Driving License at Home: డ్రైవింగ్ లైసెన్స్ తీసుకోవాలంటే కొన్ని ఇబ్బందులు ప‌డాలి. RTO ఆఫీసుకు వెళ్లి.. ముందుగా ల‌ర్న‌ర్ లైసెన్స్‌కు అప్ల‌యి చేయాలి.. దాని కోసం RTO ఆఫీసులో ఓ ప‌రీక్ష రాయాలి. అందులో పాస్ మార్కులు వస్తేనే ల‌ర్న‌ర్ లైసెన్స్ లభిస్తుంది.
ల‌ర్న‌ర్ లైసెన్స్ ఇచ్చాక.. ఆరు నెల‌ల లోపు పర్మినెంట్ డ్రైవింగ్ లైసెన్స్(Driving License) తీసుకోవాల్సి ఉంటుంది. మీరు ఈ ఆరు నెల‌ల్లో పర్మినెంట్ తీసుకోక పోతే.. మళ్లీ మొదటి నుంచి మొదలు పెట్టాలి. టూవీల‌ర్ అయినా.. ఫోర్ వీల‌ర్ అయినా.. హెవీ వెహికిల్స్ అయినా.. ఏద‌యినా స‌రే.. ప్రొసీజ‌ర్ మాత్రం ఇలానే ఉంటుంది. మీ వాహనంను RC, కాలుష్యం, ఇతర పత్రాల గురించి మిమ్మల్ని తరచుగా తనిఖీ అధికారులు అడుగుతుంటారు. అయితే వీటిలో అత్యంత ముఖ్యమైన డాక్యుమెంట్ మాత్రం డ్రైవింగ్ లైసెన్స్. చాలా మంది ఈ పత్రాలను కలిగి ఉంటారు. కానీ కొన్నిసార్లు డ్రైవింగ్ లైసెన్స్‌ను మర్చిపోతారు.
చాలా మందికి తెలియని విషయం ఏంటంటే.. మీరు తీసుకున్న లైసెన్స్ కాలపరిమితి 20 సంవత్సరాలు మాత్రమే ఉంటుందని. ఆ తర్వాత వారు దానిని పునరుద్ధరించుకోవల్సి ఉంటుంది. ఇలాంటి పరిస్థితిలో మీరు డ్రైవింగ్ లైసెన్స్(Driving License) పునరుద్ధరించుకోవడానికి చాలా మార్గాలున్నాయి. మరోవైపు, మీరు ఒక సంవత్సరంలోపు మీ డ్రైవింగ్ లైసెన్స్ రెన్యువల్ చేసుకోకపోతే.. మీరు కొత్త లైసెన్స్ పొందాలి. ఆపై మీరు ప్రారంభంలో చేసిన మొత్తం ప్రక్రియ చేయాల్సి ఉంటుంది. అయితే.. చాలామంది ఆర్టీవో(RTO) ఆఫీసుల్లో లైసెన్స్ విష‌యంలో చాలా ఇబ్బందులు ఎదుర్కొంటారు. మ‌ధ్య‌వ‌ర్తుల ప్ర‌మోయం ఉంటేనే.. కొన్నిచోట్ల లైసెన్స్‌లు జారీ చేస్తుంటారు. కావాల‌ని ల‌ర్న‌ర్ లైసెన్స్ ప‌రీక్ష‌లో ఫెయిల్ చేస్తార‌ని అంటారు. ఇలాంటి పరిస్థితిలో మీ డ్రైవింగ్ లైసెన్స్ రెన్యువల్‌ను ఇంట్లో కూర్చొని ఎలా పూర్తి చేయవచ్చు.. అది ఎలానో తెలుసకుందాం..
వీట‌న్నింటికీ చెక్ పెట్ట‌డం కోస‌మే కేంద్రం ప్రభుత్వం ఆన్ లైన్(Online) విధానంలో డ్రైవింగ్ లైసెన్స్‌ను అప్ల‌యి చేసుకునే అవ‌కాశాన్ని క‌ల్పించింది. ల‌ర్న‌ర్ లైసెన్స్, పర్మినెంట్ డ్రైవింగ్ లైసెన్స్, అడ్ర‌స్ చేంజ్, రెన్యువల్(Renewal) లాంటి స‌ర్వీసుల‌కు ఒకే ఒక ఆన్‌లైన్ పోర్ట‌ల్ విధానాన్ని ప్రభుత్వం తీసుకొచ్చింది.
డ్రైవింగ్ లైసెన్స్ పునరుద్ధరించడం ఎలా?
>> ముందుగా డ్రైవింగ్ లైసెన్స్ హోల్డర్ లింక్‌పై క్లిక్ చేయడం ద్వారా ట్రాన్స్‌పోర్ట్ సర్వీస్ (పరివాహన్ సేవ) అధికారిక వెబ్‌సైట్‌కి వెళ్లాలి.
>> హోమ్‌పేజీ నుండి మీరు ఆన్‌లైన్ సర్వీసెస్‌పై క్లిక్ చేసి, ఆపై డ్రైవింగ్ లైసెన్స్‌కు సంబంధించిన సేవలను ఎంచుకోవాలి.
>> ఇది మీ రాష్ట్రం పేరుని ఎంచుకోవలసిన కొత్త పేజీకి తీసుకెళుతుంది.
>> మీ రాష్ట్రం ఎంపిక ఆధారంగా కొత్త పేజీకి మీరు వెళ్తారు. పేజీలో అనేక ఎంపికలు ఉంటాయి. మీరు ‘DL పునరుద్ధరణ కోసం దరఖాస్తు చేసుకోండి’ అని ఎంపికను సెలెక్ట్ చేసుకోండి.
>> ఇది చేసిన తర్వాత మీరు అప్లికేషన్ సమర్పించడానికి సూచనలను చూపించే పేజీని చూస్తారు. మీరు దరఖాస్తుదారుని పూరించాలి.. లేదా తదుపరి వివరాలను అభ్యర్థించాల్సి ఉంటుంది.
>> మీరు అవసరమైన డాక్యుమెంట్‌లను కూడా అప్‌లోడ్ చేయాలి (ఏదైనా ఉంటే).
>> మీరు ఫోటో , సంతకాన్ని అప్‌లోడ్ చేయమని కూడా కోరుతుంది. ఈ దశ మాత్రం కొన్ని రాష్ట్రాలకు మాత్రమే వర్తిస్తుందని దయచేసి గమనించండి.
>> ఆ తర్వాత.. మీరు ఫీజు చెల్లించాలి. మీ చెల్లింపు స్థితిని ధృవీకరించాలి.
>> ఇప్పుడు మీరు భవిష్యత్తు సూచన కోసం రసీదుని ముద్రించవచ్చు లేదా డౌన్‌లోడ్ చేసుకోవచ్చు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
