దేశంలో ఉన్న వైద్యులందరికీ ఆధార్ నెంబర్ తరహాలో యునిక్ పర్మనెంట్ రిజిస్ట్రేషన్ నెంబర్ (యుపిఆర్ఎన్) ఇవ్వాలని న్యూఢిల్లీలోని మెడికల్ కౌన్సిల్ అఫ్ ఇండియా (ఎంసిఐ) కీలక నిర్ణయం తీసుకుంది. దీంతో వైదులందరూ ఒకే గొడుగు కిందకు రానున్నారు. ఇప్పటివరకు ఆయా రాష్ట్రాల్లో వైద్య విద్యను అభ్యసించిన వారు అక్కడే వైద్యులుగా రిజిస్ట్రేషన్ అయ్యేవారు. ఇలా ఒక రాష్ట్రంలో ఎంబీబీఎస్ చదివినవారికి కేటాయించిన నెంబర్ .. మరో రాష్ట్రంలో ఇంకొకరికి ఉంటోంది. ఇటువంటి ఇబ్బందులు తలెత్తకుండా ఉండేందుకు ఈ నిర్ణయం తీసుకున్నట్లు ఎంసిఐ తెలిపింది. ఇందుకు సంబంధించిన ఆదేశాలు గురువారం వెలువడ్డాయి.
