Bollywood: దాదాపు మూడున్నర దశాబ్దాలుగా బాలీవుడ్‌లో సత్తాచూపిస్తున్న షారుఖ్ ఖాన్‌కు వయసు మీద పడుతున్నా క్రేజ్ మాత్రం తగ్గడం లేదు. విలక్షణ నటనతో ఇంకా హిట్లు అందిస్తున్నాడు. ఈ మధ్య కాలంలో వరుస హిట్లతో దూసుకుపోతున్నాడు. అతడి తాజా హిట్ చిత్రం ఇప్పుుడు ఓటీటీ ప్రేమికులకు అందుబాటులోకి వచ్చేసింది.
బాలీవుడ్ బాద్‌షా షారుఖ్ ఖాన్‌కు 2023 బాగా కలిసొచ్చింది. ఒక్క ఏడాదిలోనే విడుదలైన మూడు సినిమాలు కూడా భారీ సూపర్ హిట్ సినిమాలుగా నిలిచాయి. ముందు పఠాన్‌తో తరువాత జవాన్‌తో కలెక్షన్ల సునామీ సృష్టించిన షారుఖ్ ఖాన్ మూడో చిత్రం డంకీ ఏడాది చివర్లో డిసెంబర్ నెలలో విడుదలై హ్యాట్రిక్ హిట్ సాధించింది.రాజ్‌కుమార్ హీరాని తెరకెక్కించిన ఈ సినిమా డీసెంట్ టాక్ తెచ్చుకుని మొత్తం 470 కోట్ల గ్రాస్ కలెక్షన్లు వసూలు చేసింది. బాద్‌షాకు మూడవ హిట్ అందించింది.
ఈ సినిమా డిజిటల్ స్ట్రీమింగ్ హక్కుల విషయంలో తీవ్రమైన పోటీ నెలకొంది. పోటీను ఎదుర్కొని 180 కోట్ల భారీ ధరకు నెట్‌ఫ్లిక్స్ సంస్థ చేజిక్కించుకుంది. ఎప్పుడు స్ట్రీమింగ్ చేసేది చెప్పకుండా సడెన్‌గా ఏ మాత్రం చడీచప్పుడు లేకుండా స్ట్రీమింగ్ మొదలుపెట్టేసింది అంతేకాకుండా సినిమా రన్‌టైమ్ కూడా పొడిగించారు. అంటే ధియేటర్ వెర్షన్‌లో తొలగించిన సీన్స్ ఇందులో యాడ్ చేశారు. రాజ్‌కుమార్ హిరాణి ఫిల్మ్స్, జియో స్యూడియో బ్యానర్లపై గౌరీ ఖాన్, రాజ్ కుమార్ హిరాని, జ్యోతి దేశ్ పాండే నిర్మించగా తాప్సి పన్ను, విక్కీ కౌశల్‌లు నటించారు. ప్రీతమ్, అమన్‌లు సంగీతం అందించారు.
3 ఇడియట్స్ చిత్రాన్ని అందించిన రాజ్‌కుమార్ హిరానీ డంకీ సినిమా తెరకెక్కించారు. దేశవ్యాప్తంగా భారీ కలెక్షన్ల సునామీ సృష్టించిన సలార్ సినిమాతో పోటీ పడింది. ఆ స్థాయిలో కాకున్నా భారీగానే 470 కోట్ల గ్రాస్ కలెక్షన్లు వసూలు చేసింది. ఇప్పుడు ఓటీటీలో సంచలనం రేపనుంది.
Also read: Tata Motors: ఎలక్ట్రిక్ కారు కొనాలంటే ఇదే మంచి అవకాశం, టాటా ఈవీ కార్లపై భారీ డిస్కౌంట్
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
