సూపర్‌స్టార్ ప్రిన్స్ మహేశ్ బాబు తాజాగా నటిస్తున్న చిత్రం ‘భరత్ అనే నేను’. కొరటాల శివ దర్శకత్వంలో వస్తున్న ఈ సినిమాలో మహేశ్ ముఖ్యమంత్రి పాత్రలో నటిస్తున్నారు. కాగా..ఈ చిత్రంలోని తొలి లిరికల్‌ పాట 'ది సాంగ్ ఆఫ్ భరత్' ను చిత్రబృందం ఈరోజు విడుదల చేసింది. ‘విరచిస్తా నేడే నవశకం..నినదిస్తా నిత్యం జన హితం..భరత్ అనే నేను హామీ ఇస్తున్నాను’ అంటూ సాగిన సాంగ్ ఆక‌ట్టుకునేలా ఉంది. అల్టిమేట్ ఎమోషనల్ పొలిటికల్ ఎంటర్ టైనర్‌లా తెరకెక్కుతున్న ఈ సినిమా థీమ్‌ని ఎలివేట్ చేస్తుందీ సాంగ్. ఈ సాంగ్ లిరిక్స్, చీఫ్ మినిస్టర్‌‌గా బాధ్యతలు స్వీకరించే హీరో బాధ్యతలతో పాటు, క్యారెక్టర్‌ని హైలెట్ చేస్తున్నాయి.
దేవిశ్రీ ప్రసాద్ , కొరటాల కాంబినేషన్ అనగానే అంచనాలు భారీగా ఉంటాయి. ఈ రోజు రిలీజైన ఈ సాంగ్, అభిమానులను ఏ మాత్రం నిరుత్సాహానికి గురి చేయలేదు. ‘భరత్ అనే నేను–బాధ్యుణ్ణై ఉంటాను..’ అనే లిరిక్ ఇప్పుడు యూత్‌లో లేటెస్ట్ హమ్మింగ్ ఎలిమెంట్‌లా మారనుంది.
#TheSongOfBharat is here..https://t.co/64heclTyme
— Mahesh Babu (@urstrulyMahesh) March 25, 2018
రామ‌జోగ‌య్యశాస్త్రి సాహిత్యం అందించిన ఈ సాంగ్‌ను డేవిడ్ సైమన్ ఆల‌పించాడు. దేవిశ్రీ ప్రసాద్ సంగీతం స‌మ‌కూర్చాడు. కైరా అద్వాని ఈ మూవీలో హీరోయిన్. డివివి ఎంట‌ర్‌టైన్మెంట్ బ్యాన‌ర్ పై డివివి దాన‌య్య నిర్మించిన ‘భరత్ అనే నేను’ మూవీ ఏప్రిల్ 20వ తేదిన విడుదల కానుంది.
