గుంటూరు జిల్లాలోని బాపట్ల తాలూకాలో ఉండే స్టువర్టుపురం గురించి తెలియని తెలుగువారు ఉండరు. ఒకప్పుడు అదే ప్రాంతంలో చాలా మంది దొంగలు ఉండేవారని.. కొందరు దొంగలు ఏళ్ల తరబడి అక్కడ హవా కొనసాగించారని కూడా కథలు ఉన్నాయి. అలాంటి ఓ కరడుగట్టిన దొంగే టైగర్ నాగేశ్వరరావు. రాబిన్ హుడ్ స్టైల్‌లో అతని దొంగతనాలు ఉండేవని వినికిడి.
1970 ప్రాంతాల్లో టైగర్ నాగేశ్వరరావు గురించి రాయని తెలుగు పత్రిక లేదు. అలాంటి వ్యక్తి కథను ఆధారంగా చేసుకొని ఓ సినిమాని తెరకెక్కిస్తున్నారు దర్శకులు మరియు కిట్టు ఉన్నాడు జాగ్రత్త ఫేం వంశీక్రిష్ణ. ఏకె ఎంటర్‌టైన్మెంట్స్ బ్యానర్‌పై అనిల్ సుంకర నిర్మించబోయే ఈ చిత్రంలో రానా దగ్గుబాటి ప్రధాన పాత్రలో నటించనున్నట్లు తెలుస్తోంది. ఇటీవలే తెలుగులో రానా నటించిన 'నేనే రాజు నేనే మంత్రి' చిత్రం సూపర్ హిట్ అయిన సంగతి తెలిసిందే.
