లోక్ సభ ఎన్నికల ఫలితాల వెల్లడి అనంతరం కేంద్రంలో తమ మద్దతు ఎవరికి ఉంటుందనే అంశంపై మాజీ ప్రధాని, జేడీ(ఎస్) అధినేత దేవేగౌడ స్పందించారు. బీజేపి మరోసారి అధికారంలోకి రాకుండా అడ్డుకునేందుకు ప్రయత్నిస్తోన్న కాంగ్రెస్ పార్టీకే మ పార్టీ మద్దతు ఇస్తుందని దేవేగౌడ స్పష్టంచేశారు. ఈ విషయంలో ఇంతకుమించి మాట్లాడటం తనకు ఆసక్తి లేదని దేవేగౌడ తేల్చిచెప్పారు. మే 23న లోక్ సభ ఎన్నికల ఫలితాలు వెల్లడవుతాయని, ఏ పార్టీకి ఎన్ని స్థానాలు లభిస్తాయనే స్పష్టత వచ్చేది ఆరోజే కనుక అప్పటి వరకు వేచిచూడక తప్పదని ఆయన అభిప్రాయపడ్డారు.
JD(S) Chief and Former Prime Minister HD Deve Gowda: We are with Congress, I don't want to speak anything more. On 23rd results will come, clear picture will be known to the entire country & what further development takes place. pic.twitter.com/sxbgQXwV2D
— ANI (@ANI) May 18, 2019
నేడు తన పుట్టిన రోజు సందర్భంగా తనయుడు, కర్ణాటక ముఖ్యమంత్రి కుమారస్వామితో కలిసి శ్రీ వేంకటేశ్వర స్వామి వారిని దర్శించుకున్న అనంతరం మీడియాతో మాట్లాడుతూ దేవేగౌడ ఈ వ్యాఖ్యలు చేశారు.
