ONGC Recruitment 2024: కేంద్ర ప్రభుత్వ ఉద్యోగాల కోసం ఎదురుచూస్తున్నవారికి శుభవార్త. ఆయిల్ నేచురల్ గ్యాస్ కార్పొరేషన్ నుంచి రిక్రూట్‌మెంట్ నోటిఫికేషన్ వెలువడింది. అర్హులైన అభ్యర్దుల్నించి జూనియర్ కన్సల్టెంట్స్, అసోసియేట్ కన్సల్టెంట్స్ పోస్టులకు దరఖాస్తులు ఆహ్వానిస్తోంది. మొత్తం ఎన్ని పోస్టులున్నాయి, అర్హతలేంటి, ఎలా అప్లై చేయాలి వంటి వివరాలు పరిశీలిద్దాం.
ఆయిల్ అండ్ నేచురల్ గ్యాస్ కార్పొరేషన్ జారీ చేసిన నోటిఫికేషన్ ప్రకారం జూనియర్ కన్సల్టెంట్, అసోసియేట్ కన్సల్టెంట్ పోస్టులు 12 ఖాళీగా ఉన్నాయి. ఈ పోస్టుల్ని ఓఎన్జీసీ కాంట్రాక్ట్ ప్రాతిపదికన భర్తీ చేయనుంది. జూనియర్ కన్సల్టెంట్ ఇ3 లెవెల్, అసోసియేట్ కన్సల్టెంట్ ఇ4-ఇ5 లెవెల్ పోస్టులకు దరఖాస్తు చేసే అభ్యర్ధులు నోటిఫికేషన్‌లో ఉదహరించిన అర్హత కలిగి ఉండాలి. ONGC Recruitment 2024 notificationలో మరిన్ని ఇతర వివరాలు పూర్తిగా ఉంటాయి. వయస్సు 65 ఏళ్ల లోపుండాలి.
జూనియర్ కన్సల్టెంట్ పోస్టుకు మొదటి ఏడాది 27 వేలు, రెండవ ఏడాది 28,3350 రూపాయలు జీతం లభిస్తుంది. అదే అసోసియేట్ కన్సల్టెంట్ పోస్టుకు మొదటి ఏడాది 40 వేలు, రెండవ ఏడాదిలో 42 వేలు జీతం ఉంటుంది.
అప్లికేషన్ల స్క్రూటినీ అనంతరం రాత పరీక్ష, ఇంటర్వ్యూ ద్వారా అభ్యర్ధుల ఎంపిక ఉంటుంది. రాత పరీక్ష 80 మార్కులకు, ఇంటర్వ్యూ 20 మార్కులకు ఉంటుంది. పరీక్ష తేదీ ఎప్పుడు ఎక్కడ అనేది ఆ అభ్యర్దికి మెయిల్ ద్వారా సమాచారం అందుతుంది. ఆసక్తి కలిగిన అర్హులైన అభ్యర్ధులు సంబంధిత డాక్యుమెంట్లతో మెయిల్ ద్వారా kumar_vinod12@ongc.co.in.కు మెయిల్ చేయవచ్చు లేదా మెహ్సానా ఎస్సెట్ కేడీఎం భవన్, సెకండ్ ఫ్లోర్, రూమ్ నెంబర్ 42కు దరఖాస్తు పంపించవచ్చు.
Also read: PNB FD Rates: పంజాబ్ నేషనల్ బ్యాంక్ గుడ్‌న్యూస్, ఎఫ్‌డీపై అత్యధికంగా 8 శాతం వడ్డీ
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
