Bigg Boss Winner VJ Sunny Attacked: బిగ్బాస్ 5 విజేత వీజే సన్నీపై దాడి జరిగింది. హైదరాబాద్‌లోని హస్తినాపురం ప్రాంతంలో ఓ రౌడీ షీటర్ సన్నీపై దాడికి పాల్పడ్డాడు. సన్నీ సినిమా షూటింగ్‌లో ఉన్న సమయంలో రౌడీ షీటర్ అక్కడికి వెళ్లి దాడి చేశాడు. చిత్ర యూనిట్ రౌడీ షీటర్‌ను అడ్డుకుని సన్నీని అక్కడినుంచి పంపించేశారు. చిత్ర యూనిట్ ఇచ్చిన ఫిర్యాదు మేరకు పోలీసులు అక్కడికి చేరుకుని రౌడీ షీటర్‌ను అదుపులోకి తీసుకున్నట్లు తెలుస్తోంది.
వీజే సన్నీ ప్రస్తుతం 'ఏటీఎం' అనే సినిమాలో నటిస్తున్నాడు. ప్రస్తుతం ఈ సినిమా షూటింగ్ హైదరాబాద్‌లోని హస్తినాపురం ప్రాంతంలో జరుగుతోంది. బుధవారం (జూన్ 8) వీజే సన్నీ సెట్‌లో ఉండగా ఓ రౌడీ షీటర్ వచ్చి అతనితో గొడవపడ్డాడు. ఈ క్రమంలో దాడికి పాల్పడ్డాడు. వెంటనే చిత్ర యూనిట్ అప్రమత్తమై రౌడీ షీటర్‌ను అడ్డుకున్నారు. సన్నీని కారులో అక్కడి నుంచి పంపించేశారు. ఆ తర్వాత మీర్‌పేట్ పోలీసులకు ఫోన్ ద్వారా సమాచారమివ్వడంతో వెంటనే అక్కడికి చేరుకుని రౌడీ షీటర్‌ను అదుపులోకి తీసుకున్నారు.
బిగ్బాస్ తెలుగు సీజన్ 5 విజేతగా నిలిచాక సన్నీకి వరుస సినిమా ఆఫర్లు వస్తున్నాయి. ప్రస్తుతం చేతి నిండా సినిమాలతో బిజీగా ఉన్నాడు. బుల్లితెరపై తన సత్తా చాటిన సన్నీ వెండితెరపై సత్తా చాటాలని చూస్తున్నాడు. ఇలాంటి తరుణంలో సన్నీపై దాడి అతని అభిమానులను కాస్త ఆందోళనకు గురిచేసింది. దాడి చేసిన రౌడీ షీటర్ ఎవరు... ఎందుకు దాడి చేశాడనేది తెలియాల్సి ఉంది.
Also Read: YS Viveka Murder Case: వైఎస్ వివేకా కేసులో సంచలనం.. హత్య కేసులో సాక్షి అనుమానాస్పద మృతి
Also Read: Astro Tips: ఇలా చేస్తే తరగని సంపద మీ సొంతం.. ఇంట్లో ధనం నిలిచి ఉంటుంది...
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter, Facebook
