నాగార్జున, నాని కలిసి నటిస్తున్న మల్టీస్టారర్ దేవదాస్ సినిమా మోషన్ పోస్టర్ విడుదలైంది. ఆగస్టు 29 నాగ్ పుట్టిన రోజు కావడంతో అభిమానులకు అతడి బర్త్ డే కానుకగా ఒక రోజు ముందే నిర్మాతలు ఈ మోషన్ పోస్టర్‌ను విడుదల చేశారు. వైజయంతి మూవీస్ బ్యానర్‌పై అశ్వనీదత్ నిర్మిస్తు్న్న ఈ సినిమాను శ్రీరామ్ ఆదిత్య డైరెక్ట్ చేస్తున్నారు. కామెడీ యాక్షన్ నేపథ్యంతో తెరకెక్కుతున్న దేవదాస్ చిత్రంలో గీత గోవిందం ఫేమ్ రష్మిక మందన్న, ఆకాంక్ష హీరోయిన్స్‌గా నటిస్తున్నారు. సెప్టెంబర్ 27న రిలీజ్ కానున్న ఈ సినిమాకు ప్రముఖ మ్యూజిక్ కంపోజర్ మణిశర్మ సంగీతం అందిస్తున్నారు.
