Radhe Shyam Movie Trailer: పాన్ ఇండియా స్టార్ ప్రభాస్, పూజాహెగ్డే జంటగా నటిస్తున్న చిత్రం 'రాధేశ్యామ్' (Radhe Shyam). ఈ సినిమా పీరియాకల్ లవ్ డ్రామాగా తెరకెక్కుతుంది. ఈ చిత్రానికి జిల్ సినిమాతో మంచి గుర్తింపు తెచ్చుకున్న రాధాకృష్ణ (Director Radha Krishna) దర్శకత్వం వహిస్తున్నారు. ఈ నేపథ్యంలో చిత్ర బృందం గురువారం రామోజీ ఫిల్మ్‌ సిటీలో ప్రీ రిలీజ్ ఈవెంట్‌ని నిర్వహించింది. ఇక ఈ ప్రీరిలీజ్ ఈవెంట్ కు యంగ్ హీరో నవీన్ పోలిశెట్టి (Naveen Polisetti) హోస్ట్ గా వ్యవహారించాడు. ఇదే వేడుకలో ప్రభాస్ అభిమానులు చిత్ర ట్రైలర్‌ను విడుదల చేశారు.
ట్రైలర్ లో ప్రభాస్ లుక్స్, పూజా హెగ్డే అందం ఆకట్టుకుంది. ప్రభాస్ ఇందులో విక్రమాదిత్య అనే హస్తసాముద్రికా నిపుణుడిగా కనిపించనున్నారు. ఆయన ప్రేయసి ప్రేరణగా పూజా హెగ్డే నటించింది. కృష్ణంరాజు (Krishnamraju), భాగ్యశ్రీ, సచిన్‌ ఖేడ్‌కర్‌ తదితరులు కీలక పాత్రలు పోషించారు. ఈ చిత్రాన్ని గోపీకృష్ణ మూవీస్‌, యూవీ క్రియేషన్స్‌ సంస్థలు సంయుక్తంగా నిర్మించాయి. తెలుగు, తమిళం, మలయాళం, కన్నడ, హిందీ భాషల్లో విడుదలవుతుంది.
ఈ సినిమాకు రెండు వేర్వేరు మ్యూజిట్ టీమ్స్ వర్క్ చేస్తున్నాయి. ఇటు సౌత్ అటు నార్త్ ప్రేక్షకులను ఆకట్టుకునేలా అత్యున్నత సంగీత దర్శకులతో పాటలను రెడీ చేస్తున్నారు మూవీ మేకర్స్. వింటేజ్ బ్యాక్‌డ్రాప్ లో ఇట‌లీ (Italy)లో జ‌రిగే ప్రేమ‌క‌థగా ఈ చిత్రాన్ని చూపిస్తున్నారు. ఇప్పటికే విడుదలైన ఈ మూవీ సాంగ్స్ (Songs) ఆకట్టుకున్నాయి. హాలీవుడ్‌ మూవీ గ్లాడియేటర్‌కు యాక్షన్‌ కొరియోగ్రఫీ నిక్‌ పోవెల్‌ ఈ చిత్రానికి పనిచేయడం విశేషం. కరోనా (Covid) సహా పలు కారణాల వల్ల ఈ మూవీ వాయిదా పడుతూ వస్తోంది. ఈ నేపథ్యంలో.. ఈ సినిమా 14 జనవరి 2022న ప్రపంచవ్యాప్తంగా థియేటర్లలో విడుదల చేయనున్నారు మేకర్స్.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండిTwitter , Facebook
