Interesting fight Between Geetu Royal and Inaya Sulthana: ఎంతో ఆసక్తికరంగా ప్రారంభమైన బిగ్ బాస్ షోలో అప్పుడే గొడవలు పెట్టడం మొదలు పెట్టారు నిర్వాహకులు. నిజానికి ఈ సీజన్లో మునుపెన్నడూ లేని విధంగా 21 మంది సెలబ్రిటీలు ఎంటర్ అయిన అందులో బాగా తెలిసిన ముఖాలు రెండు మూడు మించి లేవు. ఎలా అయితేనేమి 21 మందిని హౌస్ లోపలికి పంపించారు కదా అందుకే గతం కంటే ఈసారి మరింత ఆసక్తికరంగా ప్రేక్షకులను ఆకట్టుకునే విధంగా కంటెంట్ క్రియేట్ చేయడానికి ప్రయత్నిస్తున్నారు.
సాధారణంగా బిగ్ బాస్ హౌస్ లో ప్రతి సోమవారం నాడు నామినేషన్స్ ఉంటాయన్న సంగతి తెలిసిందే ఇక ఈ వారం కూడా ఎంటర్ అయిన రెండో రోజే నామినేషన్లు పెట్టడానికి ప్రయత్నించింది బిగ్ బాస్ యజమాన్యం. దానికి సంబంధించిన ప్రోమో ఒకటి విడుదల కాగా ఆ ప్రోమో ఆసక్తికరంగా మారింది. ఉదయాన్నే పక్కా లోకల్ అనే సాంగ్ తో నిద్రలేపిన బిగ్ బాస్ తర్వాత గీతూ, ఇనయా సుల్తానా మధ్య జరిగిన గొడవను హైలైట్ చూపించారు. బాత్ రూమ్ వద్ద ఉన్న సమయంలో గీతూ వచ్చి అక్కడ జుట్టు ఎక్కువగా పడి ఉండటంతో ఎవరు స్నానం చేశారని అడుగుతుంది.
దానికి మరో కాంటెస్టెంట్ ఇనయా సుల్తానా పేరు చెబుతారు. దీంతో వెంటనే ఆమె దగ్గరికి వెళ్ళిన గీతు ఆమెను ప్రశ్నించగా దానికి ఆమె ఇకమీదట మనం డ్యూటీలు వేసుకుని పని చేసుకుందామని అంటే నాకు ఒకవేళ బాత్రూంలో డ్యూటీ వచ్చి అక్కడ జుట్టు పడినా నా జుట్టు తప్ప నేను ఎవరి జుట్టు తీయనని అంటుంది. దీంతో ఇద్దరి మధ్య కాస్త వివాదం ప్రారంభమైంది. ఇక తరువాత బిగ్ బాస్ హౌస్ ను మూడు తరగతులుగా డివైడ్ చేస్తున్నట్లు ప్రకటించారు. మూడు అన్నారు కానీ రెండు పేర్లు మాత్రమే ప్రోమోలో రివీల్ చేశారు. ఒకటి క్లాస్ గ్రూప్ కాగా మరొకటి ట్రాష్ గ్రూప్. ఇందులో ట్రాష్ గ్రూప్ కింద వచ్చిన వారంతా కిచెన్ ఏరియా వాడుకోకుండా గార్డెన్ లో వండుకుని తినాలని చెప్పారు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://bit.ly/3P3R74U
Apple Link - https://apple.co/3loQYe
Twitter , Facebookమా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి
