రంగస్థలం టీజర్: చిట్టి బాబు.. ఓ సౌండ్ ఇంజనీర్

రంగస్థలం 1985 టీజర్ మెగా పవర్ స్టార్ అభిమానులని విశేషంగా అలరిస్తోంది. 

Last Updated : Jan 25, 2018, 11:07 AM IST
రంగస్థలం టీజర్: చిట్టి బాబు.. ఓ సౌండ్ ఇంజనీర్

మెగాపవర్ స్టార్ రామ్ చరణ్ అప్‌కమింగ్ సినిమా రంగస్థలం 1985 టీజర్ విడుదలైంది. టాలీవుడ్‌లో టాప్ డైరెక్టర్స్‌లో ఒకరైన సుకుమార్ తెరకెక్కిస్తున్న ఈ సినిమాలో రామ్‌చరణ్ పాత్ర తీరుతెన్నులు, గోదావరి తీరంలో షూటింగ్, గ్రామీణ నేపథ్యంలోని కథాంశం, సినిమా టైటిల్ లాంటివన్నీ మొదటి నుంచి అభిమానుల్లో ఆసక్తిని రేకెత్తిస్తూ వస్తున్నాయి. అభిమానుల అంచనాలకు తగినట్టుగానే తాజాగా ఈ చిత్ర నిర్మాణ సంస్థ మైత్రి మూవీ మేకర్స్ విడుదల చేసిన రంగస్థలం 1985 టీజర్ సైతం వారిని విశేషంగా ఆకట్టుకుంటోంది.

ముఖ్యంగా తాను సౌండ్ ఇంజనీర్‌ని అంటూ తనకి వున్న వినికిడి లోపాన్ని పరిచయం చేసుకున్న తీరుతోనే ఈ టీజర్‌లో కామెడీని మొదలుపెట్టాడు చెర్రీ. కేవలం కామెడీనే కాకుండా అభిమానులకి కావాల్సినంత యాక్షన్ సన్నివేశాలు కూడా వున్నాయని చెప్పేందుకు శాంపిల్‌గా క్షణకాలంపాటు కళ్లముందు మెదిలే పవర్‌ఫుల్ దృశ్యాలని ఈ టీజర్‌లో చూపించి 'రంగస్థలం'పై అంచనాలని రెట్టింపు చేయడంలో సక్సెస్ అయ్యాడు డైరెక్టర్ సుకుమార్. 

 

చెర్రీ సరసన సమంత హీరోయిన్‌గా నటిస్తున్న ఈ సినిమాలో ఆది పినిశెట్టి, జగపతి బాబు, ప్రకాశ్ రాజ్, గౌతమి, అనసూయ ఇతర ముఖ్యమైన పాత్రలు పోషిస్తున్నారు. ఇప్పుడు రంగస్థలం టీజర్ చూశాం. ఇక సినిమా ఎలా వుంటుందో తెలియాలంటే మార్చి 30వ తేదీ వరకు వేచిచూడకతప్పదు. 

Trending News

By accepting cookies, you agree to the storing of cookies on your device to enhance site navigation, analyze site usage, and assist in our marketing efforts.

x