கடந்த நவம்பர் 8 ம்தேதி மோடி பழைய ரூபாய் நோட்டுகள் செல்லாது என அறிவித்தார். இந்த நடவடிக்கை காரணமாக நாடு முழுவதும் உள்ள பெரும்பாலான ஏடிஎம் மையங்கள் செயல்படாமல் முடங்கின. புதிய 2000 ரூபாய் மற்றும் 500 ரூபாய் நோட்டுக்களை விநியோகம் செய்யும் அளவுக்கு மறுசீரமைப்பு செய்யப்பட்ட ஏடிஎம் மெஷின்கள் ஒரு சில பகுதிகளில் மட்டுமே செயல்பட்டதால் பொதுமக்கள் பணம் எடுக்க மிகவும் சிரமப்பட்டனர்.
ஆக்ஸிஸ் வங்கி கிளையில் 20 போலி நிறுவனங்கள் பெயரில் ரூ. 60 கோடி சிக்கியது.
டெல்லியின் புறநகர் பகுதியான உத்தர பிரதேசத்தில் உள்ள நொய்டாவில் அமைந்துள்ள ஆக்ஸிஸ் வங்கி கிளையில் வருமான வரித்துறை அதிகாரிகள் அதிரடி சோதனையில் ஈடுபட்டனர். அப்போது போலியாக உருவாக்கப்பட்ட 20 நிறுவனங்கள் பெயரில் உள்ள வங்கி கணக்குகளில் ரூ. 60 கோடி இருப்பது கண்டுபிடிக்கப்பட்டது என்று ஏஎன்ஐ செய்தி வெளியிட்டு உள்ளது. இது தொடர்பாக விசாரணை நடைபெற்று வருகிறது.
பழைய நோட்டுகள் செல்லாது என்ற பிரதமர் மோடி அறிவிப்புக்கு பில்கேட்ஸ் வரவேற்றுள்ளார்.
கடந்த 8-ம் தேதி கருப்பு பணம் மற்றும் சட்ட விரோத பண பரிவர்த்தனைகளை ஒழிக்கும் நோக்கில் மத்திய அரசு பழைய 500 ரூபாய், 1,000 ரூபாய் நோட்டுகள் செல்லாது எனவும், அவற்றை வங்கிகளில் செலுத்தி புதிய ருபாய் நோட்டுகள் பெற்றுக்கொள்ள வேண்டும் என்று அறிவிப்பு வெளியிட்டது.
இந்த நிலையில் மக்கள் வங்கிகளுக்கு சென்று தங்களிடம் உள்ள பழைய நோட்டுகளை கொடுத்து புதிய ரூபாய் நோட்டுகளை பெற்று வருகிறார்கள். ஏடிஎம் மையங்களில் ரூ.2,500 வரை பணம் எடுக்கலாம் என்று அறிவிக்கப்பட்டுள்ளது.
ஒரு நாளைக்கு 10 ஆயிரம் மட்டுமே எடுக்கமுடியும் என்ற கட்டுப்பாடு நீக்கப்பட்டுள்ளதாகவும், நாளை முதல் ரூ. 2 ஆயிரம் நோட்டு ஏடிஎம் மையங்களில் கிடைக்க ஏற்பாடு செய்யப்பட்டுள்ளது.
500 ரூபாய், 1,000 ரூபாய் நோட்டுகளை திரும்ப பெற்றுக் கொண்டது மத்திய அரசின் நேர்மையான நடவடிக்கையாகும். கருப்பு பணம் வைத்திருப்பவர்கள் மட்டுமே கவலைப்பட வேண்டும் என்று மத்திய நிதி மந்திரி அருண் ஜெட்லி இன்று பேட்டியில் கூறியுள்ளர்.
By accepting cookies, you agree to the storing of cookies on your device to enhance site navigation, analyze site usage, and assist in our marketing efforts.
