித் ரசிகருமான ஆதிக் ரவிச்சந்திரன் இந்த படத்தை இயக்கி வருகிறார். சில மாதங்களுக்கு முன்பு, ஐதராபாத்தில் இப்படத்தின் படப்பிடிப்பு ஆரம்பிக்கப்பட்டது. ஜெட் வேகத்தில் சென்ற ஷூட்டிங், இன்னும் சில நாட்களில் நிறைவடைய இருப்பதாக கூறப்படுகிறது. இந்த நிலையில், இப்படத்தின் இசையமைப்பாளரை படக்குழு நீக்க இருப்பதாக தகவல்கள் வெளியாகி இருக்கிறது.
தேவி ஸ்ரீ பிரசாத் நீக்கம்?
குட் பேட் அக்லி படத்திற்கு இசையமைப்பாளராக தேவி ஸ்ரீ பிரசாத் நியமிக்கப்பட்டார். இந்த நிலையில், அவர் இப்படத்தில் இருந்து சமீபத்தில் நீக்கப்பட்டுள்ளதாக கூறப்படுகிறது. இதற்கு பல்வேறு காரணங்கள் கூறப்பட்டாலும், சமீபத்தில் அவரது இசையில் வெளியான கங்குவா திரைப்படம் பெரிய காரணம் என தகவல்கள் வெளியாகி இருக்கிறது.
சிறுத்தை சிவா இயக்கத்தில், சூர்யா நடிப்பில் சமீபத்தில் வெளியான கங்குவா திரைப்படம், ரசிகர்கள் மத்தியில் எக்கச்சக்க நெகடிவ் விமர்சனங்களை பெற்றது. இதற்கு காரணம், படத்தின் பின்னணி இசை, காதை கிழிக்கும் வகையில் இருந்ததாக சொல்லப்பட்டது. இதனால், இதே நிலை தனது படத்திற்கும் தொடர்ந்து விடுமோ என்கிற பயத்தில் குட் பேட் அக்லி படத்தின் படக்குழுவினர் தேவி ஸ்ரீ பிரசாத்தை படத்திலிருந்து நீக்கியதாக கூறப்படுகிறது.
மேலும் படிக்க | குட் பேட் அக்லி படத்தில் த்ரிஷா லுக்!! பாக்க சின்ன பொண்ணு மாதிரி இருக்காங்களே..
அவருக்கு பதில் இவரா?
குட் பேட் அக்லி படத்தில், டிஎஸ்பிக்கு பதில், வேறு ஒரு இசையமைப்பாளர் இடம் பெற்றிருக்கிறாராம். அவர் வேறு யாருமில்லை, ஜி.வி.பிரகாஷ் குமார்தான். சமீபத்தில் வெளியாகி பெறும் வெற்றி பெற்ற, அமரன், லக்கி பாஸ்கர் உள்ளிட்ட படங்களுக்கு அவர்தான் இசையமைத்தார். நிலவுக்கு என் மேல் என்னடி கோபம், வணங்கான், வீர தீர சூரன், இட்லி கடை உள்ளிட்ட படங்களுக்கு இசையமைத்து வருகிறார். தற்போது, இந்த லிஸ்டில் குட் பேட் அக்லி படமும் இணைந்திருப்பதாக கூறப்படுகிறது. இது குறித்த அதிகாரப்பூர்வ அறிவிப்புகள் எதுவும் வெளியாகவில்லை.
குட் பேட் அக்லி படக்குழு:
குட் பேட் அக்லி படத்தில், அஜித் கேங்ஸ்டர் கதாப்பாத்திரத்தில் நடித்திருக்கலாம் என ரசிகர்கள் கருதுகின்றனர். இவருக்கு ஜோடியாக த்ரிஷா நடித்திருக்கிறார். இவர்கள் இதற்கு முன்னர் பல படங்களில் ஒன்றாக நடித்திருக்கின்றனர். அதே போல, நடிகர் அர்ஜுன் தாஸ், இப்படத்தில் முக்கிய கதாப்பாத்திரமாக வருகிறார். இவர்களுடன் நடிகர் பிரசன்னாவும் நடித்திருக்கிறார். படம், அடுத்த வருடம் மே மாதம் வெளியாகும் என எதிர்பார்க்கப்படுகிறது.
மேலும் படிக்க | குட் பேட் அக்லி படத்தில் அஜித்தின் புதிய தோற்றம்! கையில் டாட்டூவுடன் புது போட்டோ..
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
