Nandamuri Balakrishna First Ad : యాడ్స్‌లో నటించేందుకు అంగీకరించిన నటసింహం.. కెరీర్‌లో మొదటిసారిగా బాలయ్య అలా

Nandamuri Balakrishna First Advertisement నందమూరి బాలకృష్ణ తన కెరీర్లో మొదటి సారిగా ఓ యాడ్‌లో నటించేందుకు అంగీకరించినట్టు తెలుస్తోంది. ఇంత వరకు ఎన్ని కోట్లు ఇస్తానన్నా కూడా ఒక్క యాడ్‌లోనూ నటించలేదు.

Nandamuri Balakrishna First Ad : నందమూరి బాలకృష్ణ తనకంటూ కొన్ని విలువలు, హద్దులు పెట్టుకుంటాడు. ఎన్ని కోట్లు ఇచ్చినా కూడా కొన్ని పనులకు దూరంగా ఉంటూ వచ్చాడు. అయితే ఇప్పుడు మాత్రం తన నియమాలు, నిబంధనలు కాస్త పక్కకి పెట్టినట్టు కనిపిస్తోంది. ఇది వరకు ప్రకటనల్లో నటించను అని చెప్పిన.. బాలయ్య ఇప్పుడు అందరినీ ఆశ్చర్యపరిచాడు. ఓ యాడ్‌లో నటించేందుకు బాలయ్య అంగీకారం తెలిపినట్టు సమాచారం.

సాయి ప్రియ కన్‌స్ట్రక్షన్స్ కోసం బాలయ్య ఈ యాడ్ చేయబోతోన్నాడట. బాలయ్య నటిస్తున్న మొదటి యాడ్ కావడంతో చాలా హై బడ్జెట్ అంటే క్రేజీగా ఉండేట్టు డిజైన్ చేస్తున్నారని తెలుస్తోంది. బాలయ్య రేంజ్‌కు తగ్గట్టుగా మంచి పారితోషికం కూడా ఇస్తున్నారట. అయితే ఇప్పుడు యాడ్‌కు సంబంధించిన ఫోటో ఒకటి, అందులోని లగ్జరీ కారు ఫోటో వైరల్ అవుతోంది. మొత్తానికి ఈ యాడ్ మాత్రం టాక్ ఆఫ్ ది టౌన్ అవుతుందని తెలుస్తోంది.

అసలే మన హీరోలు ఈ మధ్య సినిమాలకంటే ఎక్కువగా యాడ్స్ చేస్తూ సంపాదించేస్తోన్నారు. ఇందులో అల్లు అర్జున్, మహేష్‌ బాబు ముందంజలో ఉన్నారు. రామ్ చరణ్‌ కూడా యాడ్స్‌లో నటిస్తూ బాగానే సంపాదిస్తున్నాడు. ఇక ఎన్టీఆర్ సైతం ప్రకటనల్లో నటిస్తుంటాడు. ప్రస్తుతం టాప్ స్టార్లంతా కూడా తమ తమ బ్రాండ్ వ్యాల్యూకి తగ్గట్టుగా రెమ్యూనరేషన్ తీసుకుంటున్నారు.

This Diwali marks the beginning of our crackling new chapter💥

THE #GODOFMASSES IS STEPPING INTO THE WORLD OF ADVERTISING WITH HIS FIRST-EVER BRAND COMMERCIAL🤩

We're Proudly Announcing #NBK is the New Brand Ambassador for @GroupSaipriya 🤗

Ad By @shreyasgroup @BrandeDigital pic.twitter.com/iFzE90uJYt

— Vamsi Kaka (@vamsikaka) October 22, 2022

దర్శకులు సైతం ఇలా యాడ్స్ తెరకెక్కించేందుకు ముందుకు వస్తున్నారు. త్రివిక్రమ్, హరీష్‌ శంకర్ వంటి వారు యాడ్స్‌కు సైతం భారీ ఎత్తున రెమ్యూనరేషన్ తీసుకుంటారని తెలుస్తోంది. ఇక ఇప్పుడు బాలయ్య నటిస్తోన్న ఈ యాడ్‌ను ఎవరు తెరకెక్కిస్తున్నారు.. ఈ యాడ్ ఎప్పుడు వస్తుందన్న విషయాలు మాత్రం ఇంకా తెలియడం లేదు.

కర్నూలు కొండారెడ్డి బుర్జు మీద తన కొత్త సినిమాకు సంబంధించిన టైటిల్‌ను రివీల్ చేసిన బాలయ్య.. సంక్రాంతి బరిలోకి దిగుతున్నట్టుగా ప్రకటించేశాడు. వీరసింహారెడ్డి అంటూ గర్జించేందుకు బాలయ్య రెడీ అయ్యాడు. ఇక సంక్రాంతికి మాస్ జాతరే అన్నట్టుగా కనిపిస్తోంది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.