Pushpa 2: పుష్ప సినిమా నుంచి దేవిశ్రీప్రసాద్ అవుట్... ఆ ప్లేస్ లోకి మరొకరు..!

Devi Sri Prasad Out Of Pushpa 2: పుష్ప సినిమా మొదటి భాగం సాంగ్స్ ఎంతటి విజయం సాధించాయో అందరికీ.. తెలిసిన విషయమే. ఈ సినిమా విజయానికి పాటలు కూడా.. ఒక కారణం అని అప్పట్లో ఎంతో మంది అనుకున్నారు. అలాంటిది ఇప్పుడు.. ఈ సినిమా రెండో భాగం నుంచి దేవిశ్రీప్రసాద్ ని.. పక్కన పెడతారు అనే వార్త తెగ వైరల్ అవుతుంది.. పూర్తి వివరాల్లోకి వెళితే..  

Written by - Vishnupriya Chowdhary | Last Updated : Nov 7, 2024, 12:41 PM IST
Pushpa 2: పుష్ప సినిమా నుంచి దేవిశ్రీప్రసాద్ అవుట్... ఆ ప్లేస్ లోకి మరొకరు..!

Thaman for Pushpa 2: అల్లు అర్జున్ హీరోగా సుకుమార్ దర్శకత్వంలో.. రాబోతున్న చిత్రం పుష్ప 2. ఈ సినిమా మొదటి భాగం 2021లో విడుదలై.. ఘన విజయం సాధించిన సంగతి తెలిసిందే. ఇక ఈ సినిమా రెండో భాగం.. డిసెంబర్ 5, 2024న విడుదల కానుంది. ఈ క్రమంలో ఈ చిత్ర యూనిట్ పలు మార్పులను తీసుకువస్తోంది. ముఖ్యంగా బ్యాక్‌గ్రౌండ్ మ్యూజిక్ విషయంలో ఈ మార్పులు జరుగుతున్నట్టు వినికిరి. ఒక ప్రముఖ వెబ్సైట్ నివేదిక ప్రకారం, దేవిశ్రీ ప్రసాద్ రూపొందించిన బ్యాక్‌గ్రౌండ్ స్కోర్‌ను ఈ సినిమాలో వాడకుండా.. సంగీత దర్శకుడు ఎస్ థమన్‌కి ఆ బాధ్యతలు అప్పగించినట్లు సమాచారం.

దేవిశ్రీ ప్రసాద్.. సుకుమార్ కెరియర్ లో ఎంతటి కీలక పాత్ర పోషించారు అందరికీ తెలిసిందే. మొదటి భాగం సంగీతం ఆయన వల్లే జనాల్లోకి బాగా.. ఎక్కి హిట్‌గా నిలిచింది. కానీ ఈ సారి బ్యాక్‌గ్రౌండ్ మ్యూజిక్ సమయానికి దేవిశ్రీప్రసాద్ అందుబాటులో లేకపోవడంతో.. యూనిట్ చిత్ర విడుదల ఆలస్యం కాకూడదని ఈ నిర్ణయం తీసుకున్నట్లు వినికిడి.

ఇది ఎంతవరకు నిజమో.. తెలియాలి అంటే అధికారిక ప్రకటన వచ్చేవరకు వేచి చూడాలి. మరోపక్క ఎస్ థమన్ అందించిన సంగీతం ఫైనల్ కట్‌లో ఉపయోగించినప్పటికీ..దేవిశ్రీ ప్రసాద్‌కి మాత్రమే మ్యూజిక్ దర్శకుడిగా ఈ చిత్రానికి క్రెడిట్ ఇస్తామని చెబుతున్నారు. మరి బ్యాక్ గ్రౌండ్ మ్యూజిక్ క్రెడిట్ వరకు తమన్ కి ఇస్తారా లేదా అనేది కూడా ఎంతోమందిలో ఉన్న సందేహం.

అంతేకాకుండా, గతంలో శ్రద్ధా కపూర్ అల్లు అర్జున్‌తో ఐటెం సాంగ్ చెయ్యనుంది అని కూడా ఈ చిత్రం గురించి రూమర్స్ వచ్చాయి. కానీ పుష్ప 2లో ఆ పాటలో నటించేది శ్రీలీల అని.. ఇక ఈ పాటకు సంబంధించిన షూటింగ్ నవంబర్ 6 లేదా 7న జరగనుంది అని తెలుస్తోంది. 

పుష్ప 2లో అల్లు అర్జున్‌తో పాటు రష్మిక మందన్నా శ్రీవల్లి పాత్రలో, ఫహాద్ ఫాసిల్ ఎస్‌పీ భన్వర్ సింగ్ శేఖావత్ పాత్రలో.. కనిపించనున్నారు. ముందుగా ఈ సినిమా ఆగస్ట్ 15న విడుదల కావాల్సి వుండగా.. కొన్ని కారణాల వల్ల పోస్ట్ పోన్ అయ్యి డిసెంబర్ 6 కి చేరుకుంది. ఇక ఈ మధ్యనే ఈ చిత్రాన్ని ఒక రోజు ముందుకి జరుపుతున్నామని.. డిసెంబర్ 5న విడుదల చేస్తామని ప్రకటించారు చిత్ర యూనిట్.

Also Read: బొప్పాయి ఫేస్‌మాస్క్‌తో బోలెడు ప్రయోజనాలు.. హిరోయిన్‌ మించిన అందం మీ సొంతం..

Also Read:  ఈ 3 ఇంటి చిట్కాలతోనే తెల్ల వెంట్రుకల సమస్యకు ఈజీగా చెక్‌ పెట్టొచ్చు తెలుసా?

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.

 

 

Trending News

By accepting cookies, you agree to the storing of cookies on your device to enhance site navigation, analyze site usage, and assist in our marketing efforts.

x